31 OKTÒB 1919 - SASINAY YON CHIMÈ

le 31 octobre 1919, Péralte, 33 ans, a recu deux balles au dos de la part du commandant américain Hermann Hanneken
http://www.alterpresse.org/spip.php?article17245#.VjTRfLerSM8 (Atik Alterpresse)


Pou moun k ap rele Ayisyen parèy yo "chimè" yo, m ap raple nou si nou potko reyalize sa, nan je Anbasadè Etazini an, nan je Brandt, nan je Apaid, oumenm Nèg ak Nègès k ap ekri sou facebook jounen jodi a, se "chimè" ou ye tou.

Ojis, atravè listwa nou, Makandal, Boukmann, Toussaint, Dessalines, Charlemagne Péralte...tout se te "BANDI" osnon "Chimè", nan je Napoleon, Jefferson, Rigaud, Caperton, Georges W. Bush, Hanneken (veritab kriminèl yo).

Kidonk, reflechi byen anvan nou repete menm vye prejije kolon ak tchoul kolon yo ap itilize depi dikdantan pou yo fè Nèg ak Nègès denigre pwòp tèt yo, nan avantaj kolon frekan epi sinik.

Men yon dokiman laveje - "We Must Kill The Bandits (Fòk Nou Touye Chimè Yo)" - ki ka ede nou konprann sa k ap pase sou zile nou an, jounen jodi a, kote veritab bandi yo (kolon ak tchoul kolon) kontinye ap eseye imilye moundebyen:

https://youtu.be/25Mf7Lv5Qo8

ATANSYON: Kèk fwa gen konfizyon osijè dat sansinay Charlemagne Péralte. Nan atik Alterpresse la, yo di se 31 Oktòb kriminèl Yanki a te ba li 2 bal nan do. Men, gen lòt otè ki konn bay 1 novanm kòm dat sasinay la. Men, daprè rapò Yanki a, ta sanble li touye zansèt nou an lavèy epi trennen kadav la nan Grannrivyè ak Okap, jou 1 novanm 1919 la, epi se menm jou sa a tou, li ekri rapò sou zak la.

Nan rapò Hanneken li ekri: "Nov. I, 1919.—Killed Charlemagne Péralte, Commander-in-Chief of the Bandits. Brought Charlemagne’s body to Grande Rivière, arriving 9 A.M. Went to Cap Haitien with the body. Received orders to proceeded to Fort Capois next morning. Went to Grand Riviere via handcar, arriving 9 P.M. Wrote report re death of Charlemagne.

Captain Herman H. Hanneken quoted in Harry A. Frank, “The Death of Charlemagne, (1920)".

alewè: http://thepublicarchive.com/?p=141

Et Toussaint et Dessalines et Péralte furent trahis par leurs pairs. Ça, c'est l'Histoire de ce pays.

RESPÈ POU CHARLEMAGNE PERALTE - Bouyon Rasin, dimanch 1 novanm 2015

Nan emisyon sa a Jafrikayiti al Manzè Choublak salye memwa zansèt vanyan nou, Charlemagne Péralte ki mouri sasinen anba bal Yanki lach, jou ki te 31 òktòb 1919. Yo brase lide ak oditè yo osijè "bagay" ki te fèt Ayiti 25 oktòb 2015 lan...

Koute la a: http://stream.chuo.fm/2550/2/20151101/18_00/play