Il faut feliciter la Minustha aussi quand les choses vont b

Rappel du premier message :

http://news.yahoo.com/photo/070221/481/6b186e1e447d483588ba58eeead7efd7


http://news.yahoo.com/photo/070221/481/5bbb10bee912432eb94b3e179dd5286a


http://news.yahoo.com/photo/070221/481/c0004c7999d7418ba70c6ea54aff9100

http://news.yahoo.com/photo/070215/photos_wl_afp/8b1ad9ff370d8b97302fc97dc93993df

http://news.yahoo.com/photo/070214/481/e94acdbad69145d1abbfdbeb7a94440d

http://news.yahoo.com/photo/070214/481/3f61104773b34f20a73717c10faa5245










"Le president Aristide a adopte la meme posture que Sadam Hussein"
Piporiko

Banm yon ti limyè sou vyolatyon ke li te fè yo.mwen ka bliye di m ki kalite moun li te voye touye ki fè w di se li ki te ap ankouraje vyolans lan.Mwen pa fanatik personn ,men mwen vle ke lè yon moun di m yon bagay ou byen ou akise yon moun pou vini ak prev ki pa selman difamatyon.Mwen kritike Aristide anpil fwa deja men an verite lè kou deta te fet an 1991 mwen pa wè poukisa lame te beswqen fè kou deta sa.Lè Namphy te aboli konstitutyon ke Jean Claude te vote ya eske li te trayi lwa mè peyi ya? Mwen pa pou oken ti diktatè men tou fok nou fè Haute Cour de justice la fè travay li tankou Madan Manigat di ya.Fok nou mete moun ki genyen karaktè nan Palman ;pa restavek, moun ki ka pran responsabilite yo.

mwen konnen ou pral di m ke Aristide pat genyen dwa revoke Etat major lame ya pou l te mete Cedras chef d'etat.Men eske li tap kapab gouvène ak militè sa yo ki te nan eta major?Mwen te kritike l pa pase li te revoke neg yo men moman li te chwasi pou l te revoke yo te two bonè.Aristide te manke matirite politik vre.men kisa kou deta ranje nan peyi ya?

Pou komanse Sans Malice, mwen pa la pou mwen shashe jistifye koudeta sanglan 1991 lan, paske mwen toujou rete kwè ke se pa yon sèl shimen ki mennen "à Rome". E mwen toujou konnen ke genyen moun ki te apiye koudeta se pou rezon pèsonèl yo. Men, ...asosye! se pa sa ki pou fè ke nou toujou gade koudeta sa-a sou yon sèl ang : "Aristide se mesi ke Bondye voye pou sove Ayiti men zanj lisifè yo ba li koudeta"

Menm lè nou konnen ke ti mesye militè genyen pwoblèm pa yo, an nou site kèk fè ki pase. Mwen konnen ke wou pwal mande'm se video-a pou mwen ba wou, men m'ap fè wou remake ke pafwa tou yon pawòl yon moun di, oubyen pa di, konn vo 1.000 video.

