Yemen, yon lòt peyi arab pran dife.

Depi semèn pase Arabi Sewoudi voye avyon gè al bonbade Yemen pou anpeche
Houtis, faksyon mizilman chiyit vin ranvèse prezidan peyi an.

Sewoudi yo se arab ki pi konsèvatè ki genyen e yo founi teworis lan tout rejyon an. Se peyi ki an reta lan tout dwo imen.

Rwa a se yon monak absoli ki deside pèsonèlman kisa ki pou fèt ou pafèt lan peyi saa. Devan yo lôt diktatè, menm Divalye se timoun ki ap jwe.
Fanm dèye kamyonèt lan e yo pa gen dwa gade yon nonm lan je.

Alôkse meriken ap mache di tout moun kijan pou yo gouvènen peyi yo. Ki sistèm pou yo adopte. Kimpwogram ekonomik yo kapab tabli andan peyi yo.
Meriken ak tout prezidan yo se kôkot ak figawo ak moun sayo.
Yo bliye vyolasyon dwa moun ki ap fét chak minit. Nou deja sipoze poukisa.
Alò Arabi Sewoudit pataje amitye saa paske meriken pa anmekde yo men bayo kredibilite. Epi biznis petwôl yo ap vannen.
Kòm bon alye meriken, yo antame bonbadman Yemen, paske rebèl yo lan menm
relijyon ak Iran. Kidonk se yon atak endirèk kont Iran.

Gade byen. Konfli saa pral pwopaje pi lwen lan rejyon mwayenoryan.
Men se kapab yon lòt echèk meriken menmjan ak Irak, Libi, Afganistan etc...

Lachin gentan voye yon bato de gè, al evakye 500 resòtisan chinwa.

Apre yo evakye tout resòtisan chinwa yo reyisi jwen lan dezas Yemen nan,
Bato de gè chinwa a anbake yon pil etranje pou libere yo anba bonbadman Sewoudyen yo ap fè lan peyi saa.
Pami yo gen sitwayen etiopyen ak lòt afriken, angle, kanadye, lòt refijye arab ak yemeni.
Yo delivre sitwayen 10 peyi etranje.

Se yon revelasyon pou wè avèk ki swen ak respè, marin yo ap sèvi refijye yo.

Chapo ba!