Chinwa ap fè yon mirak pou remonte bato ki koule lan flèv Yangtze an.

Kòm nou dwe tande, genyen yon bato kwazyè ki koule avèk 456 moun.
Se yon trajedi terib paske yon tònad frape bato an epi fèl koule tèt anba.

Moun tout kote lan Lachinn kouri al ede lan sovtaj. Malgre tou sa dayiva reyisi sove 14 pasaje e jwenn 80 e kèk kadav.

Kòm plis tan pase, mwens chans pou yo sove lavi moun avèk move tan ki pa janm lage.

Yo deside leve bato an pandan ya p vire l tèt anlè.
Kòm pwofond flèv lan se 15 mèt, yo jwen mwayen reduy flo kouran an pou fasilite operasyon an.

Tout kalite ekspè meriken ak ewopeyen predi ke operasyon saa tap pran omwen 18 è oubyen plizyè jou.

Men apre 2è d tan, tèt bato an kòmanse parèt.
Gouvènman chinwa a di yo pa espere jwenn moun vivan apre 3 jou, men lè bato an redrese, sovtè yo ap rekipere viktim yo pi vit e konsa ya konsève diyite sak mouri yo.
Apre 3 è, mwatye bato an soti lan dlo.