Mais où est passée la révolution? Et à qui profite-elle?

:elephant:

A la jeunesse de mon pays. Son père a fait la révolution politique et lui la révolution économique...

Se sak fè pep la ap manje biskwit la bou jounen jodya.A la yon bon revolityon ekonomik papa.

Benlatay,

Mwen dakò ak ou ke se an 1758 ke Dessalines te fèt pa an 1753.

Kanta lè w mande "Ou est passée la Révolution".
Wi se yon bon kesyon,men tou se pou w mande tou kisa ki t ap pase si Revolisyon sa a pa t fèt?
Gen moun ki di ke nou pa t prepare lè revolisyon an te fèt ;kòmsi nou t ap janm prepare.
Gen moun menm se Martinique Guadeloupe ,Guyane y ap gade ,kote sitiyasyon ekonomik lan yon ti jan pi bon ke pa Ayiti an;moun sa yo menm gen kouray pou yo di ke pito Ayiti te rete yon koloni!

Oo,sakrilèj!
Franse yo trete moun nan Antiy yo,ak yon ti desans ,se akòz de revolisyon ayisyen an.
Se pou nou note tou se sou presyon Langletè ke Franse yo te vin aboli lesklavay nan koloni yo ,nan lanne 1848.
Se pa ti voye pye Kolon nan koloni sa yo te voye pye anvan pou yo te aksepte libere esklav yo.

Ki sa k di ke Lesklavay nan Amerik lan pa t ap dire jis nan 20yèm syèk lan ,si se pa t pou revolisyon ayisyen an.
Pa bliye ,ke malgre tout presyon yo te mete sou de peyi tankou Kiba ak Brezil,se jis nan ane 1880s yo,peyi sa yo te aboli lesklavay lakay yo.

Epitou moun ki ap di ke nou pa t prepare pou Lendepandans ,mande tèt nou si Franse t ap janm prepare nou pou nou mèt lakay nou.
Franse ,gen yon gwo defo ,yo pa janm prepare moun yo kolonize.
Noumenm ,peche mòtèl nou fè apre Lendepandans ,se imite (elit ki vin domine peyi an) ,vin imite ansyen mèt yo.
Yo vin idantifye yo ak ansyen mèt ,nan jan yo viv,nan lang yo pale,nan relijyon yo pratike elatriye;e se konsa yo vin separe yo de rès popilasyon an.
Depi yon elit fè sa ,se yon resèt pou yon katastròf.Ou gen dwa obsève menm fenomèn lan kay Ameriken nwa ki t al kolonize e fonde LIBERIA ak SIERRA LEONE.
Ameriken nwa sa yo te konsidere yo diferan de rès moun ,"endijèn" ki t ap viv e yo te jwenn sou teritwa sa yo e sa bannou dezas nou genyen nan de peyi sa yo.

Revolisyon Ayisyèn lan,se youn ,si se pa gran revolisyon ki fèt nan tout listwa Limanite.Se pa mwen ki di l ,se listwaryen modèn,anpil ladan yo ameriken,ki ap di l.
Kite m rete la ,pou mwen pa twò long!