Fanmi Lavalas trete Ceant & Co. de woulibè...

Yon sèl randevou:
randevou bò tab la

FANMI LAVALAS
Bwat Postal : 15603
Petyon-Vil, Ayiti
Email: fanmilavalas@yahoo.com
Telefòn: 38 46 75 11/ 39 10 62 74
15 Oktob 94 – 15 oktob 2010
16 lane


Nan okazyon 15 Oktob 2010, Fanmi Lavalas ap konstate konplo kont nasyon an ak majorite popilasyon nan peyi ap kontinye pi rèd. Pandan yap ranfòse okipasyon an, mannèv ap pesiste pou anpeche retou Reprezantan Nasyonal Oganizasyon Fanmi Lavalas la, Prezidan Jean Bertrand Aristide. Chak jou pi plis karaktè antidemokratik maskarad seleksyon 28 Novanm yo ap parèt pi klè.

Esklizyon pati majoritè a ak yon douzèn lòt pati politik sanble bay bouyon eleksyon sa a yon gou fyèl menm kominote entènasyonal la mal pou vale.

Esklizyon Fanmi Lavalas sanble ap koke nan gagann majòjon demokrasi pèpè yap fabrike pou Ayiti a. Yo pa konn ki piwèt pou yo fè pou fè kwè FL nan eleksyon pandan yo fin metel deyò. Lè se pa Kandida woulibè kap mache di nap apiye yo, se kèk endividi yo vle fè pase pou òganizasyon an.

Fanmi Lavalas paka anpeche nenpòt moun ki vle al bwè bouyon trayizon nan eleksyon lasini. Men nap repete pèsònn paka fè òganizasyon an tounen bèf charwa. Tout moun konnen ki lès enstans, ki pèsonalite ki ka angaje òganizasyon Fanmi Lavalas ak nan ki kondisyon.

Fanmi Lavalas ap deklare li pap patisipe nan pwosesis seleksyon 28 novanm la, li pap sipòte okenn kandida, li pa gen pèsònn moun ki reprezante l e li pa voye pèsònn moun reprezante l menm anba tab.Fanmi Lavalas ap raple se eskli yo eskli l. Esklizyon FL antre nan you konplo pou kwape pèp aysyen nan direksyon zafè peyi a. Esklizyon FL se you lòt fas nan plan okipasyon an. Lè yo eskli Fl, se dwa tout yon majorite yo vyole.

Gouvènman, kominote entènasyonal, sèten gwoup ekonomik nan peyi a pa bezwen yon lidèship nasyonal ayisyen, se pou sa yo eskli Fanmi Lavalas, yo ekzile lidè nasyonal li

Gouvènman, kominote entenasyonal, seten gwoup ekonomik nan peyi a pa bezwen demokrasi an Ayiti, se pou sa yo eskli Fanmi Lavalas, yo ekzile lidè nasyonal li

Fanmi Lavalas pa ka fè tankou zòt nan voye pèp la al naje ankò poul soti.

Fanmi Lavalas pa ka mande pèp la al vote pou l pa rete deyò alòske li déjà deyò.

Fanmi Lavalas pa ka pran pèp la pou moun ki pa gen konprann menm jan ak Edmond Milè ki vle fè kwè se kantite kandida ak pati politik ki ve di demokrasi, menm jan tou pèp la ap swiv tout yon sektè kominote entènasyonal la ki ap denonse esklizyon anmenmtan yap finanse l sou baz fo preteks.

Fanmi Lavalas paka voye pèp la al ranfose demokrasi pèpè Edmond Milè ki pa gen okenn respè pou pèp ayisyen an . Ala engratitid nan men yon pitit Amerik di Sid la, lè nou konnen wòl Ayiti ak ayisyen jwe nan liberasyon pèp sa yo.

Engratitid entenasyonal kontre ak engratitid lokal pou banou you rejim engra ipokrit ki vin pou antere memwa zansèt yo.

Fanmi Lavalas pa ka mande pèp la ret anba tant pou zòt konstwi yon peyi ak bòs mason machòkèt, alyans ti koulout ki pwal kontinye yon pouvwa pèpè .

Fanmi Lavalas pa ka apiye yon plan antidemokratik, anti popilè, anti nasyonal pou peyi a.

Fanmi Lavalas raple li kwè nan altenans politik, li kwè se nan bon jan eleksyon, eleksyon demokratik, lib, onèt, transparan pou renouvle ekip politik yon peyi. Fanmi Lavalas pre pou li patisipe nan bon jan eleksyon enklisiv.

