Lindemyèl lan ap genlè kout

Mwen sot li sou sit MELODIFM lan ke moun OKAP kraze KÒTÈJ MATELI an ak kout wòch ayè dimanch lan .
OKAP se youn lan vil ki sibi plis anba GNBIS yo.Sasinaj an mas fèt lan vil sa a.

Lin de myèl lan sanble ap kout

Linn de myel fini ak 30 vagabon.

Depim te tande palmanter a retounen lakay li sa pa etonem de sal tal prepare pou Martelly. Neg sa-a konn fe travay li byen se yon vrer eksper.

Pa fè pwojeksyon.

W ap pwojte jan w panse sou lòt moun.
MATELI ap reyisi ou pa lan pwòp merit li e mwen ta renmen li reyisi.
Se bagay sa a nou pa janm reyalize;se yon bagay FREDERICK DOUGLASS ap di sa gen plis ke 100 an .
Si se CELESTIN ki te prezidan ,ti nèg t ap deja file zepon yo pou yo ranvèse l.
MWEN SI DE SA.
M ap gade rezilta MATELI ap bay.
Ou gen yon obsesyon ARISTIDE,mwen pa genyen l

Pwojeksyon!?

Nou di sa plizyè fwa deja an daki. Pa fè m ale fouye fowòm nan non, pou m ka dezapwouve w.

Se pa ni mwen, ni okenn moun ki kont Aristide sou fowòm nan ki genyen "obsesyon" yan. Pwiske lè nou pa t la, lè fowòm nan te rele LAVALAS.ORG, se te levanjil selon "Sen" Aristide sèlman ke nou te konn preche, nan yon pwen kote ke Kakakòk te konn di nou ke se "Aristide seul me voit" ke nou te konn ap fè sou lòt bò Web lan.

Mwen pa obsede pa Aristide, mwen senpleman pa ka kite nou ap bay manti pandan ke m te asiste ak teworism deta ke ti sanginè an te konn ap pratike sou rejim li an. Anplis tou, mwen ta renmen ke l jwenn sa ke l merite pou tout krim ke l fè yo. Mwen p ap janm kapab kase fèy kouvri sa, mwen se yon viktim dirèk de krim li yo.

Mwen pa konprann sans ke diskisyon sa'a pwan la'a! Vreman mwen pa konprann anyen! Ansyen Prezidan Aristide andedan peyi a, kit ou renmen ou byen rayi li, li pa rantre direkteman nan politik kotidyen kap fet nan peyi a. Genyenmoun ki di yo we main msie anba shal nan batay ant paleman ak ekzikitif la, men mwen doute paske majorite paleman se INITE. Si pou ta genyen main kashe seta Preval. Mwen pa tap konprann anyen si Martelly a mwens de 3 mwa kom prezidan san youn PM ta leve kanpe kont ou byen Aristide ou byen lavlasyen paske chaje ansyen gwo lavalasyen ki arebo msie kap sipote li!

Se vre ke genyen anpil endis ki demontre ke Aristide pa eseye rekontwi baz politik timidman men mwen pa ka we men Aristide nan anyen kap fet byen ou mal nan peyi a. Msie plis ap okipe zafe pesonel li, fanmi ak gwoup zani ki vinn kanpe devan pot lakay Taba deye ti kichoy nan lavi di ki andedan peyi a. Msie rete en rezev pou la nasyon, sak konnen youn jou blan ka byen rele li anko!

Genyen moun ki di lajan msie te sou pret nom lap cheche rekipere yo dousman men tout sa se rime ki pa kanpe sou anyen.... Pou jan mwen te konnen ke msie renmen pale pou li rete an silans konsa monshe mwen felisite msie!

Monchè Dilibon sa fè 2 mesaj ou ekri depi ou tounen an kote mwen dakò ak ou 100%

Gendelè m ap mande mwen èske se paske anpil moun k ap kòmante sou fowòm sa a pa konekte ak reyalite peyi a ki fè yo kite imajinasyon yo pran devan nan tout sa yo ap ekri.

Nan betiz peyi a ye la a, yon moun pa ta sipoze ap alimante teyat ak entrig ki baze sou espekilasyon. Tout jan ou vire koze a, medyokrite ki ekspoze devan je nou la a, nan lese frape Martelly ak Palmantè yo, se yon bagay k ap koute peyi a anpil konsekans negatif. Mwen fenk resevwa nouvèl dega Kolera ap fè nan Pòdpe...sa sèlman ta dwe ede mesyedam yo konprann sitiyasyon an mande "depassement de soi"....men podyab Ayiti!

