C'était le 22 septembre 1957

Se pa 2 nèg ki pral abiye an ble ak foula wouj jounen jodia. (lol)

Avi! Avi! Avi!

Thunder

Jodya se gwo fet pou ou.ou sonje nan tan w.Lè w tap di Duvalier papa peyi ya se pou wou vire dada w jan w vle.pito nou led nou la.pou nou te ka fè pep ayisyen pè. se yon jou 22 spetembre wi ke li te di:mwen ak jacques gracia ap fè bouda nou tounen yon paswa si nou pa disipline."epi marc henry ap mande si li se te yon diktatè ou byen yon lòm fò.genyen yon diferans ant yon lòm fò e yon moun ki deside yon apre midi poul touye 19 jenn gason san rezon apre li menm li mande tet li anpresans de De catalogne pouki sa li touye 19 kolaboratè li yo.Lè yon presidan fè frod elektoral poul di ke pep la ba li yon lot manda sa se pa zak yon lòm fò se zak yon dikatatè;lè depi .i monte se boule jounal epi arete jounalis ki te nan kan opose sa se pa zak yon lòm fò sa se zak yon diktatè.

li atik ke lesly pean te ekri ki te pibliye sou sit la pa Rico wa konprann ke Duvalier se te sa ke yo rele diktatè.dayè li di sa :"Je suis le superviseur de la nation;Haiti c'est moi"eske se Dejoyis yo ki te fè l pran position saa? Kestyon sas debatab paske mwen toujou ap pose tet mwen kestyon saa :eske se listwa ki fè Duvalier ou byen se Duvalier ki fè listwa.eske se sak te pase sou Estime ki fè Duvalier te vinn yon diktatè?Eske se endisiplinn politisyen ayisyen ;egoyis politisyen ayisyen ki fè li te vinn konsa?Mwen ta vle byen ba li rezon pafwa men eksè ke li fè yo montre ke se yon bagay ki te nan tet li depi anvan li te vinn presidan e moun ki te konnen li byen tankou Daniel Fignole te averti pep la yon dimanch maten 'Kote li te di :Atantyon si Duvalier vinn presidan an ayiti se manman pitit mare senti nou sere paske nou pral kriye.E li pat manti.

Non mezanmi...

Moun paka fè nenpot zak onon de la Demokrasi e onon Libète dekspresyon.

Mwen pa dakò pou yon pòs dedye a memwa oubyen pasaj Divalye lan istwa dAyiti.
Se yon dat lawont ak lapènn.

Se moman pi ekzekrab ke peyi an te konnen.
Kote de nèg konplekse ak zam epi pouvwa lan men yo
mache abize, tòtire, touye, masakre moun ki lan lide yo,
epi yo deklare ou kont Divalye.
Yo jwenn benediksyon epi yo pase trant an ap maspinen moun,
San pesonn pa mande yo kont.

Tout pèp lan, bizawèl jis anfan alamamèl ta p viv avèk kent e la toumant.
Ayisyen andan e deyò peyi a terorize ak makout, espyon epi sikè.
Yo te kapab touye opozan nenpòt kote andan e deyò peyi a.

Mesye sayo fè yon pèp vibran tounen zonbi.
Yo efase nen tout ayisyen e fè yo vinn tounen flatè pou yo siviv.
Yo derespekte valè entrensèk ayisyen,
fè fanm respektab tounen bouzen pou yo pa touye mari yo.

Yon popilasyon ki te pasifik vinn tounen zannimo,
fanm trayi mari, manman trayi pitit, pitit trayi fanmi
menm granmè vyole e pran baton ak prizon.

Jis lan peyi etranje ayisyen te pè pale tèlman yo terorize, kraponnen.
Bon zanmi vinn tounen lenmi,
nèg pote madam yo ak pitit yo bay makout
pou yo sa jwenn travay oubyen sekirite.

Yo fè ekspre yo dezoryante pèp lan.
Pran moun lan nò al lage lan sid.
Pran moun lan sid al lage Pòtoprens
fè yon melimelo kote moun pèdi rasyn
epi yo vinn tonbe lan men makout.

Chak peyi jwenn yon kalamite.
Lamay te gen Itlè, Itali te gen Misolini,
Zayi te gen Moboutou, Larisi te gen Leninn,
Men pòv Ayiti ki toujou dèyè kamyonèt lan
te gen Divalye.