Fanmi Lavalas ap deklare yon lòt fwa ankò li pap patisipe nan seleksyon 28 novanm la

Se pou tèt sa, Fanmi Lavalas ap mande manm òganizasyon an, senpatizan nan tout lakou, lokalite , katye, seksyon kominal, komin, ak depatman nan tout peyi a, tout sitwayen konsekan pou yo kontinye mobilize pasifikman nèt ale pou konstwi yon lidèship nasyonal pou bare pwojè anti demokratik, anti nasyonal ak antipopilè sa a.


Sekrè viktwa, se yon lidèship nasyonal ak Lavalas !

Pozisyon Fanmi Lavalas pran lan deklarasyon saa toutafè korèk lan pèspektiv yon pati ki sibi yon enjistis lè yo sèvi avèk magouy pou eskli yo de eleksyon yo.
Yo reprezante yon gwo pòsyon popilasyon ayisyen an, kelkeswa deriv ke yo genyen lan mouvman ak direksyon peyi an vle pran.

Lanpwen okenn dout ke si FL te lan eleksyon an li ta kapab geyen yon gwo reprezantasyon lan tout branch elektiv ki pral eli lan eleksyon yo.

Se toutafè nòmal pou yo mande manm yo pou yo pa soutni eksklizyon yo lan kondisyon sayo e sa montre diyite ke yo ekzese lan rezonman saa.

Sepandan:
Pozisyon politik se youn e ma p redi yo pa ta kapab pran okenn lòt pozisyon, sinon yo ta lan magouy.

Men, tan avèk evenman ap kontinye mache e mont istwa pa rete tann pou enjistis revoke pou la jistis retounen. Koreksyon demokratik ke FL ap mande an lejitim, men li pakapab fèt kounye an. Kidonk se pou yo goumen pou sa pa rive ankò lan pwochen eleksyon lejislativ e prezidansyèl yo.

Yo dwe komanse chèche pa ki mwayen apati jodya.

Eleksyon yo pral fèt le 28 novanm wè pa wè. Yo oblije fèt paske se sa konstitisyon an mande. E si l pa t planifye sitiyasyon peyi an ta p pi grav.
Amwenske kounyea se yon sèl bagay ki kapab rete tren saa, se si kolera a kontinye pwopaje.

Kidonk, si eleksyon yo fèt, moun ki pa vote rete deyò e yo pa gen vwa.
Yo pèdi chapit lan e moun ki monte yo pral genyen legitimite pou yo ekzekite manda ke yon pati popilasyon an bayo.

Menm si manda saa se yon minorite ki bay li.

San ke yo pa soutni okenn kandida, yo te dwe vote pou kandida ki pi pre sa yo menm yo ta prezante kòm pwogram.

Politik se yon domèn ki mande matirite, entelijans, konpwomi, fleksibilite menmjan ak yon Jeu dechèk.
Nèg ki gen gwo kòlè konn pèdi lan jwèt saa.

Dapre mwen, 10 pwopozisyon Ceant yo se yon pwogram oubyen yon liy ideyolojik ke tout ayisyen te dwe diskite e debat.

Se sa Ayiti bezwen anvan l komanse devlope.

Mwen pa konnen kilès Ceant ye e si fanmi l lan vann dwog, men lide li pwopoze yo se sa ki chemen pou nou te dwe swiv pou peyi nou an soti lan eta mandyan, restavèk, tyoul blan, endijan, peyi ki pi pòv ekonomikman e entelektyèlman lan emisfè a si se pa dan lemond antye.

Ayiti bezwen 10 pwopozisyon sayo kèlkeswa moun ki prezante yo.
Yo reyalizab paske se mantalite deyè kamyonèt lan ke yo kapab korije e sa pa koute milya.

Se ekzakteman sa SASAYE.
Pozisyon FL lan kòrèk.Yo di yo pa p andose eleksyon yo ,men tou patizan l yo gen dwa andose kandida ke yo vle ;men se pa lan non yo.

Kanta pou CEANT,fanmi l ta gen dwa lan dwòg ;eske limenm li ladan l?
Yo poko pwouve sa.

Mwen resi jwenn rezon pou mwen bat bravo lakontantman pou yon desizyon politik FL pran sou dosye seleksyon sa a! Se konsa yo te dwe aji depi 2006!

Ou pa ka aksepte, y ap mete Pè Jean-Juste nan prizon epi pou gen moun k ap anrejistre nan eleksyon sou non pati a. Yon kesyon prensip!

