fok nou ede timesye moun.lakay yo!!!

fok moun sou fowom lan degaje yo pou nou fe yon marathon pou nou voye bay direksyon jen sa yo ki fe kokin gwo jefo sa yo.
tout tan nap pale, men le pou fe aksyon, nou pa fouti oganize nou.
mezanmi, ou fe aksyon. mwen pa bezwen ala tet aryen, men depi se grandet tankou revelasyon, san malis, ak joel ki ap ranmase kob la mwen pap gen pwoblem.

de ki ti mesye wap pale .mwen pa konprann byen.

ale sou si la, wap gade sou kijan yo fonde sit sa, lefinitou wap we jenn yo ki fe bel travay sa yo.
se yon group jenn etidyan ki fe gwo jefo sa.

Ou pa bay non sit la?Ni ou pa dekri sa yo fè.

ale sou "mounlakay.org", wap peze sou " kosenan nou", wap we jenn etidyan sa yo.

Mèsi mwen kontan anpil wè ke jeness la rekonet ke kreyol se lang yo.Genyen yon zentelektyel ki di ke nanpren liv jeyometri ki ekri an kreyol.Pap janm genyen tou otan moun ki pou keri liv yo ap meprise lang ki pa nou.Koreyen pa servi ak lang lot moun. Arab yo pa servi ak lang lot moun, chinwa yo ki ap devlope pase tout lot peyi pa servi ak lang lot moun.Jwif yo pa servi ak lang lot moun.

tankou Gary Victor di ya ki sa yon moun ka bay peyi w si w meprise kilti w sa ki pou wou.Ti mesye yo di yon bagay se sa net :fok nou sispann imite sa lot moun fè pou nou viv ak moyen nou.ak sa ki pou nou.se pa pase la frans genyen yon Premier ministre ,yon Sena, Yon minis de la kil;diplomat pa si pa la etc ke fok ayiti genyen menm fom gouvenman saa tou.Tout reset leta pase pou peye gwo manjè se sak fè ayisyen a pral fè esklavaj en dominikani. pase leta pa jwen lajan pou bay pep la servis ki pou pemet li menm viv .Wap gade konsey elektoral la pouki sa nou beswen 9 manb nan konsey elektoral, poukisa nou beswen tout Senatè ak depite ak anbasadè sa yo tandis ke ti moun pa ka jwen ban nan lekol pou yo chita ,malad pa ka jwen kabann nan lopital ni medikaman.depi yon ti siklonn pase moun ap mouri tankou vè.Fok gouvenman a lanver saa fini.Fok politisyen parese manyè ba pep la yon souf.se pa yo sel ki pou ap separe gato antre yo ,achte bel machinn, touche gwo per diem, bay diplomat initil bonus.Fok ed internatyonal ke gouvenman lot peyi ba ayiti se pep la ki pou benefisye li ,se pa chak fwa yon ti gwoup monte epi yo fè dappiyan sou tout reset peyi ya epi lè ya ale peyi ya pi mal.Se yon sel bagay ki ap regle an ayiti depi pre de 20 lane se elektyon pa si elektyon pa la.ki lè na bouke fè grimas.nap mande charite pou nou fè elektyon ,men nanpren yon moun ki genyen bon sans pou di sa pa fè sans. an nou aboli konstitutyon an. non tout moun vle se lot moun ki pou fè sakrifis men job senatè, depite , ambasadè, konseye elektoral se sou kadav yo pou yon moun pase pou aboli sineki sa yo. e byen yon jou pep sa genyen pou l revolte kont nou.pase nou fel soufri twop.

gouvenman an koute two chè pou ti mache ya ,rebat kat la.Aboli vye konstitutyon pèpè saa.sinon Preval ap kite peyi ya menm jan li te twouve l e anyen serye pap regle.Aboli Sena redivise peyi ya an 5 depatman jeyografik jan li te ye lontan.3 depite pou chak depatman.konsa na jwen lajan pou bati kay pou moun rete se pa gouvenman venezuelyen ki pou vinn bati kay pou nou rete bann sankoutya.Ti maché ya two piti pou tout machann diskou sa yo.

Fok m ajoute pou nou tout kote ki gen jenn gen espwa se sa ki fe Ayiti cheri m nan pap peri. Non li pap peri li gen pou l kanpe anko. Paske jenn sa yo vle retire chenn sa a yo mete nan lespri nou depi plisye lane. Sa vle di tout sa nou fe pa bon, lang nou pale pa bon, nou pa fe anyen ki bon.
Jenn mesye dam sa yo fe m santi ke gen espwa e tout kote ki gen espwa moun ap viv. Gen youn nan sije yo ke yo genyen sou sit la m pa janm bouke li l non selman li an kreyol m konprann li byen men tout sa ki di a se tankou yon sekre ke yo te dwe ban nou depi lontan men yo pat janm ban nou l. M ap ankouraje nou pou nou li sije sa e pataje ak lot moun tou ale sou http://www.mounlakay.org/tikoze-konnen_kisa_ou_ye.html

Nou ka li l e tradwi l pou ede lot moun ki vle dekouraje ak lavi.
Mesi anpil ak staf Forum Haiti ki pemet mwen ka di sa m santi.
Boprince