AKASAN Delegate Report - 12 Avril 2010

I returned to Ottawa motivated and inspired by the contacts established with survivors of the quake and their response to the AKASAN initiative; Unsatisfied with the results obtained in terms of the timely distribution of the donated goods; Frustrated and angered by substandard service offered by the Canadian shipping company and by the Haitian Government...

read more and see the pictures here...
http://www.akasan.org/Akasandelegatereport.htm
See also (French article by Julie Levesque) : Aide internationale en Haïti: une terre de liberté aux mains de la corruption
http://mondialisation.ca/index.php?context=va&aid=18451

Se ak anpil motivasyon mwen retounen Ottawa granmesi enpirasyon mwen jwenn nan kouraj fanm ak gason ki pote laviktwa sou tranblemanntè a epitou jan yo resevwa pwojè AKASAN an de bra louvri. Konsa tou, mwen pa satisfè ditou ak reta nou oblije sibi nan distribisyon don nou kolekte yo. Kanta pou kalite medyòk sèvis nou resevwa nan men konpayi maritim kanadyen an epi Gouvènman Ayisyen an, se kichoy ki pou ta fè yon nèg fè kolè jouk ou toufe ak endiyasyon....

Klike la a pou òu wè kèk foto epi plis detay nan yon tèks ki ekri an angle.
http://mondialisation.ca/index.php?context=va&aid=18451

Pa neglije non plis voye lèy sou atik jounalis Julie Levesque ki ekri nan lang franse. Tyeke Aide internationale en Haïti: une terre de liberté aux mains de la corruption
http://mondialisation.ca/index.php?context=va&aid=18451

Je suis revenu motivé et inspiré par les liens établis en haiti avec des survivants du séisme et par l'acceuil chaleureux qu'il ont réservé au projet AKASAN. Je suis très insatisfait du résultat obtenu en ce qui concerne la prompte distribution des dons récoltés et je suis absolument frusté et choqué du niveau très inadéquat des services rendus autant par la firme canadienne de transport maritime que par le gouvernement d'Haiti...

Voyez: photos et textes (en Anglais) ici...
http://www.akasan.org/Akasandelegatereport.htm

Voyez aussi l'article de Julie Levesque:Aide internationale en Haïti: une terre de liberté aux mains de la corruption

http://mondialisation.ca/index.php?context=va&aid=18451





Jafrikayiti
"Depi nan Ginen bon Nèg ap ede Nèg!"
(Brotherhood is as Ancient as Motherland Africa)
----------------------------------------------------------



AYITI VIVAN EST UN SUCCÈS GRÂCE À VOS CONTRIBUTIONS:
To make a donation to the AKASAN fundraising online, click:
GLOBAL RESEARCH & AKASAN FUNDRAISING INITIATIVE FOR HAITI
www.akasan.org

mwen wè JAF ap swiv chemen de nèg tankou JEAN JEAN PIERRE te trase.Ki moun ki pa sonje repOtaj misye yo sou AYITI pandan ane 90s yo sou jounal VILLAGE VOICE?
Se de nèg ki toujou ap sèvi san yo pa mande anyen an retou.
JEAN JEAN se yon gran mizisyen tou .Moun ki te konn ale lan konsè misye yo lan CARNEGIE HALL ka testifye de sa.

Misye fèt konpoze yon SENFONI ke OKES FILAMONIK DOMINIKEN an entèprete.Dominiken yo te pote yo volontè paske yo konnen repitasyon misye:
Tande ti moso:
http://www.fondationfiershaitiens.org/

Mesi Jaf pou gwo travay wa po fe pou Ayiti. Chapoba, Ayibobo!!!!

Joel, video saa solid, pwisan, emouvan, dlolanje ak espwa.
Mesi anpil

Joel,

Jean Jean Pierre se yon jeni! Mwen pa nèg ki fou pou mizik klasik men, mwen gade videyo a, li fè san m tresayi. Gen anpil entèlijans emosyonèl ki envesti nan pwodiksyon sa a. Mwen te gen chans wè travay misye reyalize ak Dany Glover nan kad selabrasyon bisantnè a nan New-York - se la mwen premye rankontre misye fasafas, men mwen abitye li travay misye tou sou entènèt la ak onivo jounalistik. Bon bagay!

Antouka, mèsi pou ankourajman an. Sa ede nou kontinye feraye pou nou fè ti kontribisyon nou ka fè a, anvan twò ta bare nou.