Sa blan an ak tyoul li yo bezwen se lejitime pwosesis seleksyon y ap fè pase pou eleksyon an. Tout mwayen yo ka itilize pou di "Lavalas" te ladan l tou - san yo pa pran risk fè konpetitisyon ak Lavalas tout bon vre - se sa yo vle.

Jaf

mwen dakò 100% ak desisyon direktwa pati Lavlas la pran la ;poukisa pou yon moun al jwe poker ka yon met jwet ki make kat la pou se asosyel ki genyen ?se ridikil.tankou jaf di ya se pou lejitimé selektyon ki fè yo rale fisel 2 zou 3 maryonet pou yo fè yo patisipe nan maskarad saa.nanpren oken ayiysen konsekan ki dwe patisipe nan selktyon ke selktyonè Preval ak asitan li Mulet la vle fè 28 novanb ki ap vini. Aba elektyon malatchyong.kite yo fè grimas yo pou kont yo.Pep ayisyen rete chita lakay nou.

Direction Fanmi lan manti . Fanmi Lavalas anba chal. Nou kinbe moun Narcissisme sa yo lan bay manti.

Non Mak,
Lanpwen bay manti lan deklarasyon saa.
Antan ke pati yo pran distans de eleksyon saa ki pral fèt san yo.
Yo pata kapab patisipe menmsi yo ta vle, paske se KEP an ki ekskli yo.

Men chak sitwayen lan peyi a gen devwa sivik pou yo al vote e FL pa di pou yo pa al vote.
Rete mobilize pa vle di pinga al vote.

Mwen remèsye Thundè pou tèks saa ke li poste an.

Jan li resevwa se pa konsa li te konsevwa.
Dayè lanpwen kote FL lonje dwèt sou Seyan (Ceant).

Kite'm di'w ke Fanmi Lavalas n'est pas Maryse Narcisse et je sais , je sais de quoi que je parle. Direktwa a ap bay manti. Yo genyen kandida yo lan eleksyon novamb lan . Il y a Maryse qui fait usage d'un langage ...diplomatique pour ne pas dire qui fait de la diversion...

Sasaye ekri:

San ke yo pa soutni okenn kandida, yo te dwe vote pou kandida ki pi pre sa yo menm yo ta prezante kòm pwogram.

Fanmi Lavalas bay repons li deja:

Fanmi Lavalas paka voye pèp la al ranfose demokrasi pèpè Edmond Milè ki pa gen okenn respè pou pèp ayisyen an…

Fanmi Lavalas paka anpeche nenpòt moun ki vle al bwè bouyon trayizon nan eleksyon lasini…

Fanmi Lavalas klè sou sa. Nenpot moun k al vote se ranfòse ke y ap ranfòse demokrasi pèpè an.

Anplis, fòk mwen mande Sasaye eske li konprann kisa ki yon “bèf charwa” tankou jan FL di an?

Men nap repete pèsònn paka fè òganizasyon an tounen bèf charwa.

Si li te konprann, li pa te ka kontinye chache ap vire pozisyon lavalas la lanvè landwat

Yon lòt kote, Joel ekri:

Se ekzakteman sa SASAYE.
Pozisyon FL lan kòrèk.Yo di yo pa p andose eleksyon yo ,men tou patizan l yo gen dwa andose kandida ke yo vle ;men se pa lan non yo.

Sispann bafwe moun! Ide prensipal tèks lan se ke moun ki al vote se moun k ap ranfòse eksklizyon lavalas lan.

Fanmi Lavalas pa ka mande pèp la al vote pou l pa rete deyò alòske li déjà deyò.

Mwen te di nou sa deja, e m ap repete l ankò: Plis seleksyon ap apwoche, se plis presyon ke n ap genyen pou nou chwazi kan nou. Li enposib pou yo pou e kont seleksyon yo an menm tan nan kontèks politik ki genyen konnye a. Si FL mande pou pèp lan chita lakay li, teknikman, chak bilten vòt ki tonbe nan bwat vòt lan se yon kout kouto nan do FL.

Menm lè ke mwen ak Jaf pa dakò sou omwen 90% sijè, li montre klèman kote ke li kanpe san ke li pa eseye tòde pozisyon ke FL pran an. Marc ak Roseau menm, nou konnen kote ke yo kanpe deja.

Marc ak Roseau menm, nou konnen kote ke yo kanpe deja.