Se pou non saa modi a jamè lan istwa dAyiti.

Si gen yon milyon ayisyen lan dyaspora
se anba sanmanman sayo ekzòd lan te komanse.
Ayiysen kouri pi mal pase jwif eran pou sove poul yo.
Kifè peyi a pèdi yon pakèt resous ki ta kapab fè l devlope.

Tone kraze m !!!!
Pinga okenn moun vinn di m Divalye te sesi oubyen sela.
Se te yon dezas ki pi mal pase sak pase 12 janvye 2010, lan peyi a.

SASAYE;
Sa fè la penn;
Se sa k fè gen yon seri de nèg sou sit sa a ,ou pa ka okipe yo.

Mwen ta swete ke MARC pa tonbe lan pyèj sa a.Pou moun ki te temwen gouvènman DIVALYE yo.
Sa te pi mal ke sa w te ka janm tande.

Forumhaiti est un espace d'information et d'opinion. A cet égard, il faut émettre vos analyses critiques sur l'élection de Duvalier .

Je n'en sait rien des lections '57. De quoi accusez-vous le CEP durant les elecions de 1957?

Se sa ke mwen ap di nou an, ki fè ke mwen ak nou p ap janm ka dakò sou pwen sa yo. Alò se nou ki konnen ki moun ki pa merite sesi oubyen sela? Se nou ki konnen ki moun ki kalamite pou peyi a sèlman? Se nou ki konnen ki moun ki san manman?

Alò, apre Duvalier san te sispann koule? Elèv lekòl te sispann mouri anba bal vagabon k ap pwoteje pwòp pouvwa yo? Arestasyon san manda te kaba? Asasina politik pa t ekziste ankò? Vòl nan tout nivo leta a te sispann? ...?

Kisa n ap fè ak kadav ke makout yo pat touye yo? Ak lajan ke yo pa t vòlò yo?

Poukisa moun ki genyen jan de tandans tankou nou kont Duvalier? Epoutan se menm pratiks yo ke nou ap defann. Teknikman se pouvwa ke pèp lan te ba li ke li t ap defann. Se pa rebèl, ènmi nasyon an, oligachi an... ke Duvalier t ap elimine? donk ki pwoblèm ki genyen?

Vi pwen de vi nou sou kesyon sa yo, nou tout ta dwe abiye an ble jodia. Se pou nou menm ke mwen t ap rele avi konsa.

Tone kraze m !!!!
Pinga okenn moun vinn di m Divalye te sesi oubyen sela.
Se te yon dezas ki pi mal pase sak pase 12 janvye 2010, lan peyi a.

Se konsa mwen santi m pou anpil lòt sanginè ki te bezwen kopye Papadòk ak taktik diferan.

kami a écrit:Je n'en sait rien des lections '57. De quoi accusez-vous le CEP durant les elecions de 1957?

Pinga moun ki pa janm kwè nan koudeta elektoral yo plenyen non. Seleksyon se eleksyon, se pèp ki chwazi, se pèp ki bay pouvwa. Donk Duvalier te genyen lisans pou l fè sa ke li vle. Mes ennemis sont ceux de la Nation.

Thunder

nou twa moun ki ap pale w de sa ki te pase se pa nan bouch moun non nou pran pawol se moun ki te temwen wi. se pa pa ipokrisi ke mwen di mwen te vote pou duvalier an 1957 non se vre wi men tou mwen se pa moun yon moun kelke swa moun lan depi li pa respekte konstitutyon peyi ya, de pi li se kriminel, volè, sanginè map denonse li e mwen pap swiv li.Konpare Aristide ak Duvalier se komsi wap konpare le jou e la nwi tande ti papa.mwen pa di Aristide se sen non men devan Duvalier li se yon ti zanj;yon ti anfan de kè.e se pa paske mwen kwè nan Aristide non ,men se la verite.

Nou poko aprann mwen anyen non la. Se joure nap joure. Thunder, Joel, Roseau, tanpri banmwe yon konparezon ant regime Duvalier ak regime lavalas/Aristide la.

