TONY MOISE kraze yon kite sa

Nouvèl tonbe ke TONY MOISE lage sa.Misye te gen 75 zan-Tan pase vre.
Mwen sonje lan kòmansman LANNE 1960s yo ,JÈN sitou lan katye ki pa t pi mal yo se te modèl FRANSE yo te genyen ;se te JOHNNY HALLIDAY,JOHNNY RIVERS ,SILVIE VARTAN.
N a remake se yon bann FRANSE ki te adopte NON SPEKTAK AMERIKEN-se yon lòt koze.
Se te KLIB ""LES COPAINS"" sou RADYO AYITI ak MAURICE DUVIQUET.
Se lè sa a TONY MOISE ak ZANMI l yo te vin fòme yon GWOUP ke yo te rele LES SHLEU SHLEU ki te yon ti jan diferan de GWO JAZZ yo e ke yo te rele MINI JAZZ.
A pati de la ,se yon lòt mouvman JÈN yo te vin adopte e si memwa pa fè m defo yo te menm kòmanse ap jwe lan KLIB ""LES COPAINS "" yo sou RADYO AYITI.

Joel bay nouvel ke: TONY MOISE kraze yon kite sa

Joel mesi pou nouvel la! Eske w kap bay plis presizyon.  
Eske se mouri ke Tony mouri ou byen se retret li ke li pran nan monde mizikal la ??
Petet Sasaye kom gwo saxo kap pote plis presizyon.

Kenbe la

Mwen regrèt depa Tony Moïse, yon pyonye. Sa fè kèl zane mwen te dekouvri ke misye te kontinye ap fè mizik. Enfen, re-edite OSS. Men nou tout konen ke li pa fasil pou rekeye yon epók. Se tankou m'ap gade Ti-Plume, nou wè ke nèg yo fyè de sa yo kite. Mizik yo te enspire.

Mèsi pou rapèl la e sa pèmèt mwen al fè yon koudpye sou Youtube.

Chapo pou Tony Moïse.

PS. Konpè Nemours Jean-Baptiste sa a kite yon kokenn eritaj. Nou gen dwa di ke misye ak Sicot se fondatè peyi d'Ayiti itou gras a orijinalite yo. Mwen kotwaye tout kalite mizik, anpil gran mizik ki ase konplèks men sa pa anpeche ke mwen toujou trouve yon kote jenyal lan mouvman konpa. Tout moun sipoze renmen sa ki pa yo, nèspa?

Rèv la gen lè pa konprand kreyol non. (lol) Se sa ki rive lè nèg abitye li la Bibl de fason literal... (lol)

Sa fè lapenn e se avèk tristès ke m aprann nouvèl lanmô Tony Moyiz.
Mwen kapab di ke mouvman ki te jenere ShleuShleu an te kômanse avèk Ökès Latino an repons kalite mizik ke Nemou te entwoduy sou sènn nan.
Se te anvan yo te rele mizik saa Konpa dirèk.
 
Alôske espesyalite m te toujou enpwovisasyon sou nenpôt ki môd oubyen gamm mizikal, Tony te baze teknik li sou repetisyon ak repons thematik.
 
Se pou nou bay Nemou omaj pou ensistans ak entranzijans kifè ke li enpoze mizik li an malgre tout kontwovès.
Li chwazi yon estil dans ki te reponn a sa pèp lan tap chèche anba rejim Divalye an, men li te vinn ap fè lwanje sistèm makout lan tou.
Men kanmenm sa misye te komanse an avèk Konpa vinn yon gwo eleman kiltirèl Ayisyen ki la pou la posterite.
 
Li lè pou nou rekonèt kontribisyon atis ayisyen lan vi kiltirèl peyi an.
Pami ewo nou yo: Gi Diwozye, Webè Siko, Remon Siko, Antal Mira, Michèl Degrôt, Rawul Giyôm ak yon pakèt lôt.
Webè Siko se te yon jeni ki te rive lan nivo entènasyonal.
 
Gen yon majorite moun jodya ki pa konnen kilès Tony Moyiz ye oubyen te ye.
Se te yon  saksofonis alto ki te toujou devan Shleushleu ap fè dialôg avèk gita yo ak chantè yo.
Se li ki te mayestro gwoup lan tou.
Mwen voye kondoleyans pou Pedi (Janklod Pyèchal) ki te pase yon dividal lane an kolaborasyon ak Tony.
Gwoup sa te trè popilè depi ane 60 yo rive jiska resamman.

Joel di: Nouvèl tonbe ke TONY MOISE lage sa.Misye te gen 75 zan

W poko di nou ki kote ke w jwen nouvel saa boss papa!
Bay referans tanpri souple.

Misye li-menm gen lè pati nèt wi.

Anmwey, Rèv la mande referans pou yon moun yo anonse ki mouri. Rèv la, sou bluff, li pa konn vrèman ki ès ki Tony Moïse. Al sou Entènèt la mon chè, w va tou jwenn ki jou fineray la e ki kote y'ap antere'l.