_ An parèt aristide sou pouvwa-a, li fòme yon kò makout ke li bay pote non ISP
_ li mete entèdiksyon de depa kont plizyè ofisyèl kite nan lòt gouvenman-an, menm pou Ertha Pascal pou 6 mwa jiskaske se yon JIJ ki aboli entèdiksyon sa-a. Eske se travay yon Prezidan "demokratik" oubyen lajistis ?
_ Aristide foure 5 jij nan Lakou Siprèm jistis san youn pa't apwouve pa Sena-a.
_ Aristide komanse ap ranplase majistra ki te eli pa majistra ke li shwazi nan plizyè vil, li mete kelke shimè dèyè do majistra li nonmen yo epi lapè.
_ Dat 29 jiyè 1991 Roger Lafontant ap jije pou yon koudeta manke ke Lame Dayiti te reprimande. Dapre Konstitisyon-an pèn Lafontant pa dwe depase 15 zan prizon. Aristide li menm deside pou li bay misye pèn li vle, yon lòt fwa ankò plizyè santènn shimè desann devan tribinal ak gazolin, manshèt , kawotshou mande pou jij lan kondane misye avi oubyen jij-lan ap pase anba pè Aristide...oh! ekize...mwen vle di pè Lebrun.
_ Apre konviksyon Lafontant, Aristide fè yon diskou kote li di quote : "pou 24 trè de tan se pou nou fè kawotshou tounen matla pou nou domi devan palè jistis-lan. Minis jistis lan genyen lwa yo nan men'l andedan tribinal la, men nou menm nou genyen matla nou, nou genyen alimèt nan men nou ak gaz tou pre nou " Unquote.
_ Nan yon lòt diskou televize Aristide di quote : SI YON MOUN TA MANDE ESKE Pè LEBRUN NAN KONSTITISYON-AN ? NOU KA REPONN KE SI SE PAT PRESYON Pè LEBRUN KITE DEVAN TRIBINAL-LAN, LI PA'T AP RESEVWA PRIZON AVI SE YON PèN 15 ZAN SELMAN LI TA RESEVWA." unquote.
_ Pou montre desakò yo ak sa k'ap fèt-lan Senatè yo remèt demisyon yo an masse.
_ Lè depite yo deside envestige diktati anashik ki ap vale teren nan peyi-a, yo jwenn ke la shanm nan antoure ak shimè lavalas ki ap fè menas sou lavi pa yo ak fanmi yo. A tèl pwen ke la shanm paka travay paske shimè rantre jis nan palman-an al bat depite ki vote kont gouvenman Aristide-lan.
_ Ligonde sèlman kritike Aristide, menm kote ya anbasad Vatican deshouke, yo boule katedral ke Toussaint te resevwa kle vil lan. yo bat anbasadè-ya, yo rashe sekretè li ya ak manshèt. Tan pou Aristide ta kondane zak sa yo, li pito andose yo anba shal ak yon bann diskou demagojik...

Mwen kanpe la, e kom anvan ke wou ekri wou toujou ap konpare zak kriminèl Aristide ak Duvalier oubyen lòt. M'ap mande'w eske wou panse nan moman sa-a se yon lòt Duvalier oubyen Namphy ke Ayiti bezwen ? Bay pouki rezon.

Kom mwen toujou ekri mwen pat kondane Duvalier pou VSN ke li te kreye pase se mouvman 29 Juillet 1958 ki fè li te blije fè li e listwa montre ke san yon fos ki pou balanse lame dayiti e byen militè ayisyen pat janm respekte otorite sivil.Di ke Aristide te kreye yon ko pou te anpeche ke militè rstavek ba li kou deta se pa sa ki vle di ke li te merite yon kou deta.

Kant a foure dyaol li nan zafè la jistis la ou genyen reson an pati.kom mwen di ke Aristide te konprann depi li genyen pep la deyè l li genyen plen pouvwa poul te fè sa li vle.pou yon peyi mashe fok genyen yon eta de dwa .Se pa paske ou te eli ak yon fos majorite ki fè ou genyen dwa foure dyol ou nan nenpot bagay .Men tou se pa jandam ki pou al arete Presidan ;konstitutyon peyi ya rekonet ki sa ki pou fet pou jije yon Presidan.se sak fè li nesesè pou chak ayisyen pran responsabilite yo.Fok pouvwa yo separe ,mwen pa ta vle yon lot Duvalier pase Duvalier byen ke li te komanse byen militè ki te vle fè kou deta kont li yo an 58 fè li vinn chanje .mwen di ke mwen regret ke Duvalier te perdi chimen li ,men sa pa vle di ke mwen ta renmen wè yon lot diktatè anko.Mwen di tou si se yon pouvwa for ki pou etabli nan peyi ya pou hing hang lan fini e byen ke se sa ki fet pase san stabilite nanpren okenn pale anpil ki ap ba pep sa yon soulajman.

