Bondye ak dyab nan listwa Ayiti - 8 desanm, Miami

JAF;
Mwen konnen se yon lòt SIJÈ men ki gen rapò tou ak sa w pral di yo.
Mwen pa konnen si w konn MARTIN DELANY ki te ABITE lan LITTLE HAITI lan PITTSBURGH PENNSYLVANIA lan premye MWATYE 19 yèm syèk lan.
MARTIN DELANY te gen 4 PITIT f2;Prenon yo se te DESSALINES,TOUSSAINT,CRISTOPHE ak PETION.
Lan 19yèm syèk lan ;yo plis konnen FREDERICK DOUGLASS ;men DELANY se te MALCOLM X alòs ke FREDERICK DOUGLASS se te MARTIN LUTHER KING.
Mwen sonje mwen te li yon bagay enteresan ke DOUGLASS te di de MARTIN DELANY .
DOUGLASS di ke li renmen DELANY men sa li pa dakò ak DELANY ,sè ke li konnen tout mon EGAL-EGO tandis ke DELANY menm KOUPE L RACHE L NWA SIPERYÈ (lol).
Mwen te li sa gen yon trantèn LANNE ,yon LIV ke DELANY te ekri ;se ekstrawòdinè sa misye t ap di lan 1860s.
Mwen pa konnen si w ap k ap gen aksè ak ATIK sa a yo pibliye AYÈ lan NEW YORK TIMES sou DELANY ;petèt ou konnen misye deja ;men se yon ATIK enteresan ;byen ke se yon ""BLAN"" ki ekri l e li paka bay dimansyon yon NÈG tankou MARTIN DELANY:

www.opinionator.blogs.nytimes.com/2013/10/04/trading-an-african-dashiki-for-union-blue

Mèsi Joel! istwa Delany a enteresan anpil. Sa ki klè lè ou li aksyon mesye sa yo, se libète lespri yo te kiltive malgre sikonstans difisil ki te devan yo.

Nan konferans 8 desanm nan, mwen espere vini ak plizyè dokiman istorik ki ede nou wè pi byen kote mesye sa yo te jwenn enèji pozitif sa a ki te anime yo nan lavi yo. Kidonk, pa neglije pataje bon jan referans konsa, detanzantan.

kenbe fèm!

Sou menm RIBRIK lan".
DISUNION se ESPESYAL ke NEW YORK TIMES parèt YON FWA PA SEMÈN ,kòmanse an 2011 pou komemore 150yèm ANIVÈSÈ GÈ SIVIL AMERIKEN an.
Yo ekri plizyè ATIK sou AYITI e montre enfliyans AYITI.
Lesklavay gen dwa kankannen LESPRI MOUN.Men tou gen 300000 AFRIKEN-AMERIKEN ki te konbat lan AME NÒ an .Youn lan bagay ki afekte yo ;sè ke anpil ladan yo te tande pale de AYITI.
Se yon kote ke AFRIKEN (se kon sa yo te rele tèt yo e yo te rele yo anvan GÈ SIVIL lan) te troke tèt yo ak BLAN e yo te genyen.

DREAMING OF HAITI

http://opinionator.blogs.nytimes.com/2012/12/21/dreaming-of-haiti/?_r=0

Dimanch 8 desanm 2013, nan lakou Libreri Mapou, nan Miami, yon ekip Ayisyen te reyini pou yo braselide sou aksyon zot di Bondye osnon Dyab ta poze nan Listwa Ayiti. Pawol anpil machwè gonfle. Pouki ou pa suiv ak pwop je ak tande ou, pou ka konnen sa ki te pase anba mapou a.


https://youtu.be/YxETO7u5Jzw

Nan twazyèm pati a, nou gade kèk enpak sikolojik koze "dyab" sa a genyen sou jan anpil frè ak sè Ayisyen mal konprann listwa.