Evens Dubois panse se on piej ke Titid dwe evite

Malgre kalomni,manti,yon kanpay salisan Pres GNB a fe kont li depi preske 20 tan,mas yo toujou rete soude ak Prezidan Aristide.Malgre li bay sen politik la do,li plis chita sou edikasyon,Titid rete yon pesonaj enkontounab.Rezidans privel tounen yon baobab jeyan kote tout moun vin pran konsiltasion.Jodia ,Lavalas souke beton an pou mande yon ipotetik retou ansyen kire Senjan Bosko a ki ta pran tet peyi lan yon tranzision.Anpil obsevate kwe demand sa rete lan estad chimerik e yo panse tou sa tap yon suisid politik san parey lan istwa politik peyi a.Anpil moun fe remake ke ansyen prezidan an pap janm mache nan yon kobin konsa ki plis sanble yon"piege a con".Tout sipestrikti 2004 yo toujou la.Titid tap tounen yon fantoch lan men Kore Gwoup la.Yo tap lonmenl pou youn demen,yo tap reyative rezo malfete yo a poul pa remet angnen.Yo tap fel filalang red chech e li patap ka delivre oken lan pwomes lan angajman li tap gen pou pran.Yo patap bal yon goud.Epi yo ta pral louvri vann ensekirite,kote krim ke peson patap ka imajine tap komet e lagel sou dol.Ou tap we GNB/PHTK/Jovnelis ,yon bon vale lan pres la tap monte yon kowalisyon ke menm Semichel akanj ak zanj li yo patap ka konbat.Yon fwa ke Titid paka delivre,li tap vin pi enpopile ke Jovolo.Yo tap tou fini ak Mit Aristide la.Li patap ka reyini 5 chen kwachioko anba yon poto elektrik.Sa tap abouti a lanmo politik li.Lanmo fizik la pa tap lwen.Le yo tap touyel,sa tap sanble ak menm endiferans kite akeyi koudeta yo te fe kont Leslie Manigat a,an jen 1988.Ki enpotans manifestasyon jodia?Eske se pou teste dlo a?Eske sa rantre lan kad yon mouvman ki inisye pou chavire Pouvwa PHTK/SDP/KADOA/Ariel Henry a?Ki pral reyaksion Etamajo politik yo sou teren an?Yon bann kesion ak lot ke petet pwochen jou yo ka pote yon ti losye repons.Yon sel bagay ki seten,pres koudeta 2004 la,avek Liliane Pierre Paul antet pral vomi tout bil li demen.

Yon lot kote,gen yon konsta penib pou yon moun fe.Peyi a pa pwodui politisyen serye kredib.Se yon ekip payaya ki ekziste lan mikwo Radio Caraibe ak lot media yo.Yo pot non chef pati,lide politik pou bel twal.Men se yon ekip tono vid.Peyi a pa pwodui moun tankou Rene Theodore,Gerard Pierre Charles a k yon seri de gwo tenor apre 86.Pou apre 20 tan,pou Prezidan Aristide fe moun ap pale deli toujou.Sanble si ta gen yon eleksion lib,onet,demokratik:li tap bat tout sa la yo.Se tris.Jenerasion Raboday la bay plis ke sote toujou..

Evens Dubois.

Le mwen we ke misye bay GERARD PIERRE CHARLES kom egzanp;misye pa konn de ki sa l ap pale.

Se pou misye al li LIV dr JEB SPRAGUE lan PARAMILITARIES AND THE ASSAULT ON DEMOCRACY IN HAITI

ou byen DAMMING THE FLOOD,HAITI AND THE POLITICS OF CONTAINMENT liv dr PETER HALLWARD,yon "HISTORIEN CHEVRONNE"

Liv sa yo paret apre KOUDETA 2004 lan.
DUBOIS pa konnen ISTWA KOUDETA a;se pou misye li LIV sa yo epi la konnen ISTWA a,sitou ISTWA de SIBELGWENN tankou GERARD PIERRE CHARLES.
Mwen gen plis konfyans lan ARISTIDE ke de MOUN ki vle bali KONSEY.
ARISTIDE se yon JEYAN;advese l yo ,se yon bann NEN.
Epitou sa a se yonretransmisyon MANIFESTASYON AYE an.
Se sou RADYO TELE GINEN ,ki repite PWOCH de TET KALE yo.
Yo pa gen AVANTAJ pou yo anbeli anyen:

Mwen souwete ke EVANS DUBOIS ap swiv sa k ap pase lan RD.

Depi 1996 ,tout PREZIDAN LAN RD yo reklame yo de JUAN BOSCH.

EVENS DUBOIS ka konnen ke an 1965 ke de MILYE de DOMINIKEN tonbe pou reklame RETOU JUAN BOSCH;anba bal LAME DOMINIKEN ak yon ENTEVANSYON AMERIKEN.

Ansyen prezidan DOMINIKEN an LEONEL FERNANDEZ,ki te fe 3 MANDA konpare plizye fwa ARISTIDE ak JUAN BOSCH.

Pou jenerasyon DOMINIKEN aktyel yo,JUAN BOSCH se yon "SEN" LAYIK.
Jiska prev di kontre,ARISTIDE pa gen EGAL sou senn politik AYISYEN an

MACH pro ARISTIDE lan se te yon nouvel ENTENASYONAL.
Menm AL JAZEERA te rapote l