Pozisyon òganizasyon sektè popilè a sou kesyon privatizasyon

Ayiti : “Agresivite pouvwa Preval / Alexis a pou privatize antrepriz piblik yo”

sanmdi 14 jiyè 2007

Pozisyon plizyè òganizasyon nan sektè popilè a sou kesyon privatizasyon antrepriz piblik yo

Dokiman sa a vin jwenn AlterPresse 13 jiyè 2007

Noumenm manm òganizasyon ki soti nan diferan depatman nan peyi a, nou mete vwa nou ansanm pou nou denonse epi rele anmwe kont agresivite pouvwa Preval / Alexis a pou privatize antrepriz piblik yo. Nan premye manda prezidan Preval la, prezidan an te deja kòmanse privatize antrepriz leta yo. Konsa, Minotri Dayiti ak Siman Dayiti ki te 2 antrepriz Leta vin tonbe anba ponyèt sektè prive a. Jounen jodi a, farin ak pen vin pi chè epi malere paka achete siman pou konstui kay pou yo rete, tèlman siman vin chè. Yon sak siman ki te konn vann pi piti pase 100 goud koute 250 goud pou pi piti jounen jodi a.

Nan dezyèm manda Preval la, nou konstate prezidan an kontinye ap anonse volonte li pou privatize antrepriz leta yo kòm si se antrepriz pa li yo te ye. Konsa, TELECO, EDH APN, ONA ak anpil lòt antrepriz leta sou lis privatizasyon prezidan Preval la. Menm BNC ki pami Bank k ap mache pi byen nan peyi a sou lis privatizasyon an. Alòske, ajan neyoliberal yo toujou fè kwè se paske leta move jesyonè ki fè yo vle privatize antrepriz leta yo.

Pouvwa Preval Alexis a ap pran inisyativ de grenn dwat sa a nan moman l ap tabli relasyon ak yon seri peyi tankou Venezyela k ap nasyonalize yon seri antrepriz prive ki gen yon wòl estretejik pou leta a ak pou ekonomi an. Peyi sa yo ap koupe fache ak politik remèd chwal enstitisyon finansyè entènasyonal yo, alòske Preval ap foure remèd chwal la pi fon nan gòj moun ki te vote l yo. Gouvènman Preval / Alexis a bay mas popilè yo bèl vag nan kalite desizyon l ap pran yo. Pifò desizyon pouvwa a ap pran, se desizyon ki kont enterè mas yo. Kalte politik sa a ap pral kreye plis mizè ak chomaj nan peyi a kote pifò deja nan chomaj. Kidonk, Preval chwazi yon politik pete fyèl kont mas moun ki te mete li sou pouvwa a. Noumenm òganizasyon ki siyen nòt sa a, nou kwè antrepriz leta yo gen yon wòl enpòtan yo kapab jwe pou pèmèt mas popilè yo jwenn sèvis pou amelyore kondisyon lavi yo. Sektè prive a pa gen vokasyon bay sèvis. Enterè sektè prive a se fè plis benefis, se pa bay sèvis. Nan sans sa a, se sèl leta ki kapab jere antrepriz yo nan lide pou bay popilasyon an bonjan sèvis. Sou baz sa a, yon leta ki vle bay sèvis pa kapab ap privatize antrepriz piblik yo. Sa k pi grav, pouvwa anplas la vle privatize antrepriz yo san li pa anvizaje okenn espas pou pèmèt pèp la bay pozisyon li sou yon gwo desizyon konsa.

Pou tout rezon sa yo, nou òganizasyon ki siyen nòt sa a, nou mande popilasyon an sitou mas popilè yo pou yo leve kanpe pou anpeche prezidan Preval likide antrepriz leta yo bay sektè prive a. Tout òganizasyon konsekan, ouvriye, peyizan, etidyan, elèv, ti machann, fanm ak gason nan katye popilè yo ak anplwaye antrepriz leta yo, nou tout dwe pote kole nan tout leve kanpe pou bare politik remèd chwal Preval la ki gen ladan privatizasyon antrepriz piblik yo, ouvè vant mache a bay pwodui pèpè pou kraze pou kontinye kraze pwodiksyon nasyonal la. N ap pwofite okazyon sa a pou nou mande pouvwa Preval Alexis a:

1) Fè bak sou lide pou privatize antrepriz leta yo

2) Pran dispozisyon pou redrese jesyon antrepriz sa yo

3) Tabli nan peyi a yon seri konsiltasyon popilè pou pèmèt pèp la bay dizon li sou yon seri gwo desizyon k ap angaje avni nasyon an (privatizasyon, pwojè byokabiran a elt…)

4) Kontinye ranfòse relasyon ant peyi Dayiti ak peyi tankou Kiba, Venezyela, Bolivi ak divès lòt peyi nan amerik latin nan pou ede nou rezoud sèten pwoblèm sosyal k ap brase bil nasyon an

5) Koupe fache ak enstitisyon finansyè entènasyonal yo tankou FMI ak Bank Mondyal ki se majò jon politik remèd chwal yo.