Poukisa 2 prezidan sa yo te change au cours de leurs mandats.

kami a écrit:Nou poko aprann mwen anyen non la. Se joure nap joure. Thunder, Joel, Roseau, tanpri banmwe yon konparezon ant regime Duvalier ak regime lavalas/Aristide la.

Poukisa 2 prezidan sa yo te change au cours de leurs mandats.

Une tres belle intervention Kami. Ki leson nou tire de eleksyon papa Doc la. E kisa nou te fe pou nou divose ak jan de konpotkeman politik sa yo . Kisa nou vle pou peyi nou . Poukisa nou toujou ap konfronte mem pwoblem politik ki te genyen an 1957 lan . Eske. Lide poliik yo evolye lan peyi sa

Le gros roseau a écrit:Thunder

nou twa moun ki ap pale w de sa ki te pase se pa nan bouch moun non nou pran pawol se moun ki te temwen wi. se pa pa ipokrisi ke mwen di mwen te vote pou duvalier an 1957 non se vre wi men tou mwen se pa moun yon moun kelke swa moun lan depi li pa respekte konstitutyon peyi ya, de pi li se kriminel, volè, sanginè map denonse li e mwen pap swiv li.Konpare Aristide ak Duvalier se komsi wap konpare le jou e la nwi tande ti papa.mwen pa di Aristide se sen non men devan Duvalier li se yon ti zanj;yon ti anfan de kè.e se pa paske mwen kwè nan Aristide non ,men se la verite.

Ok! ...di m konbyen nan nou 3 sa a kiyès nan nou ki te viv Ayiti pandan rejim lavalas yo. Nou pa panse ke genyen moun tou ki jiska prezan ap di Duvalier se te bon papa?

An nou bliye Duvalier ak Tutus pou yo moman, an nou rantre nan konsèp yo. Eske dapre wou, pa genyen oken moun ki pi rayi jwif e pi sadik pase Hitler nan moman ke n ap pale la a? E sa ki fè ke mond lan pa nan 3e gè mondyal deja?

Eske wou pa panse ke yon moun tankou Ahmadinejad, ki te mande pou efase Izraèl sou sifas planèt lan, te ka fè plis si se nan epòk ke Hitler t ap viv lan ke li t ap viv tou? Eske paske li pa touye 6 milyon Jwif, sa vle di ke li pa anti-semitic pou sa? Men pandan tan sa a, li ap ankouraje, tolere, patrone tout òganizasyon k ap touye Jwif.

Non! mwen pa ka jije l pou zak ke li te ka komèt, men sa pa anpeche ke li ak Hitler genyen yon pwen komen: Yo tou 2 rayi Jwif.

Yon lòt ekzanp, si yon nèg fè kadejak sou 10 fanm, epi yon lòt fè kadejak sou 3 fanm nan menm zòn nan. Men kondisyon yo pa t menm. An nou di ke nan moman ke kadejakè ki vyole 3 fanm nan t ap opere a, sekirite a te pi djanm. Eske moralman kadejakè sa a se yon ti zanj lè nou konpare tou 2, eske yo se lajounen ak lanwit?

Reponn kesyon sa yo ak onètete, e di poukisa. Sinon, diskisyon sa a pa menm vo lapèn.

Mwen pa lan diskite dezas Divalye a avèk nèg ki pa konn kisa ya p pale.
Mwen pap pale de Lavalas ni de Aristid.

Avèk de je m, mwen wè asasina piti peyi a, ekzòd tout yon pèp.

Yon milyon ayisyen ki deyò, ki pèdi rasinn yo, ki fè pitit ki etranje a peyi yo ak orijin yo.
Se chans pa m k f mwen vivan jodya a anba nèg ki touye pa plezi.
Gen makout ki te konn al la chas dèyè malere lan pòtay Senjozèf e yo touye yo pou anyen epi yo kite yo lan lari a.

Si m pa t gen bon relasyon e ke mwen pat gen popilarite pèsonèl, yo ta p kouri avè m.

Nèg yo touye moun si w gade yo lan je.
Yo touye moun paske ou byen kanpe, paske w gen bèl fanm.
Si yon moun gade yon pòtre Divalye mal, ou mouri.

Te gen yon makout ki te rele Dady Senlo, li monte lan yon otobis epi la p krache sou pasaje yo, lanpwen moun ki te kapab di l anyen. Si w fè sa, ou mouri.

