WI;BANN IPOKRIT!

Se sa mesyedam sa yo ye.Y AP BAT BRAVO paske LULA ak PT brezilyen an ap pwone ansèyman ISTWA AFRIKEN lan lekòl BREZIL YO.
Poukisa menm mesyedam sa yo pa siyen yon petisyon pou mande pou lekòl ann AYITI yo anseye ISTWA AFRIKEN ann AYITI TOU?

AYITI yon peyi ak rasin AFRIKEN pa konn anyen lan istwa LAFRIK ,jis tan gen de ayisyen ki ap pale de AFRIKEN tankou moun ak zo lan nen.

Se pou sa menm mesyedam sa yo dwe ekri gouvènman ayisyen an ,pou mande pou yo anseye ISTWA AFRIKEN ,lan lekòl ayiti YO.

http://www.alterpresse.org/spip.php?article10173

Anseyé istwa afriken nan tout kote genyen anpil mioun nwa se yon nesesite.Ki jan pou yon moun genyen fyète nan tet li ,genyen self esteem sil pa konnen sa zanset li yo te reyalise. si se lot moun ki pa renmen yo ki ap pale yo de kote yo soti ya.se yon bagay ke tout anthropolog , istoryen e ekriven nwa te dwe fè lontan deja.paske moun ki pa renmen nwa pap janm pale de bel reyalisatyon ki te fet an afrik ,yap toujou bat pou se kilti erosantrik la ki prime tout kote.se devwa tout nwa ki pou fè nou konnen ke se pa vre nou pa moun ki pi bet sou la tè.

mwen sonje yon fwa mal fè chek -up nan yon klinik epi te genyen yon doktè kroeyen ki pa pale ak yon blan mwen fè komsi mwen pap okipe yo , rive yon moman doktè koreyen mande blan men ki sa yo fè kom kontributyon a lavansman de limanite an palan de nwa.Sa pwouve se pa selman nwa ki pa edike sou lafrik men majorite pep pa konnen si te genyen yon sivilisatyon nwa an afrik anvan leskalvaj.

Lè mwen te timoun ann AYITI,mwen te konprann ke sa mwen te konn li lan ""LES AVENTURES DE TINTIN"" yo se te la verite.
Mwen te konprann ke se te lan forè yo t al pran nwa yo pou yo te fè yo esklav.
Jis rive la 16 zyèm syèk ,AFRIKEN yo te egal EWOPEYEN yo lan pwogrè materyèl.
Gen de kote yo te depase EWOPEYEN yo ,lan konesans sitou lan wòyòm mizilman yo tankou GANA,MALI,TENBOUKTOU,GAO ,JENNA.

Kote sa yo te chaje ak INIVÈSITE ,kote moun te aprann tout bagay:MATEMATIK,AGRIKILTI,ASTRONOMI,ELT...
EWOPEYEN te konn vwayaje pou vin etidye lan kote sa yo.

Mwen sonje mwen t ap gade yon emisyon sou BBC.Repòtè an t ap pale de yon ""dig"" ke kèk akeyològ angle t ap fè sou wayòm la RÈN TSANGO ,ki te yon YOROUBA;manmzèl te rèn yon wayòm anpenpan ,lan SID ,aktyèl NIJERYA lan 10zyèm syèk.

Mwen sonje repòtè angle an te di ke yon gwo pwoblèm AFRIKEN yo genyen ,sè ke yo pa konn istwa yo.
Se menm pwoblèm lan noumenm ayisyen genyen;se tankou istwa nou te kòmanse lè nou te debake sou lil ISPANYOLA A.