PANNEAUX SOLAIRES ,MADE IN HAITI

Si mesye sa yo pa p di ,pa p mete pase genyen mwen di MIL AYIBOBO pou yo.
Mwen pa bezwen tande pale de moun ki ap pran pri lan LITERATI ;PRI FRANKO-FONI;PRI FRANKO-FOLI ,KWÈKMAKWÈK ;se te de moun sa yo ,mwen bezwen yo pale.
Si sa y ap di an se vre ;yo ka jwe menm wòl ke TELEFÒN SELILÈ yo jwe lan mete TELEFÒN lan tout peyi an ,san yo pa bezwen mete POTO patou e fè tout moun lan peyi an gen aksè ak TELEFÒN.
Lan DEZÈ KALIFÒNI an ,AMERIKEN yo ap enstale de santèn de milye ,si se pa milyon PANO SOLÈ ase pou alimante de vil tankou SAN FRANCISCO ak elektrisite ak DEGI.
Si sa mesye yo di an se vre ;se AYIBOBO,AYIBOBO,MIL AYIBOBO pou yo:

http://lenouvelliste.com/article4.php?newsid=109452

Bon zouti!

Mwe espere anpil jenn mwen wè k ap degaje yo nan peyi a kapab devlope talan yo epi rantre nan ekonomi enèji solèy la. Parekzanp, Boss Pepe, devan Katedral vann mwen yon chajè batri nan ane 2004, se jis nan ane 2012 mwen oblije chanje chajè a. Anplis, misye pa janm grate tèt lè nou rele li paske gen yon ti pwoblèm ak batri osnon chajè a.

Chajè sa yo se Ayiti mesyedam yo monte yo apati pyès yo kolepyese. Peyi a gen moun ki chaje ak entèlijans, bon sans epi bon vivasyon.

Si nou fokis plis sou eleman pozitif sa yo, epi bay politisyen tèt chat yo mwens enpotans, Ayiti ka vole vre jouk li ateri, san li pa dekole pak an pak.

Joel

Talè neg tulututu yo pral rele w egri wi paske w di zafè neg kap pran pri Gonkou pa enterese w.Mon chè mwen sot ap li yon ti brochi ke Florida Power and Light voye nan bill mwen mwa sa kote yo di konpayi redwi konsomatyon dwil yo pa 40 million baril depuis 2001.si w kalkile konbyen konpayi saa ekonomize wa konprann ki enpotans yon konpayi tankou soley lakay genyen pou ayiti.mwen ta swete tankou Jaf di ya ke jenn ayisyen pa rete nan etidye dwa ,ethnology, anthropology relatyon internatyonal selman ke yo konprann se moun tankou henry Ford,Edison, The wright brothers, Canergie, Steve Job ,Bill Gates, Zuckerman ki mete Eta Zuni kote yo ye jodya.

mwen sim ta genyen poum chwazi ayisyen kom model map pran neg sa yo lontan anvan m chwasi neg tulututu yo ki ap ekri pwesi e pale franseuuu tout jounen yo nan politik.

ROZO;

ZUZU yo pa itil anyen ;se PARAZIT.Se yomenm ki la kòz timoun yo se plede PWEZI y ap ekri pou PRESTIJ.
Menm an FRANS ,moun sa yo ,pa tèlman gen ENPÒTANS ankò.
Jenn NÈG sa yo ki ap fabrike PANO SOLÈ sa yo ka gen 10 FWA plis enpòtans pou peyi an, ke NÈG ki ap pran PRI GONCOURT ak PRI AKADEMI FRANSÈZ elt...
Timoun nou yo pase plis tan ap aprann FRANSE ke ti FRANSE yo an FRANS.Se yon bagay entansyonèl an FRANS.
Mwen te wè sou JOUNAL LE MONDE egzanp FRANSE ke etidyan INIVÈSITE an FRANS ap ekri.Etidyan sa yo pa ta ka janm pase EGZAMEN BAKALOREYA ann AYITI.
Antouka mwen di JÈN ANTREPRENÈ sa yo BRAVO ;yo se AVNI peyi an ;ZUZU yo pa ITIL anyen!

Yon bann initil sa ki pi red menm liv pou ti moun aprann syans ,math se enpote nou enpote yo.Yon bann moun ki merite reedike.