Mesi jafrikayiti,

Mwen kwe ke ou frape klou a nan tet li. Reyalite andedan peyi a souvan kontre ak deskripsyon reyalite ke lapres ap voye monte deyo! Li bon pou anpil moun pa selman al fe youn vire won nan peyi men chita e aprann. Ayiti toujou en mutation, konsyans ak eksperyans moun yo sou teren konn diferan de lavi nan diaspora. Fok pon an ta pi byen fet!

Ou pale de rapo sou kolera nan Podpe, men se pa selman Podpe, men kolera pa vide moun ate nan tout peyi a e gende kote ki telman elwaye ke nou pa genyen tout chif yo! Apre kolera genyen youn gwo enflasyon sou pri pwodwi premye nesesite, genyen youn fristrasyon sou ouveti lekol kote anpil moun nan diaspora te konn ede zot ki andedan peyi a ak ouveti lekol ki pa konnen ki sen pou yo priye kan fanmi ak zanmi nan diaspora pense k etout lekol pwal gratis nan mwa septenm kap vini la'a. Nou genyen 2% selman kouveti vejetal nan peyi a, sa vle di youn politik pou moun boule gaz olye habon ta dwe enterese tout moun. Nap depnse lajan epi pa genyen okenn mezi pou pote lajan nan kes leta kan nou konnen ke peyi ki konn abitye ede nou yo genyen pwop pwoblem pa yo.

Ayiti pa genyen reso pou li tann, fok ta genyen youn gouvenman rapido presto, sa vle di fok Martelly konprann ke li pap ka genyen youn gouvenman totalman pa li, fok li bay neg yo youn moso nan responsabilite ak gouvenans nan jiskaske li ak tabli youn majorite nan lot eleksyon ki gnyen pou vini.... Anpil moun ap pale de "depassement de soi" men nan politik e menm nan anpil lot disip[linn defans de soi toujou la nan background nan, fok ou pwan yo en compte pou w ka vanse pi douvan. Kom youn jounalis mwen kwe ke ou we sa kap apse nan Washington nan plafon det ameriken an kote neg yo ap jwe ak youn bagay osi enpotan pou defann kapital politik yo... Men Ayiti pa USA, kredi peyi a deja zewo, tout endikate yo a zewo, fok depasman sa'a ta ka fet tout kote .... nan laverite...

mwen te di ki mirak yo pat di se Aristide /e byen se pa li.Rhebu li menm di se martellist ki pa satisfè paske gen lè se menm Premye Minis la ke li vle kontinye ak li.li di ke martellly pat dwe pa koute sa gade kor li yo te mandel poul te rantre nan machine.bagay saa sanble yon miz an senn.Yon nonm ta ak kek yard de martelly ak yon fisi M1 nan menl epi li te vle touye Martelly?ah ah ah ah komedyen sa yo pa janm bouke fèm ri.Ki jan fè gad de kor martelly pa fisye neg saa?ki jan fè martelly pat monte nan machine li?Li pa konn ki jan poul fè arete Moise jean Charles li fè yon mise an senn tankou sa te konn fet lontan.Tale konsa 16 Senatè yo pral anba kod pou konplo kont la surete de l'etat.Tankou Seraphin ak Yvon moreau te anba kod jis yo mouri nan prison paske yo pat dakor pou te genyen Presidan a vi nan peyi ya.Men fok martelly sonje li pankor Genyen FADH ni VSN ki pou masakre pep la epi nou pa an 1958 jodya. fisi yo chanje zepol.yo touye yon ti depite INITE pou fè mesye inite konprann ke kou pa yo deyè si yo anmegde kor yo .Men talè ou pral tande se lavalas/inite ki ap touye moun kom asasen lè yon tet tonbe nan lot kan an.

Tou Dabò, M ap swete Dilibon yon bon retou sou fowòm nan.

Diskisyon an vle pran chimen saa paske tit Joel mete an se pa yon konstatasyon vre ke li fè, se jis yon swè. Mwen dòmi ak Jean, mwen ka di w ki jan ke Jean rwonfle. Anpil nan mesye sa yo pa ka tann pou Martelly echwe, pou pèp ta leve nan degwann li. Kwè wm si w vle, yo pa ka tann. Paske se sèl espwa ke yo genyen pou yon jou pou yo ka di ke se yo ki te genyen rezon.