Mwen rekonet genyen yon paket fonktyon nan peyi dayiti o lye yo ede gouvène peyi ya byen se yon fado yo ye pou bidjè peyi ya. se sa ki fè mwen wè ke genyen gwo chanjman ki merite fet.Mwen kwè a koz koutum nou e tradityon nou fok nou fome yon gouvenman ki pa yon tro gwo chaj pou bidjè peyi ya pou tout ti resous pa pase nan peye ,Presidan, Premye Minis, Senatè, depite , Minis , Anbasadè, Konsil etc.Fok nou kroke chapo nou kote men nou ka rive.Sa pa vle di ke mwen vle se yon diktatè ki pou mete moun nan prison ,touye yo lè li vle.Mwen vle ke se pou la lwa respekte tou nan peyi ya. se pa pase yon moun pa nan yon gouvenman pou li ap fè konplo pou li ranverse gouvenman an.fok ayisyen chache lot travay pou yo fè lè elektyon finn fet ,ba peyi ya yon souf.

Sans Malice,

Listwa montre tou, ke menm apre 10 zan ke lame-a demobilize, otorite sivil yo pa regle nad marinad, anyen pa shanje. Toujou genyen opresyon, baboukèt nan djòl, dwòg toujou kontinye vann, ti nèg toujou plen posh yo, etidyan kontinye tonbe, zo manifestan kontinye kraze, arestasyon abitrè pa sispann e latriye...

Sans Malice ekri :

konstitutyon peyi ya rekonet ki sa ki pou fet pou jije yon Presidan.se sak fè li nesesè pou chak ayisyen pran responsabilite yo.Fok pouvwa yo separe

Mwen dakò an pati ak wou, men lè wou gade tout lòt sektè enpwisan, senatè oblije ap demisyone an mas, depite ap pran kalòt nan men sanzave, jij nan lakou siprèm se moun prezidan fè favè ki pa menm pase devan la shanm, sektè prive anba deshoukay, kontitisyon pa ekziste anko, nou nan anashi total kapital, se prezidan ki jij nan tribinal e latriye... ki dènye opsyon wou panse ki rete ?

Mwen dakò avè'w ke ak separasyon pouvwa yo nou pa t'ap janm tonbe nan zafè koudeta. Men avèk yon anashi total kijan wou pwal fè separe yo la-a ? se sak fè ke anashi pa mashe ditou ak demokrasi.
Pou ka genyen demokrasi, fok nou genyen yon eta de dwa. Se pa shak prezidan ki monte li monte ak yon ti lame prive, epi apre li ap pèdi ti kontwòl lame sa-a, epi men li men rashe manyòk. Nou toujou nan rekomanse e transmisyon Ayiti toujou rete bloke sou bak.

nou paka finn di anyen pa chanje,eske Aristide pat finn fè resmanda apre sa Preval eli li fini manda li apre sa Aristide genyen yon elektyon anko.Nou fè yon bon 10 lane ke pat genyen kou deta nan peyi ya.De 1994-2004 si neg yo te pwofitw chanje strikti peyi ya aboli kontitutyon 1987 pou ba peyi ya yon lot srikti ki pi apopriye ak moyen li e byen mwen kwè nou te ka regle anpil pwoblem.Sa ki anopeche ayiti fè yon pa se kose ayisyen ap tan se lot moun ki pou vinn fè pou yo.Gouvenman yo ap plenyen de pwa det la men yap mande prete tou tan.Se yopn bagay ki depase entelijans mwen 'yon paket moun ki swa disan entelijan ap prete lajan depi ti kokonm tap goumen ak berejenn, men lajan ke yap prete yo pa janm itilise pou fè li travay apre gwo manjè finn volè lajan voye l sere nan bank etranje sa ki vini apre yo pa ka di men depi plis ke 50 lane nap mande prete ljan , apre nou mande pou yo anile det yo pou nou, an nou wè si na chanje vye abitid sa ki fè moun pa respekte nou yo di se nou ki pov nan amerik la.Yon moun pa beswen genyen anpil lespri pou rann ou kont sa ki fè nou mal konsa.Lè w genyen yon boujwasi antinatyonal nan yon peyi e byen se wou ki pou kreye yon boujwasi natyonal ki pou fè lajan peyi ya rete nan peyi ya.