Di'm non . ki kote Rozo kanpe . Li pa jam di lan kan politik li kanpe. Li toujou di li kanpe lan kan pep la .
Mwen menm mwen kanpe lan kan gran mouveman lavalas du 16 desamb lan . Se pousa mwen souteni tout kandida aux élections du 28 novembre ki fe pati du grand mouveman lavalas la. Map pale de Alexis , Céant, Jude Celestin, Voltaire, Cristalin,etc.

Sasaye ekri:

Jan li resevwa se pa konsa li te konsevwa.
Dayè lanpwen kote FL lonje dwèt sou Seyan (Ceant).

FL di:

Lè se pa Kandida woulibè kap mache di nap apiye yo, se kèk endividi yo vle fè pase pou òganizasyon an.

Yo pa t lonje dwèt sou Ceant non, eskize m se te yon fòt de frap. Se sou Manigat, Martelly, Neptune, Alexis, Baker, Jeudi… ke FL te lonje dwèt. Mèsi pou koreksyon an.

Roseau se yon tèt kòk bounda pentad (lol). Pa bliye ke ni Duvalier, ni Aristide toujou di ke se nan kan pèp lan ke yo te ye.

Marc,

Wou pa nan mouvman 16 Desanm 1990. Wou nan mouvman 15 Oktòb 1995. Genyen yon gran diferans.

Mouveman sa pa mouri . Li la toujou. Li koupe en plusieurs moso . En passant 15 octob lan se fanmi Lavalas youn lan rivyè fleuv lavalas du 16 desamb 90 lan .

Marc,

Pa bay tèt wou manti, 16 desanm ak 15 Oktòb se de bagay diferan. 16 Desanm te baze sou jistis, transparans ak patisipasyon. San ke mwen pa p chache ofanse w, paske mwen plis kwè ke se mank de enfòmasyon ki fè ke w ralye tèt wou ak mesye sa yo. Men, 15 Oktòb li menm baze sou dwòg, vòl ak demagoji.

Fanmi Lavalas trete Ceant & Co. de woulibè...

Se konnyen la ke'm jete yon kou dey sou post saa ki intrige'm anpil. Se Ceant ki nan kous la se Ceant ki gen kamyon e chofe kamyon'l.

MESYE LAVALAS YO PA GEN KAMYON, YO PA GEN CHOFE, YO PA OGANIZE, YO TOUJOU AN RETA NAN REJISTRASYON KANDIDA YO. E LE KE YO REJETE YO, YO DI SE KOKEN KE CEP A AP FE.
Si gen woulibe se mesye Lavalas yo!!!
e nou kwe ke kamyon Ceant ap pi apropriye pou yo e yon meye chwa ke kamyon Marc Bazin an an 2006.
Fok Lavalas kole zepol ak Ceant!!!

revelation a écrit:

Fanmi Lavalas trete Ceant & Co. de woulibè...

Se konnyen la ke'm jete yon kou dey sou post saa ki intrige'm anpil. Se Ceant ki nan kous la se Ceant ki gen kamyon e chofe kamyon'l.

MESYE LAVALAS YO PA GEN KAMYON, YO PA GEN CHOFE, YO PA OGANIZE, YO TOUJOU AN RETA NAN REJISTRASYON KANDIDA YO. E LE KE YO REJETE YO, YO DI SE KOKEN KE CEP A AP FE.
Si gen woulibe se mesye Lavalas yo!!!
e nou kwe ke kamyon Ceant ap pi apropriye pou yo e yon meye chwa ke kamyon Marc Bazin an an 2006.
Fok Lavalas kole zepol ak Ceant!!!

Mwen rele sa yon lavlasyen ki pran pozisyon, ki byen afime l.Kontrèman koken kap fè koud gidon kote Ceant, Alexis ou byen Celestin. Tonas branche nou sispann jwe flip flap.Wouyyyyyy jwèt la sanble sovaj, pou nou vle mete plis jwè sou teren, bay opozisyon gol outsid.

Nap sipote tout kandida d'origine lavalassienne des années 90 yo , point barre. Si genyen on 2 e tour entre deux lavalassiens, nap pran posisyon pou oun ladan. Pou listan nap boule ak tout kandida ki genyen on rapo de lwen ou de pre avek bas mouveman lavalas des années 90 yo .

Thundè,
Mwen bay opinyon m sou nenpòt sijè dapre jan m wè yo depandan de eksperyans ak konesans pèsonèl mwen.
Mwen pa pran konsiy lanmen oken endividi ni oken gwoup.
Mwen pa swiv ki pozisyon Lavalas oubyen lòt pran sou eleksyon yo oubyen lòt evenman lan peyi an.

Non, mwen pa konnen kisa FL rele Bèf Charwa. Kisa sa vle di?