12 jiyè 2007

Moun ki siyen :

Depatman Lwès;

MORAP; Maximilien Ernesto

MODEP; Nixon Boumba

KRD; Joseph Patrick

MOVE; Jean Léon Santerre

FGPB; Marius Thélusmond

CMD-OD; Beaugé Frantzy

Depatman Nò;

GREDESH; Jean François Jacky

Depatman Sid;

OLAJEKA; Robert Ordéus

BROPS; Lizima Fito Serge

Federasyon Tèt Kole Sid; Edmond Saintius

Depatman Latibonit;

MITPA; Adisson Chérilus

OPDAK; Sauveur Piersinat

Fondation Jacques Roumain; Pierre Louis Nicolas

Depatman Sant;

RGPB; François Louis

RAJES; Tranquille Vilassant

MPMD; Novembre Altide

Depatman Nòdès;

KRPN; Pierre Walnick

RAMSO; Ben Saint-Jacques

Depatman Nòdwès;

Federasyon Tèt Kole Nòdwès; Manicile Jean Baptiste

Depatman NIP;

KPN; Fed Blema

Sektè prive a pa gen vokasyon bay sèvis. Enterè sektè prive a se fè plis benefis, se pa bay sèvis.

Mwen dako avek deklarasyon sa.
Map ajoute ke mesye yo kap bay bon sevis, li pap gratis ni pou mache.
Bon bagay koute che. min fok pep la peye lajan pousa.
Paske mesye sa yo pa Mother Theresa, travay yo se fe profit e ranmase lajan pou benefis investise yo.

Nan sans sa a, se sèl leta ki kapab jere antrepriz yo nan lide pou bay popilasyon an bonjan sèvis. Sou baz sa a, yon leta ki vle bay sèvis pa kapab ap privatize antrepriz piblik yo.

Mwen dako, Entrepriz leta yo pi fo la dan yo se ITILITE piblik ke yo ye,
kidonk pep la paka viv san yo, e leta fet pou minteni e tyen aske pep la jwen itilite sevis sa yo kom sa dwa tet.

Sa k pi grav, pouvwa anplas la vle privatize antrepriz yo san li pa anvizaje okenn espas pou pèmèt pèp la bay pozisyon li sou yon gwo desizyon konsa.

Mwen te di sa deja ke Preval pase trop tan avek sekte prive a ke avek res pep la.
Pep la sispek ke kap gen yon konfli dintere reyel ou aparan e ke Preval ap prepare yon exit dore kap parachute li nan yon myo kondisyon le prezidans li fini.
Le deal sa yo fini fet misye kap bay demisyon li avan ke presidans li fini pou rezon de sante e peson pap sispek anyen.
Anpil gwo koutay kap pale la. Fok gen yon moun ki pou voye je sou intere pep la. Se pa le chwal fini sove pou yo rele femin barye.
Fok Preval pale je lan je pou retire dout sa ki sou dol la.
Take this monkey of his back, di bagay yo jan yo ye a.

Revelation

Jusqu'a present, je n'ai aucune inquietude et sur la question de la privatisation, tout se passe comme je l'avais prevu.

Je crois que Preval est simplement en train de se construire une marge de travail et pour le moment, cela reussit tres bien...

La base populaire du president Preval pensait que l'election du president Preval etait la finalite de leur action...

On se croisait les bras et on attendait que le president livre la marchandise sans pour autant lui donner les moyens de ses ambitions.

Comme je l'ai toujours dit, la bataille ne se gagne pas lors de l'election du president, mais pour sortir le pays du gouffre, il faudra une guerre de tranchees. Et c'est la l'erreur que beaucoup d'entre nous font, en pensant que dans les conditions actuelles Preval peut faire la difference seul. Et Preval n'est pas un demagogue qui va faire de grands discours quand il sait qu'il ne peut livrer la marchandise.

Est-ce qu'on assiste a un reveil de certaines organisations de base ?

Est-ce que cela va permettre un certain equilibre des choses (si cela est fait sans demagogie) ?

C'est tres souhaitable.

Dorenavant, quand des groupes d'interet locaux ou internationaux viendront faire pression sur le gouvernement sur certains sujets (car les gouvernements en Haiti ont tres peu de marge de negociation face a l'international qui fournit entre 60% et 80% du budget de l'Etat haitien depuis au moins 30 ans, le reste est demagogie et du "pelletage" des problemes vers l'avant), le president Preval pourra se retourner et dire qu'il doit aussi satisfaire tel ou tel autre groupe d'interet (des organisations populaires qui surveillent ces actions)...

Et quand je dis que les choses vont comme je l'avais prevu, je parle de la "remise en service" lentement, mais surement de VERITABLES organisations populaires...

Prezidan preval konnen se dènyè zèl kat li lap jwe, lap pwofite fè tout salopri, tout move kou pou satisfè enterè ti bobo yo.

Tout moun ki lisid anko nan peyi konnen e dako ke antrepriz leta yo mal mache, yo gen twop moun ladan yo.

Men, koman yon leta ki la pou reglemante fè tout sa ki nan yon sosyete fonksyone byen, pa ka rive fè byen li genyen mache byen jis li oblije debarasel de yo. m pa ka konprann sa.

Donk si antreprisz leta yo mache mal, yo anfayit, alo la se pasèl ekip socabnak la ki dwe dèyè bawo, fok prezidan preval ak tout ekip li ta dèyè bawo pou reponn koman fè ke byen leta yo ba yo jere mal mache e anfayit.

Pèp la pa dwe rete bwa kwaze devan jan de aksyon malonèt sa yo, fok gen yon mobilizasyon jeneral pou ke prezidan ak tout ekp li ya fè bak. Antreprie leta yo pa byen prive preval, li pa gen dwa poul vann yo. Eske yon moun ka vann sak pa pou li? Yon moun ki vann sak pa pou li se volè li ye, moun sa dwe arete e mete nan prizon pou vol.

An nou teke mab la jisksake li kraze.