Si se vre ke se pretèks ke Martelly ap chache, nou pa bezwen tounen jis an 1958. Tou dènyèman laa, sa te konn fèt. Tankou "OPERSYON Fè KOUPE Fè", "ZEWO TOLERANS", "OPERASYON CONDOR", "OPERASYON BOUKLIYE" ki te fèt pandan e apre 17 Desanm 2001, " RAT PA KK", e latriye.

Si se ta vre, konnen ke se taktik Moise Jean Charles ke yo ta itilize kont Moise Jean Charles.

Thunder mwen remake ke ou kontinye ap gronde byen fo toujou. Se bel bagay!

Sa fe kek jou nou pa bo isit, nou ka byen pedi fil diskisyon yo vre, men genyen youn bagay ke ou di la ki fe'm pe. Ou di genyen aysien ki pa ka tann pou Martelly echwe pou yo ka di ke yo genyen rezon. Mwen pense se sinik e menm kriminel pou ta genyen moun ki ta pense konsa nan eta peyi sa'a ye.

Mwen sete youn kritik de Divalye, men sete pou sa te ameliore. Ti mesye ki poko finn grandi apre 1986 demontre ke sa Lafontant te konn repete a "Kominism se youn filizofi malpwop kote enkonpetan ap wouspete nan dyol yo". Mwen te bay Aristide ak Preval tout konsey, le yo pat tande mwen kritike yo korekteman, toujou pou yo te ka ameliore e repoinn revandikasyon pep la. Jodya, mwen pale ak tout moun ki proch Martelly (Fritz Jean Louis, Ronald Nelson ak zot) sou lide mwen pou yo ta reyisi, san mande anyen an retou. Mwen ta renmen we youn seten stabilite politik pou nou ka komanse pale de lot dosye enpotan pou peyi a. Men rete tann, ap priye pou youn preIdan echwe pou w ka di se ou kite genyen rezon se sadism oparoksism.

Mwen menm ki pat sipote Martelly nan eleksyon an toujou ap swete ke pou se ta mwen ki pa genyen rezon. Mwen ta renmen li kanpe red tet kale pou bay peyi youn chimen, kote zot ka kontinye pi devan. Jodya nou ka byen nan peyi blan kote nap byen manje, byen bwe, pitit nou ale lekol, nou gneyen swen sante, sa ka ban nou youn ilisyon de byenet kote dram peyi Dayiti ka tounen youn pyes teat men mwen sot we soufrans, mwen sot we moun kap viv nan kondisyon ke menm bet papp viv aletranje, moun sa yo se fre ak se nou, nou pa ka ap jwe ak lavi yo tankou se nan kasino nou ye! Pawol nap[ mete nan site sa'a genyen enpotans e fe enpak fok nou pwan anpil prekosyon! Lapawol pa janm gratis vre!

M ap repete li ankò, leson ane 2010 la pote pou nou, si nou pa aprann li nou chire!

Echèk yon nasyon pa janm echèk yon endividi, ni menm yon gwoup endividi...Nan liv listwa yo pap retni non "Lespwa", "Repons Peyizan", "Inite"....e menm "Aristide" osnon "Martelly" - se pou yon ti bout tan non sa yo ap fè aktyalite....pa plis yo sonje "Les Cacos", "l'armée souffrante" osnon "Jano" odela espas ak tan yo te vivan an. Kidonk, si gen reyisit, se reyisit nasyon an, si gen echèk se echèk nasyon an. Yon nasyon ki gen plizyè syèk depi l ap chèche mwayen viv byen sou ti bout tè sa a.

Se pa filozofi n ap pale la a, se reyalite lavi nou. Tankou Dilibon di, si manje poul ak diri nan èkondisyone te sifi pou satisfè anvi byen viv yon moun, noumenm ki nan peyi zòt, ki jwenn travay, k ap dòmi leve plizoumwen an sante, nou ta rasazye. Men, lespri okenn Ayisyen pa ka an pè vre toutotan rèv byen viv sa a zansèt nou yo te fè a po ko ka tounen reyalite.