Antouka kèlkeswa definisyon an e kisa yo vle di, sa pa gen rapò avèk pozisyon pa m.

Pozisyon m rete menmjan:
Eleksyon se yon pasaj oblije ke tout sitwayen genyen yon devwa sivik pou yo ekzèse.
Boykote yon eleksyon ta kapab valid si sa reyisi deraye eleksyon an.
Men si eleksyon an ap fèt kanmenm se pou tout opozan ale vote an mas pou yon anpeche lòt pati yo pwofite de absans yo.

Si yon moun pa vote, ou pap janm jwen satisfaksyon ke kandida ke w ta chwazi an pral reprezante w.
Menmsi se 10 pousan votan yo ki eli kandida pa yo, vòt lan valid e gouvènman ke yo mete an lejitim ke w vle l ou pa.

Apre sa, lanpwen anyen ke yon nèg ka fè pandan 5 an.
Anmwenske patènn koudeta a tounen ankò.

SASAYE;

Se pou w konnen ke zòt kont eleksyon ;se yon bagay ki lan ADN.
Sèl eleksyon yo pou li ,se eleksyon yo genyen ou byen y ap genyen.
E paske yo pa p janm ka konvenk majorite pèp lan pou yo ta genyen yon eleksyon ;donk yo kont eleksyon!

Sasaye,

Si se konsa fòk wou pa pè pran pozisyon pou w di kareman ke w kont deklarasyon FL fè an kòmkwa tout moun ki al vote se ranfòse ke y ap ranfòse demokrasi pèpè an. Wou pa ka di ke w dakò ak pozisyon yo an, pandan ke w kwè ke " si eleksyon an ap fèt kanmenm se pou tout opozan ale vote an mas pou yon anpeche lòt pati yo pwofite de absans yo".

revelation a écrit:
Citation:
Fanmi Lavalas trete Ceant & Co. de woulibè...
Se konnyen la ke'm jete yon kou dey sou post saa ki intrige'm anpil. Se Ceant ki nan kous la se Ceant ki gen kamyon e chofe kamyon'l.

MESYE LAVALAS YO PA GEN KAMYON, YO PA GEN CHOFE, YO PA OGANIZE, YO TOUJOU AN RETA NAN REJISTRASYON KANDIDA YO. E LE KE YO REJETE YO, YO DI SE KOKEN KE CEP A AP FE.
Si gen woulibe se mesye Lavalas yo!!!
e nou kwe ke kamyon Ceant ap pi apropriye pou yo e yon meye chwa ke kamyon Marc Bazin an an 2006.
Fok Lavalas kole zepol ak Ceant!!!

Solon/Rico di: Mwen rele sa yon lavlasyen ki pran pozisyon, ki byen afime l.
Kontrèman koken kap fè koud gidon kote Ceant, Alexis ou byen Celestin. Tonas branche nou sispann jwe flip flap.Wouyyyyyy jwèt la sanble sovaj, pou nou vle mete plis jwè sou teren, bay opozisyon gol outsid.

Wi nou se Lavalas "des premieres heurs" e ki kwe nan negosiasyon e non-violans!! Le militer yo te fe koudeta an 1991, nou pat mande pou pep la koupe tet ni boule kay!!

Ekip Washington DC yo tap travay 24/24 pou yo te kap jwen yon solisyon pou tout moun prezidan Aristide e militer yo tou.
Yo tout se piti pep la.
Zafe rele kandida de woulibe e tret pa ladann! Nap sipote yon kandida ki kap mete sosiete ya nan yon bon kondisyon amikal e rekonsiliab kote ke yo kap resevwa tout piti yo ki deyo san exseption!

Nou pap travay pou yon sel moun, men pou tout moun nan sosiyete a!!

Thundè,
Bagay yo pi senp pase sa.
Mwen di kòm opinyon politik ke pozisyon FL vizavi soutni yon kandida korèk.
Yo pa ta kapab fè otreman.
Si w deduy ke mwen se yon Lavalasyen poutèt sa, se chwa w.

Men pozisyon pa m nan deja montre ke mwen pa dakò avèk pozisyon yo an.
Mwen pa janm pè anyen dan lavi. Mwen wè anpil dlo pase anba pon yo.

Poukisa ou vle ke se poum fè yon deklarasyon ki dezavwe posisyon FL?
Mwen pa genyen alejyans ni apatenans pou FL ni oken lòt pati.
Men si m wè yon pozisyon favorab a Ayiti, ma p soutni l san m pa bezwen etikèt.