Onè, Respè, Chapoba, remèsiman pou Mandela

Pi gwo Mapou 20èm ak 21èm syèk lan tonbe.
Se yon nèg ki pi wo pase yon pye palmis.
Vwa l gen plis eko ke loraj.
Li gen plis fôs pase yon ouragan.

Men sa ki etonan sè ke li te pito chèche entant
pase li ta dechennen tout siklôn li te kontwole yo.
Li fè tout moun pantan lè li mande pou tout konpatryôt li
mete ansanm pou peyi l demare pou tout moun egal.

Mandela se yon senbôl pou tout moun lan tout peyi
ki montre ke nou tout se manm limanite
ke entelijans ak diyite lan nanm tout sitwayen
ki vle kanpe dwat pou l reklame dwa l.

Li demontre ke yon nèg dAfrik gen kapasite
pou l enflyanse le mond antye.

Tout chef deta depi Ayiti rive jis an Chin
prezante respè ak admirasyon
pou Nelson Mandela.

Pou noumenm Ayisyen
nou dwe mete l lan ran Desalin.