Inkonsyan byen kontan ke kounyea a ya p paweze lan peyi blan e yo byen kontan yo vinn ap viv lwen Ayiti.

Sak fèt lan dyaspora a, al mande fanmi nou, si yo pat makout, kijan yo antre, ki sa yo pase pou yo rive kote yo ye jodya.

Mwen pap janm padonnen Divalye ak tout divalyeris yo pou kalamite yo mennen lan peyi ki pran yon kou ki pap janm efase.

Malgre mwen mennen yon vi konfòtab a letranje, mwen toujou santi ke mwen manke yon pati entegral lan ekzistans mwen, paske yon moun fèt pou viv, grandi, devlope lan peyi kote w fèt.

An retou, kòm bon sitwayen, ou travay pou fanmi w e pou lapatri pou kreye yon avni pou pitit ak ras w.

Ayiti pèdi e ayisyen ki te oblije kite l e tout pitit moun sayo ki pa ayisien e ki pap janm konnen kilti yo.

Se fout yon trajedi lan vi nou ke nou dwe rekonèt.
Petèt yon jou?

Pa t gen eleksyon, mwen te konnen fanmi Kebro an pèsonelman, paske Dady, pitit militè a te kondisip mwen. Mwen te konn al lakay yo.

Se te yon konplo byen dirije lè Kebro pran plas Kantav.
Yo te planifye pou lame bay Divalye pouvwa a.
Mwen te konn ap tande diskisyon nèg yo.

Lè pèp la komanse pwoteste lè yo we sak ta p pase, Kebro monte sou Bèlè avèk lame l, yo touye plizye milye malere epi yo mete yon kouvrefe pou yo pa kite moun wè konbyen kadav yo fè.

Mwen deja rakonte kijan de moun ki te respektab vinn tounen makout oubyen fiyèt lalo.

Ayiti te yon labatwa sou Divalye, Foukan te menm menase fè yon Himalaya kadav e se
pat pawòl lan bouch sèlman.

Mesi anpil Sasaye.

Sa se kote negatif la. Mwen ta renmen yon moun bonm yo kote pozitif de regim Duvalier.

Sasaye,

Pourquoi as-tu enleve ton poste?

Ou sont mes postes?

kami a écrit:Nou poko aprann mwen anyen non la. Se joure nap joure. Thunder, Joel, Roseau, tanpri banmwe yon konparezon ant regime Duvalier ak regime lavalas/Aristide la.

Poukisa 2 prezidan sa yo te change au cours de leurs mandats.

KAMI;
Se pou nou serye ,pa gen konparezon.PAt gen moun ,ki pa t konnen yon moun ke DIVALYE te touye.
Se tout moun,lan tout klas sosyal.
Sa k pi rèd ,menm si ou te lan peyi etranje,ou pa t a labri.Si w t ap pale kont gouvènman an ,espyon rapòte w;men wou,men tout fanmi w ann AYITI disparèt.
Ayisyen a letranje te pè pale ak AYISYEN parèy yo.Ou te gen dwa di yon bagay kont gouvènman an lan NOUYÒK ou byen MONREYAL ;lè w rantre ann AYITI ,yo disparèt ou depi lan AYEWOPÒ an .
KAMI

Noumenm ki pa t viv sou gouvènman DIVALYE an nou pa ka imajine kijan bagay yo te ye.
Mwenmenm jou ki te make m ,se jou mesye BARBOT yo te tire sou JCD lè misye te sòti lekòl lan KOLÈJ BIRD.
OU pase bò aviyasyon an,lan zòn filati BRANDT lan,se kadav,ou monte sou LALI AN,bò CHEMEN DÈ DAL ,SE KADAV;epi lan lan zòn sa a ,ou wè la fimen;se fanmi BENOIT a ,makout yo masakre pitit a
la manmèl,menm bòn lan mesye yo touye.
Se te yon epòk terib;pa vin konpare DIVALYE ak ARISTIDE;se yon afwon a memwa dizèn de milye moun ki mouri yo.

Poukisa fanmi Benoit yo te asasine? ou pa bay rezon e mwen pa kwe ke tout ou fanmi taka asasine pou dan ri. pale inpe pi kler. Kiles fanmi Benoit yo te ye sou Duvalier?