Jodi a, akoz tout dezòd nou fè jenerasyon apre jenerasyon, se yon espektak dezolan ki devan je nou kote anpil nèg montre aklè yo pa gen okenn lespwa Ayiti ka chanje....kidonk, se sovkipe, y ap plimen poul la, pandan gen de twa plim ki vizib toujou.... poutan se wè yo pa byen wè ak je yo. Peyi a gen anpil pwoblèm se vre, men maladi a pa fatal. Ojis, potansyèl yo gran anpil -sizoka, nèg aprann pran desizyon ki pi danjere, pi kouraje a.....sa vle di: fè efò mete konpatriyòt ki anfas la nan yon pozisyon pou li fè ou konfyans.... esesye kalme lapèrèz pa li....olye ou fokis sou imajine ki kou limenm li kapab ap pare pou ou.

Gen twòp sipèstisyon nan panse nou ak nan ajisman nou. Nou vin paranoyak alekstrèm..... epi pou nou rasire tèt nou n ap alimante lapèrèz la detanzantan ak koze teyatral....

Wi, wi, le mal "est existe"....men "le bien" limenm li ka "est existe" tou - sitou si se sou limenm nou fokis enèji nou!

Mwen pa t ap janm vote pou Martelly paske mwen pa kwè li gen kapasite pou li byen dirije peyi a, e mwen pa renmen kondisyon eleksyon yo fèt la. Men, depi odepa mwen ap di sa, si yon moun ap konplote pou ou kapote Martelly sou pouvwa a ak vyolans se vagabon ou ye, mwen pap mache ak ou. Koudeta jamè pa!

Men, konsa tou, si menm jan sa te fèt pandan eleksyon an, se teyat hollywood ekip Martelly a vle fè....mwen pap aplodi yo non plis. Ekzanp Wyclef te bay jou eleksyon an se yon move siy ki dwe rete nan memwa nou tout. Nèg yo bay twòp siy ki montre y ap viv nan yon espas teyatral ki pa konekte ak reyalite peyi a. Twop bleng-bleng....pa gen ase efò ki fèt pou rasanble fòs, atake kèk pwoblèm konkrè....bati konfyans.... se sa nou bezwen.

Jaf

Thunder a écrit:Tou Dabò, M ap swete Dilibon yon bon retou sou fowòm nan.

Diskisyon an vle pran chimen saa paske tit Joel mete an se pa yon konstatasyon vre ke li fè, se jis yon swè. Mwen dòmi ak Jean, mwen ka di w ki jan ke Jean rwonfle. Anpil nan mesye sa yo pa ka tann pou Martelly echwe, pou pèp ta leve nan degwann li. Kwè wm si w vle, yo pa ka tann. Paske se sèl espwa ke yo genyen pou yon jou pou yo ka di ke se yo ki te genyen rezon.

Tou dabò ;ou ka byen pa renmen ton DILIBON ap bay lan.DILIBON lan nouvèl enkanasyon l ka sanble twò rezonab pou wou.
Poukisa pou moun ta swete ke MATELI echwe an?
Mwenmenm mwen te toujou di ke si lan fen manda l MATELI ta pèmèt 300 mil timoun al lekòl an plis ;m ap di AYIBOBO e mwen ap konsidere l kòm youn lan pi gran prezidan yo.
Mwen di w pa fè pwojeksyon;mwen ta renmen ke MATELI siprann mwen;ou pa janm konnen paske dapre pawòl lan se lan fimye ,djondjon leve.
Ase ak konfwontasyon ;DIRIJE..

Jaf,

Ou telman byen dil, telman byen ekri l, li sonnen tankou youn senfoni ke menm Moza pat kite pou nou... Mwen pa jwenn anyen pou m ajoute, se echo de youn patryot ki ap milite pou youn lendemen meye pou peyi'l. Peyi a pase anvan tout lot ti emosyon ak espri patisanri... Byen di! Mesi!

yo di depi gen la vi genyen espwa.men frèm ak sèm yo nan yon ka grav wi.Mezanmi foto map gade yo pa banm espwa non.Map gen tan mouri anvan la fen yan men li pa two lwen si nou kontinye ap ba malad la ti té fey korosol.se yon entervantyon chirurjikal ki pou sove malad la wi depi nou pa vle fè li e byen li ap rete moribon jis yon jou li di bye bye.nanpren oken apranti ki ka geri malad saa se yon doktè ki genyen anpil eksperyans nan devlopman ki pou trete malad la.e nou genyen yon doktè an ayiti ki ka fè travay la .malerezman gran manjè yo pa vle moun ki genyen karaktè ak konpetans a la tet peyi ya.

dilibon a écrit:Thunder mwen remake ke ou kontinye ap gronde byen fo toujou. Se bel bagay!