Se domaj anpil inisyativ ki ta dwe, ki ta ka mache pi vit, oblije ap mache ti pa ti pa, paske manke fokis sou sa ki pi enpòtan. Paregzanp, mwen pa kwè nan tout pale anpil k ap fèt la yo, Minis Ayisyen yo ta dwe kontinye ap gaspiye tan, enèji ak lajan nan vwayaje toupatou sou latè olye yo chita ansanm pou PLANIFYE EPI EKZEKITE AKSYON KONKRÈ sou teren an. Kouman "desantralizasyon" pral fèt vre tandiske yon ti seri wout tou kout po ko janm ka asfalte?

Nou bezwenn plis kilomèt wout asfalte, mwens konferans pou pale rans! Epitou, poukisa tout konferans sa yo oblije fèt aletranje? Daprè sa mwen wè se pa tout peyi a ki disparèt toudenkou? Poukisa konferans sa yo pa ka ede enjekte kèk dola nan ekonomi Ayiti?

Pandan 2 semenn mwen sot pase lakay laa, machann Akasan ki anfas lakay mwen an ogmante lavant li. Imajine ou si li te jwenn kontra pou yon santèn aryennafè vant plen k ap radote nan sal èkondisyone yon otèl Pòtoprens?

Ki lè dirijan nou yo va aprann itilize opòtinite sa yo pou ede machann mayi moulen ak machann lababen fè kòb. Wi, peyi a chaje ak pwodui. Lababen fè kenken nan peyi a. Mwen remake anpil fwi tou sou tout wout Jakmèl la. Mwen menm manje Kayimit. Zabriko, Mango menm, se pa pale. Kidonk, peyizan Ayisyen an kontinye ap pwodui nan kondisyon disfisil. Se juisè san imajinasyon k ap brase nan vil la ki pa vle mete yo opa ak reyalite peyi a.

Anpil fristrasyon ap bouyi anndan mwen paske sa mwen wè ki merite fèt yo pa pi konplike pase sa. Oudimwens pa nan tout domèn. Malerezman mesyedam nou yo mare tankou krab. Yo pase tout tan yo nan fouk blan yo, tandiske popilasyon an ap tann yo mete men ak li nan konbit la. Paregzanp vyolans ki ap itilize kont moun ki nan Stad Sylvio Cator la pa nesesè. Twòp gaspiyaj ap fèt nan reyinyon "wine and chesse". Nou bezwen plis travayè, mwens zentèlektyèl, mwens polisyen radotè, plis enjenyè k ap ede nan demolisyon ak rebati....

Nou bezwen plis moun pratik, mwens pweziman!

Mesyedam, èske nou konnen ki kantite moun ki ap travay chak jou nan pwogram ranmase fatra nan lari a, ak mayo jòn, ble, sou yo....epi yo po ko janm touche 200 goud pa jou yo te pwomèt yo a? Èske nou konnen se sèlman apre 15 jou travay yo ba yo espwa touche premye kòb la? Èske nou konnen ki kantite moun mwen rankontre nan Mòn Laza (dèyè gwo kay kote Edmond Mulet geri bosko li a) ki deja gen plis pase 20 jou ap travay san yo pa janm touche 5 kòb? èske nou reyalize pwojè sa yo se USIAD, PNUD, Gouvènman Ayisyen ki swadizan ap finanse yo ak lajan "aide" epi malere yo ap bourike pou granmesi konsa?

Sa pa oblije konsa mezanmi! Popilasyon an dosil se vre, men endesans klas afranchi a depase limit. Si lòbèy pete se yo k ap lakòz!

Jaf

Jaf,

Se regretan ke lè w ap tande radyo ann AYITI ,se vwa politisyen "bwasougrenn" yo ou plis tande.yon bann nèg ki ap pale pou yo pa di anyen ,sinon yo bezwen plas Leta.

JEAN PIERRE se tankou sa ameriken yo rele "one man gang" lan sa ki gen rapO ak mizik ayisyen an.de mizik '"savan" tankou mizik OCCIDE JEANTY,JUSTIN ELIE elt...jika "JAZZ DES JEUNES"

Sa pa gen lontan ,misye te reyini yon bann jèn mizisyen pou entèprete repètwa JAZZ DES JEUNES ,ANE 59S ak 60s yo e sovgade patisyon yo.
Mwen ta swete ke yo bay "role model" sa yo ,plis "play" tankou yo di!