Thunder a écrit:Sans Malice,

Listwa montre tou, ke menm apre 10 zan ke lame-a demobilize, otorite sivil yo pa regle nad marinad, anyen pa shanje. Toujou genyen opresyon, baboukèt nan djòl, dwòg toujou kontinye vann, ti nèg toujou plen posh yo, etidyan kontinye tonbe, zo manifestan kontinye kraze, arestasyon abitrè pa sispann e latriye...

Sans Malice ekri :

konstitutyon peyi ya rekonet ki sa ki pou fet pou jije yon Presidan.se sak fè li nesesè pou chak ayisyen pran responsabilite yo.Fok pouvwa yo separe

Mwen dakò an pati ak wou, men lè wou gade tout lòt sektè enpwisan, senatè oblije ap demisyone an mas, depite ap pran kalòt nan men sanzave, jij nan lakou siprèm se moun prezidan fè favè ki pa menm pase devan la shanm, sektè prive anba deshoukay, kontitisyon pa ekziste anko, nou nan anashi total kapital, se prezidan ki jij nan tribinal e latriye... ki dènye opsyon wou panse ki rete ?

Mwen dakò avè'w ke ak separasyon pouvwa yo nou pa t'ap janm tonbe nan zafè koudeta. Men avèk yon anashi total kijan wou pwal fè separe yo la-a ? se sak fè ke anashi pa mashe ditou ak demokrasi.
Pou ka genyen demokrasi, fok nou genyen yon eta de dwa. Se pa shak prezidan ki monte li monte ak yon ti lame prive, epi apre li ap pèdi ti kontwòl lame sa-a, epi men li men rashe manyòk. Nou toujou nan rekomanse e transmisyon Ayiti toujou rete bloke sou bak.

thunder, ashiv kriminel yo prouve ke yon pousantaj sinifyan de rezo kriminel nan peyi ya fome sou lideship ansyen gad.
nan neg yo arete nan plato sentral kap vole bef, se ansyen gad yo ye.
timesye avril te bay lod pou vole yo, yo toujou ap vole.
zam ou nan men ou, bay tet ou manje... ou sonje mesaj sa.....

Sans Malice,

Wou genyen rezon de genyen yon shanjman vre, yon shanjman aktè politik, en se menm senaryo ki te toujou ap jwe pou mwen pa di pi mal. de 86 a 94 lame-a te ap pawoze men de 1994 a 2004 se lavalas ki te ap koupe rashe. Si tout zak ki fèt sou ti mesye lame yo se yo ki responsab, alò kouman fè sak sou lavalas yo se toujou yon lot sektè ki lakòz ?

Sans Malice, se pa sèl atik ki di ke : "le prezidan è eli pou 5 kan" ki genyen nan konstitisyon-an, paske jan wou ekri la-a, wou ta vle fè'm konprann menm si Ayiti ta anglouti depi ke prezidan-an fè 5 kan nan palè-a pa genyen pwoblèm. Se pa konnen mwen konnen ke koudeta ap mennen nou oken kote non, men lè yon ti diktatè konprann se li ki wa, li ka fè sa li vle, yo dwe mete li anba kòd tankou jan manman lwa peyi mande.

Mwen yon lòt bagay m'ap fè wou remake, rejim lavalas tèlman pouryanis, menm yon bagay ki t'ap bon pou yo yo paka regle pandan 10 zan. Ou kwè se pa Bondye ki te mete diri laloz sa-a pou genbe yo okipe nan goumen pou kiyès ki pou jwenn plis. Paske apre eleksyon seleksyon 2000 sa yo ki mete 95% la shanm sa-a lavalas, Ayiti ta pwal bloke ak yon konstitisyon Aristidis. nou t'ap pran yon ti kout Christine menm jan nou te pran yon ti kout J.C. Duvalier-a legalman.