Sa fe kek jou nou pa bo isit, nou ka byen pedi fil diskisyon yo vre, men genyen youn bagay ke ou di la ki fe'm pe. Ou di genyen aysien ki pa ka tann pou Martelly echwe pou yo ka di ke yo genyen rezon. Mwen pense se sinik e menm kriminel pou ta genyen moun ki ta pense konsa nan eta peyi sa'a ye.

Mwen sete youn kritik de Divalye, men sete pou sa te ameliore. Ti mesye ki poko finn grandi apre 1986 demontre ke sa Lafontant te konn repete a "Kominism se youn filizofi malpwop kote enkonpetan ap wouspete nan dyol yo". Mwen te bay Aristide ak Preval tout konsey, le yo pat tande mwen kritike yo korekteman, toujou pou yo te ka ameliore e repoinn revandikasyon pep la. Jodya, mwen pale ak tout moun ki proch Martelly (Fritz Jean Louis, Ronald Nelson ak zot) sou lide mwen pou yo ta reyisi, san mande anyen an retou. Mwen ta renmen we youn seten stabilite politik pou nou ka komanse pale de lot dosye enpotan pou peyi a. Men rete tann, ap priye pou youn preIdan echwe pou w ka di se ou kite genyen rezon se sadism oparoksism.

Mwen menm ki pat sipote Martelly nan eleksyon an toujou ap swete ke pou se ta mwen ki pa genyen rezon. Mwen ta renmen li kanpe red tet kale pou bay peyi youn chimen, kote zot ka kontinye pi devan. Jodya nou ka byen nan peyi blan kote nap byen manje, byen bwe, pitit nou ale lekol, nou gneyen swen sante, sa ka ban nou youn ilisyon de byenet kote dram peyi Dayiti ka tounen youn pyes teat men mwen sot we soufrans, mwen sot we moun kap viv nan kondisyon ke menm bet papp viv aletranje, moun sa yo se fre ak se nou, nou pa ka ap jwe ak lavi yo tankou se nan kasino nou ye! Pawol nap[ mete nan site sa'a genyen enpotans e fe enpak fok nou pwan anpil prekosyon! Lapawol pa janm gratis vre!

Dilibon,

Mwen konnen ke bagay saa difisil pou w kwè, men se yon bagay ki reyèl. Se pa yon sèl fwa ke genyen patisipan fowòm nan ki konn ekri ke: Martelly se dènye chans pou "ekstrèm dwat" lan disparèt nan peyi an. Nan lespri yo, se Martelly ki reprezante "ekstrèm dwat" lan. Donk, Pou "ekstrèm dwat" lan disparèt, fòk yo echwe. Pou yo echwe, fòk prezidans Martelly an echwe (ak tout peyi an).

Joel a écrit:

Thunder a écrit:Tou Dabò, M ap swete Dilibon yon bon retou sou fowòm nan.

Diskisyon an vle pran chimen saa paske tit Joel mete an se pa yon konstatasyon vre ke li fè, se jis yon swè. Mwen dòmi ak Jean, mwen ka di w ki jan ke Jean rwonfle. Anpil nan mesye sa yo pa ka tann pou Martelly echwe, pou pèp ta leve nan degwann li. Kwè wm si w vle, yo pa ka tann. Paske se sèl espwa ke yo genyen pou yon jou pou yo ka di ke se yo ki te genyen rezon.

Tou dabò ;ou ka byen pa renmen ton DILIBON ap bay lan.DILIBON lan nouvèl enkanasyon l ka sanble twò rezonab pou wou.
Poukisa pou moun ta swete ke MATELI echwe an?
Mwenmenm mwen te toujou di ke si lan fen manda l MATELI ta pèmèt 300 mil timoun al lekòl an plis ;m ap di AYIBOBO e mwen ap konsidere l kòm youn lan pi gran prezidan yo.
Mwen di w pa fè pwojeksyon;mwen ta renmen ke MATELI siprann mwen;ou pa janm konnen paske dapre pawòl lan se lan fimye ,djondjon leve.
Ase ak konfwontasyon ;DIRIJE..

Si se kounyea ke w remake larezon nan sa ke Dilibon ap ekri, wou an reta. Kontrèman ak anpil moun, Dilibon se youn nan moun ki frape tout bò ki pa kòdyòm. Se sa ki rele w yon moun ki mèt tèt li. Li pa genyen okenn kk chat pou l sere nan kwen kay. Mwen senpleman swete ke w wè l ak menm grenn zye an lè li frape bò ke w ap pa vle denonse a.