François Benoit te yon ofisye lan FADH, li te genyen premye pri kòm Sharpshooter lan Jeux Pananmeriken, yon tounoi militè ki te fèt chak ane lan youn lan peyi Amerik di Sid yo.

Se te yon atou pou Ayiti paske misye te chanpyon tout Amerik lan.

Lè Babo fe atanta pou tire sou Janklod Divalye ki te tigason ki ta p soti lekòl,
jan Jowèl te rapòte l la.
Kou an te manke oubyen Babo pa t vle touye tinonm lan, li te bezwen bay Divalye yon avètisman.

Jan kout fizi an pase, makout yo di ke yon kout zam konsa sanble travay yon Sharpshoutè tankou Benwa.

Neg yo derape pou yo al chèche Benwa lakay li lan Bwa Vèna.
Yon moun gentan avèti Benwa ki gentan al kache. Lè yo rive lan kay la yo touye sa yo jwenn.

Mwen te gentan pati al Nouyok lè krim saa rive, men mwen te vinn afekte dirèkteman
avèk bagay saa: Pi bon zanmi m lan Nouyok lan epòk saa sete Jacques Armand.
Misye avèk frè l Max te vinn rankontre m lè m rive paske Jacques te zanmi kondisip mwen lan Seminè.

Lan kouri al chèche Benwa, makout yo rankontre avèk papa de mesye sayo ki te yon gran avoka lan Pòtoprens yo te rele Mèt Benwa Amand.
Yo fouke misye akoz de non Benwa a.
Nèg la te pi granmoun e pi gra ke ofisye yo ta p chèche a, men yo tire l lan lari an e li mouri frèt.

Mwen kapab di n ke se ensidan saa ki te fè revolisyon 13 jeunes yo komanse lan Nouyok. Ti mesye yo te finn anraje pou yo al vanje papa yo.
Nou tout konnen ke yo kaptire yo Dammari epi yo fizye yo lan simtyèe Pòtoprens.

Pou fini istwa a, Kami, Divalye bay tout lekòl lòd pou mennem elev al asiste ekzekisyon yo epi rele viv Divalye.

Se abominasyon ki pa t janm konn fèt lan peyi a, menm lè meriken ta p fè lachas kont Chalmay Peralt.

Se pousa nou pa dwe blye pase, istwa nou nou . Mwen byen kontan ti rale sa ke sasaye fe sou gouvèneman Papa ak Baby dok la . Kontinye infòme nou sou ForumHaiti .

Mesi anpil Sasaye. Mwen ta renmen kontinye tande vesyon pa lot moun. petet si Sasaye manke lot la ajoute.

Sassaye yon ti korektyon pou listwa 2 frè Armand yo pa mouri nan simityè ya yo mouri nan goumen nan mòn nan grand'Anse.Se marcel numa ak Drouin ke Duvalier te fè fisye nan mi simityè kote li te fè mennen ti mou lekol ki a ba zaj al gade ki jan yap fisiye 2 jenn gason brav sa yo, se pou esplike w ki jan nonm lan te vinn malad pou yon doktè retire ti moun nan klas pou yo al gade 2 moun ke jandam ap fizye.eske arsitide ap fè yon bagay konsa.eske moun te konne wè kadav rebel ke yo ekspose nan kafou grand ri ak wout delma,. se pa regade l si kadav laraque te komanse ap pouri nan nen moun.

Gwowozo,

Mèsi pou koreksyon an, ou gen rezon.

Mwen te konn sa, men ma p avwe w ke mwen te sou anpil emosyon lè m ta p ekri tèks lan. Mwenn te estomake e tris pou wè gen moun ki pa konprann mayitid malsite ke Divalye koze lan peyi dAyiti.
Pou nèg ap eseye diminye orè Divalye a lan konparezon ak Aristid.

Yon lòt pwen ke mwen te manke lan resi a.
Apre masak tout fanmi l, Franswa Benwa te pati an ekzil kote li rete pandan lontan.
Li retounen lan peyi a epi li pa wont al antre lan politik.
Se menm nèg saa ki te lan KEP an 2006.
Li te lan yon kontwovès ke m pa finn sonje.

Men gen nèg ki pa janm aprann dan lavi.