Keen,

Tout peyi genyen malfektè nan tout nivo sosyete-a. Mwen konnen ke genyen nan ti mesye militè sa yo ki pa inosan, men m'ap repete'l ankò si lame Dayiti te mete Ayiti sou kabann lopital konnen lavalas li menm mete'l nan koma, pou mwen pa di ke yo fini ak ti rès la.

"Nou tap pran yon ti kout Christine menm jan nou te pran yon ti kout J.C. Duvalier -a legalman."

sou ki sa w baze pou di sa ;eske Aristide te di ke pep la ba li yon lot manda nan yon elektyon legislatif ;ou di se pa atik ki di ke presidan eli pou 5 lane selman ki genyen nan konstiitutyon mwen dako ak ou 100% men atik sa fè pati konstitutyon an tou.nou pa ka bay atik ki an favè nou valè e sa ki rekonet prosedi pou destituye Presidan nou vag sou li.Map fini ak diskistyon saa pase mwen se pa Aristide map defann se stabilite peyi ya ke map defann paske nou te met sote ponpe depi pa genyen stabilite ,yon eta de dwa nan peyi ya nanpren moun ki ap vinn envesti lajan yo an ayiti. Alo se nou ki pou chwasi ou byen nou korije vye defo nou yo pou peyi ya chanje ou byen nap toujou rete pi pov nan amerik la ap plede goumen pou pouvwa.

ki jan se lavals ki metel nan koma a.SE lavalas ki fè kou deta yo?ayiti se yon peyi ki ap degringole depi apre Magloire ki te pouvwa koulyè ya ou vle fè moun konpran pa yon analyz artifisyel ke se lavalas ki responsab eta peyi ya.Nan 50 lane ki sot pase ki sa ki te fet pou devlope peyi ya. pa pale m de ti isinn ki tap peye travyè yon ti kob ke yo pa menm ka manje ak li ki te genyen sou jean Claude Duvalier ki sa ki te fet pou te anpeche ke nou koupe pye bwa ki fè la tè pa bay manje anko, ki sa ki te fet pou te kwontole nesans nan peyi ya ki fè jodya nou genyenplis pas 8 milyon mou pou nou okipe ;ki enfrastrikti ki te genyen.

pou yon gouvenman devlope yon peyi fok se biznis ki kreye byen ak servis,lè w genyen yon elit patripoch ki voye sere lajan yo a letranje o lye yo depose li nan bank peyi ya ak ki sa pou gouvenman fè devlopman an.Wi nou ka bay gouvenman yon pati nan responsabilite ya men elit ekonomik la tou responsab.Revandè eksplwatè ouvrier ,spekilatè dwet long yo ki pa pran danre abitan pou vil pri fok leta mete yon fren nan sa.konsa ouvriye ,peyisan ap vinn yon faktè ekonomik nan peyi ya.Ki ouvriye ak kiltivatè ayisyen ki genyen aksè a kredi nan bank an ayiti?ki bank ki pral prete yon moun ki ap touche 2 dola pa jou lajan poul achte yon kay poul rete?Di ke se lavalas ki mete peyi ya nan sa li ye se yon manti.

Sans Malice ekri :

sou ki sa w baze pou di sa ;eske Aristide te di ke pep la ba li yon lot manda nan yon elektyon legislatif ;ou di se pa atik ki di ke presidan eli pou 5 lane selman ki genyen nan konstiitutyon mwen dako ak ou 100% men atik sa fè pati konstitutyon an tou.nou pa ka bay atik ki an favè nou valè e sa ki rekonet prosedi pou destituye Presidan nou vag sou li.Map fini ak diskistyon saa pase mwen se pa Aristide map defann se stabilite peyi ya ke map defann paske nou te met sote ponpe depi pa genyen stabilite ,yon eta de dwa nan peyi ya nanpren moun ki ap vinn envesti lajan yo an ayiti. Alo se nou ki pou chwasi ou byen nou korije vye defo nou yo pou peyi ya chanje ou byen nap toujou rete pi pov nan amerik la ap plede goumen pou pouvwa.

