Sak ap pase?

Mwen gen 2 pwen ma p soulve pou solisite reyaksyon ak kòmantè nou.

1- Yon milyon Brezilyen soti lan lari pou yo mande Dilma Roussef rache manyòk li. Ondire li plonje jis lan kou lan koripsyon ak graf lan Petrobras, konpayi petwòl nasyonal Obrezil.

Lan kisa nou ye avèk de moun konsa ki ap dirije Minista ki sipoze ap mete lòd lan dezòd ann Ayiti. Yon peyi ki gen mwens koripsyon ak krim ke Brezil.
Dekiprevyen? Fout tonè!

2- Apre tout eskandal koripsyon, kidnaping, asasinay an gwoup jènn etidyan.
Katèl dwòl ak Mafya. Apre trafik imen kote milyon moun ap travèse fwontye meriken pou distribye dwog ak pwostitisyon, Meksiko ap antre lan komès voye jandam lan Loni. Na estime konbyen mafyozo ak dròg dilè deja lan lame meksiken an.

Premye kote Meksiken ap debake kòm gadyen de la pè, se lakay nou.
E Ayiti gen mwens krim, mwens dròg, mwens kidnapè ke Meksik.

Dekiprevyen? Fout tonè!

bagay saa fout indiyan mon chè. moun yo chaje ak pwoblem lakay yo epi yo voye yo mete lod lakay nou.e presidan ayisyen di yo se yon nesesite, nesesite pou ki moun?nesesite pou pwoteje byen oligarchi ak inperyalist yo.li lè pou ayisyen di yo :Go home, we don't need you.

Pou nou konbat ENPERYALIS yo ;se pou nou konbat SOUSOU yo.

Se pou nou genyen yon gouvenman ki se refleksyon VOLONTE MAJORITE PEP AYISYEN an.
Le sa rive ;lot PEP pa p ka foure DYOL lan ZAFE NOU.

Se SOUSOU ENPERYALIS yo ki pi gwo DANJE pou peyi DAYITI!

E lè na  resi gen yon gouvenman ki reflete volonte pep la se pa pou nou pè kritik press enperyalist la.ki pral toujou rele nou diktatè, chimè, koko rat  tankou yo rele Castro, Chavez,Ortega Morales  e tout Presidan ki ap defann dwa e enterè moun kap soufri yo.fok nou deside pou nou goumen pou sousou yo respekte dwa nou.

Yon sousou la pou l bat bravo epi bay travay mèt li jarèt.
Men sa k ap pase laa se konplo ki pi wo ke nivo sousou.
Se yon manèv entènasyonal ki soti pou avili e kraze peyi nou an.

1- Se pou nou kondane, mande anraje, fè kanpay pou Minista ale.
Pa gen jistifikasyon e se yon vyolasyon dwa entènasyonal ke yon fòz
Mentyen Lapè, okipe yon peyi ki pa lan lagè.

2- se pou nou konbat sousou yo tou. Men minis Kazimi mande Minusta
pou yo pa retire kontenjan yo lan plizye depatman kote yo deja kòmanse
fè retrè. Swadizan ke Ayiti pakapab asire sekirite peyi an pandan eleksyon.

3 Premye antite pou nou konbat se politik Meriken ki voye Minusta vin okipe
Ayiti, granmèsi mouche Obama.

http://www.haitilibre.com/article-13403-haiti-elections-profondes-preoccupations-sur-la-securite-des-elections.html