Apre 28 Novanm se pou nou komanse prepare ranplasman dinozò yo.

Wè pa wè, eleksyon yo pral fèt 28 novanm.
Gen moun ki pa fè KEP konfyans paske yo kwè KEP pral favorize kandida gouvènman an ki achte yo lajan kontan. Yo ta renmen boykote eleksyon yo lè yo wè yo pakapab anpeche yo.

Gen moun ki sinsè lan opinyon saa, men gen lòt ki sèvi avèk sa kom ekskiz paske yon konnen yo pa gen yon chans si yo te prezante tèt yo.

Pandan tan saa, pwosesis demokratik lan ap soufri.
Pwogram avèk pwojè pou amelyore kondisyon yo pakapab demare.
Tout demagoji ak magouy ap vale teren paske se konsa li te toujou ye lan epòk eleksyon.

Tout moun fè yon ekzamen konsyans apre 12 Janvye e yo ap reflechi pou wè kote chanjman yo ap soti.

Dapre sa m wè, tout bagay fèt pou rekomanse.
Se pou Ayiti gen yon lot figi avèk lòt konpetans.
Enstitisyon akayik yo dwe refonde.
Politisyen yo dwe retrete.

San m pa beswen nonnmen non yo, tout klas politik lan dwe pou ranplase avèk nouvo lidè. Bann mesyedam ki la jodya depase pa lè zevènman e lè devlopman.
Tou lidè avi yo dwe ale.

Men pou sa fèt, se depi 29 novanm pou nou fè kanpay sansibilizasyon pou jenn etidyan, patriyot, bon ayisyen konsidere antre lan politik pou yo sove peyi an lan yon mòd modèn e konpetan. Se pou nou ankouraje jènn ki pwomèt yo.

Sa kapab fèt lan 5 an apre denye jenerasyon dinozò yo fini manda 28 novanm nan.

Sasaye di: San m pa beswen nonnmen non yo, tout klas politik lan dwe pou ranplase avèk nouvo lidè. Bann mesyedam ki la jodya depase pa lè zevènman e lè devlopman.
Tou lidè avi yo dwe ale.

Men pou sa fèt, se depi 29 novanm pou nou fè kanpay sansibilizasyon pou jenn etidyan, patriyot, bon ayisyen konsidere antre lan politik pou yo sove peyi an lan yon mòd modèn e konpetan. Se pou nou ankouraje jènn ki pwomèt yo.

Sa kapab fèt lan 5 an apre denye jenerasyon dinozò yo fini manda 28 novanm nan.

Jenn gen dwa ranplase nou si vreman yo gen konviksyon ak vizyon pou peyi yo!!
Se pa paske yon mesye e dam nan 60-70 zannee dwe remize!!

Balaguer, Reagan, Nelson Mandela, Churchill, Degaulle se DINOZO yo te ye tou!

Pa vinn mete move panse nan tet jenn gason pou yo konprand ke yo kap vinn pran chans yo nan eleksyon 2016 nan!
Yo gen anpil chimen pou yo fe!

Se pa yon kestyon de 60 ak 70 zan.
Tout jenerasyon politisyen kounyea manke ide pwogresis avèk volonte e konpetans pou yo mete bon entitisyon, bon edikasyon, bon pwogram pou fè Ayiti mache.

Yo tout kont chanjman. Yo pa mete enterè peyi an devan. Yo tout se pouvwa pou la parad ya p chèche.
Lanpwen youn ki konprann se osèvis peyi e popilasyon ke yo dwe ye.

Jenès lan reprezante moun ki pa gen dosye koripsyon, magouy.
Edikasyon yo resevwa jodya pa menm ak sa dinozò yo te resevwa.
Ou pa wè ke deja atitid jenn ayisyen yo pa menm bagay ak lontan?