Yon sèl bagay mwen ka di:Mèsi Kiba

Mwen sot tande sekretè deta pou alfabetizasyon an CAROL JOSEPH ap pale de kanpay alfabetizasyon ki ap kòmanse an Septanm.

Misye di ke Kiba bay Ayiti 10000 reseptè televizyon ak pano solè ki pou "power" reseptè yo ,kote ki pa gen kouran.

Kiba bay tou 3 milyon pakèt,materyèl pou moun ki ap patisipe nan kanpay lan.
Li di tout bagay deja sou plas,pou pwogram lan kòmanse an Septanm ak gran lijyèn.
San nou pa bezwen ale nan okenn konsiderasyon ideyolojik,se yon bagay ekstraòdinè ke Kiba ap fè pou ti peyi nou an.
Epitou Préval nou konn kritike w ,men tou si ou reyisi pari sa a ,m ap konsidere w tankou youn ou de pi gran prezidan peyi an janm konnen.

N ap mande sekretè Deta a ,poukisa li pa mete yon Paj Wèb pou mete noumenm ki ap viv aletranje okoran e di nou kouman nou ka ede.
Ou menm tou karol Joseph ,si ou reyisi bagay sa a ,ou gen yon pi gwo wòl pou w jwe nan istwa peyi an!

Se bèl bagay vre. Men sa ki nesesè pou fè peyi a vanse.
Kelkeswa konsiderasyon an, se pou nou bay Kiba kredi.

Yon sel bagay: Poukisa Ayisyen tikoulout konsa?

De pwojè konsa te dwe anonse depi anvan.
Li ta yon bon kanpay infomasyon ki ta fè reklam pou gouvenman an tou.

Alos moun ta konprann gen demach ki ap fèt epi anpil akizasyon pa ta fèt kont gouvenman an.

Men lè wap fè bagay anba chal nanpwen moun ki konnen sak ap regle, wap fè yo pale anpil.
Sa pa lan avantaj nou paske si nou infome moun plis, la pè avèk lespwa a vinn instale lan tèt moun.

Antouka se yon gwo pwojè pou fè peyi a mache.

Map tann nou vini avèk plisyè anonsman konsa, men bay yon ti jof anvan.

Konpliman.

:elephant:

Castro ak Chavez reyalise genyen twop gran manjè ki beswen roule nan machinn Lexus yo pito bay materyel ki pou edike pov yo, anbilans pito ,machinn ponpye pou pote moun sekou.men nou pa ka blame lot moun ki bay lajan se tet nou pou nou blame si nou te konn prefere volè lajan yo pou nou sere nan bank swiss.

mwen remersye Pep kiben ak tout Presidan Castro tou.gen lè se sa ki merite fet ak tout lot peyi soudevlope yo: o lye yo bay lajan ke pou aloufa volè ,se ale nan peyi yo gade sa pep la beswen epi di gouvenman an men nan sa nou vle ede, ke se swa edikation ,sante, sekirite, alimentatyon, rebwasman ,devlopman agrikol, enerji etc.

nanpwen moun ki ka konpran ke alfabetizatyon se yon remed pou tout bagay ki pa bon nan peyi ya.men tou pou edike pep la fok li ka li e ekri lang li fok li ka konprann yon teks lwa ki ekri nan lang li yon direktyon ki ekri nan lang li.Se pa dernye pa se komansman an. Mwen di sa deja se pa selman li ak ekri pou yo montre pep la. fok yo ba yo bon jan fomatyon ki pou pemet yo aprann viv san yo pa beswen led eksterye tou tan.

Nou fè yon premye pa nou rekonet kreyol kom lang ofisyel peyi ya koulyè ya nou pral apran tout moun nan peyi ya ekri nan lang pa yo nou pral komnse edikatyon Primè nan lang pa nou.nou pral reforme edikatyon pèpè ki fè nou tout se bon dizè san nou pa ka fè anyen pou nou servi.Mwen kwè apre yon bon 5 lane ap ba pep la bon jan edikatyon ayisyen genyen pou fè yon avans.Si lame dayiti ke bann neg ak yon grenn je yo ap mande pou retounnen sou moun te kite Francois Duvalier itilise manb lame pou fè alfabetizatyon e byen jodya se pa nan malsite saa ke peyi ya ta ye.Nou ta fini ak pwoblem saa lontan deja.

pou aprann yon moun pou li yon bon kiltivatè ak yon bon pechè ou yon bon artisan men fok li ka li enstriktyon fok li ka jwen solityon yon ti pwoblem aritmetik.Se sak fè mwen di ke alfabetisatyon pa dwe selman fet pou montre moun yo li ak ekri .mwen kwè si depatman edikatyon genyen yon gwoup moun konpetan ki ka bati yon bon pwogram alfabetisatyon e byen mwen kwè ke nan 5 lane nou ka fè tout ayisyen genyen yon nivo sertifika detid primè.