Diskisyon sa tou fè'm sanble ke se Cedras m'ap defann tou, atanasyon Sans Malice se estabilite politik, sosyal ak ekonomik ke m'ap shèshe tou. Se menm bi -an ke nou genyen men se methòd nou panse-a ki diferan. Nan lide pa mwen, eta ke Ayiti rive la-a, yon diktati popilis ap toujou anfonse nou pi fon nan tou. N' ap badijone lontan nan popilis epi men rezilta li bay yo devan je'w.

Wou ekri toujou :

ki jan se lavals ki metel nan koma a.SE lavalas ki fè kou deta yo?ayiti se yon peyi ki ap degringole depi apre Magloire ki te pouvwa koulyè ya ou vle fè moun konpran pa yon analyz artifisyel ke se lavalas ki responsab eta peyi ya.Nan 50 lane ki sot pase ki sa ki te fet pou devlope peyi ya. pa pale m de ti isinn ki tap peye travyè yon ti kob ke yo pa menm ka manje ak li ki te genyen sou jean Claude Duvalier ki sa ki te fet pou te anpeche ke nou koupe pye bwa ki fè la tè pa bay manje anko, ki sa ki te fet pou te kwontole nesans nan peyi ya ki fè jodya nou genyenplis pas 8 milyon mou pou nou okipe ;ki enfrastrikti ki te genyen.

Wou mal entèprete sa mwen di-a monkonpè, mwen pa di se sou lavalas ke Ayiti tonbe malad, men pito, tan pou lavalas ta shashe geri'l li pito enpire'l. la-a fok je'w ta pete pou'w pa ta dakò ak mwen. Yon ekzanp senp : kade yon te ale an Ayiti an 1980, epoutan wou pa't janm mete pye'w pandan 15 zan lavalas-la. Eske se anvi ou pa anvi ale oubyen se akòz de sitiyasyon-yo ?
Depi wou pale se koudeta wou mete devan...ban'm mande'w yon kishòy : kisa koudeta 1986 lan reprezante pou wou ? yon delivrans ?...oubyen yon ak enkonstitisyonèl ?
Paske tout "koudeta" se "koudeta". poukisa yo pa't swiv pwosedi legal yo ? wou ka fè elaborasyon sou sa ?

Sans Malice toujou :

pou yon gouvenman devlope yon peyi fok se biznis ki kreye byen ak servis,lè w genyen yon elit patripoch ki voye sere lajan yo a letranje o lye yo depose li nan bank peyi ya ak ki sa pou gouvenman fè devlopman an.Wi nou ka bay gouvenman yon pati nan responsabilite ya men elit ekonomik la tou responsab.Revandè eksplwatè ouvrier ,spekilatè dwet long yo ki pa pran danre abitan pou vil pri fok leta mete yon fren nan sa.konsa ouvriye ,peyisan ap vinn yon faktè ekonomik nan peyi ya.Ki ouvriye ak kiltivatè ayisyen ki genyen aksè a kredi nan bank an ayiti?ki bank ki pral prete yon moun ki ap touche 2 dola pa jou lajan poul achte yon kay poul rete?Di ke se lavalas ki mete peyi ya nan sa li ye se yon manti.

Wi, sa'w di ya genyen anpil verite ladan'l, men pou biznis sa yo kreye fok genyen kondisyon ki reyni, Si yon moun ta envesti an Ayiti pandan 20 denye ane yo konnen ke li se yon ero, vwala ke Menm Sans Malice, gwo patriyòt devan letènèl, pa envesti yon pyas nan peyi Dayiti

Kondisyon peyizan, ouvriye nou yo, pa bon nan peyi-a, sa-a pa genyen manti ladann, paske se yon gwoup ki genyen monopol, nanpren konkirans. men se kisa nou menm elit ki andeyò peyi-a ap tann pou n'al pran la relèv ? sa-a se vrèman kesyon ki merite poze-a.