GOUVÈNÈ CUOMO LEVE LANG KREYÒL LAN

KÒM NOU KA KONNEN ,ETAZINI pa gen lang ofisyèl.Se defakto lang ANGLE an ofisyèl.

Jedi pase ,akòz de mezi moun ki pale KREYÒL lan LETA NOUYÒK lan ,gouvènè CUOMO òdone dokiman,fòm lan ETA a fèt an KREYÒL ,menm jan ak 5 lòt lang ki pi pale lan ETA a ,ki se PANYÒL,CHINWA,ITALYEN,FRANSE ak KREYÒL.

Y ap fè bagay ki pa fèt ann AYITI ,dokiman ak FÒM dwe an KREYÒL ,ann AYITI se an FRANSE sèlman yo ye.
Lan tout ajans tou se pou gen entèprèt ki pale KREYÒL:

http://www.nydailynews.com/ny_local/2011/10/07/2011-10-07_speak_in_tongues_cuomo_orders_state_agencies_to_provide_aid_in_6_foreign_languag.html

Bravoo se kote yo konsidere tout moun se moun yo fè bagay konsa se pa nan peyi kote yon ti gwoup enbesil ap toufounen majorite ya pou konserve privilej yo.Ou pa wè jis koulyè ya yap konbat pou kenbe kreyol la kom yon 2eme lang yo pa vle edikatyon ti moun yo fet nan lang ke yo pale.nanpren bagay ki te fèm plezi konsa lè mwen fek riv Florida epi pou mwen ap gade memorandum an kreyol ki afiche nan tablo nan lopital Deerfield beach.Mwen te mande tet mwen eske wap wè yon bagay konsa an ayiti.

Petèt yo va swiv ekzanp blan an epi fè sa yo te dwe fè lan gouvènman an.
Kom se jakorepèt yo ye, sa ta kapab montre yo ke lôt moun konsidere Kreyol kom yon lang enpôtan.

Sassaye

Yo pap janm imite sak bon se sak pa bon yo toujou imite.

Se Gouvènè MASSACHUSETS lan,DEVAL PATRICK,ke CUOMO imite.
Depi omwens 2 zan,tout dokiman lwa,fòm ETA sa a deja an KREYÒL.Yomenm yo pa mete FRANSE ladan l paske pa gen anpil lan ETA sa a ki konprann ou pale FRANSE.
LETA NOUYÒK mete FRANSE ,paske ETA sa a gen fwontyè ak KEBÈK.

Kanta pou AYISYEN se bagay ki pa bon lan lòt peyi yo ,yo imite ;yo pa imite sa ki bon yo.

JACQUES DELORS ,ki te SEKRETÈ PATI SOSYALIS FRANSE an te di de ansyen koloni FRANSE yo ;ke yo imite tou sa ki mal de FRANSE ;yo pa imite sa ki bon.

Dr DE GRAFF te di de ti gwoup ki an chaj ann AYITI an ke yo ap fè tout sa ki posib pou yo pa valorize LANG KREYÒL lan ,paske dapre yo si yo valorize LANG KREYÒL lan ,y ap devalorize lang FRANSE an ki yon pati de enstriman dominasyon yo.