Jacques Édouard Alexis est démis de ses fonctions

bali bwa Boulova kite m pran ti chez bam pou m koute.(lol)Pipo di :"lè ma monte chwal mwen gen moun ka kriye."Map achte youn tikè bò ring lan poum gade pataswel ki pral tonbe.

Mesye,

Sitiyasyon lan peyi a trè grav.
Se jisteman akòz de atitid feròs, agresif epi entoleran saa kifè nou lan sa n ye laa.

Annou kenbe fowòm lan kom yon kote respektab kote moun gen opinyon opoze san joure ni voye wòch.

Mwen konnen kounyea nou sou presyon lan sak ap pase lan peyi nou, men ann respekte kòd etik fowòm lan.

Nou tou wè pozisyon ekstremis paka mennen ni nou, ni Ayiti okenn kote.

Mwen pa ta renmen ap oblije fè menm jan ak senatè nou yo.

Ok? mete dlo lan kleren nou.

> Ti chèz ba >

Ayiti-Kriz : Alexis merite kanè depi lontan - Palmantè yo ap pran woulib



<BLOCKQUOTE>
dimanche 13 avril 2008
</BLOCKQUOTE>
<BLOCKQUOTE>

Kominike Kay Fanm

Dokiman sa a vin jwenn AlterPresse 12 avril 2008

Se depi 7 mas 2008, nan okazyon Jounen Entènasyonal Fanm nan, Kay Fanm ak KORE N te leve kanpe kont sitiyasyon lavichè ak grangou kloròks k ap kokobe pèp ayisyen an. Yo te pwopoze 10 mezi ki te ka pèmèt revize oryantasyon ekonomik peyi a. Malerezman vwa pèp la, pa lantremiz òganizasyon k ap akonpaye li nan goumen li yo, sanble pa enterese reskonsab yo. Soti 7 mas rive 7 avril, anyen pa di, anyen pa fèt sou kesyon lavichè ak grangou. Okontrè, se san okenn jèn senatè ap jistifiye gagòt lajan y ap fè pou swadizan achte pil kawoutchou pou machin yo. Se san okenn jèn palmantè ak palmantèz ap kontinye kalbende, ap kontinye goumen youn ak lòt pou souse manmèl Leta a ki, dapre yo, dwe koule lèt pou yo sèlman. Pifò minis yo menm ap monte desann, san anyen serye pa p regle.

Sitirasyon sila a pa fouti fè pèp ki nan grangou plezi. Pati Politik yo, Pouvwa Egzekitf la epi Palman an derefize konprann Ayiti se yon peyi ki fin kraze e ki bezwen dirijan ki pare pou fè sakirifis, pou mete entèlijans yo osèvis peyi a, pou ba li chans rekanpe sou ray li. Ayiti tounen yon ti koloni pou Kominote Entènasyonal la. Se nan men Kominote Entènasyonal la dirijan yo pran lòd, kidonk se li menm sèl yo koute. Jodi a, piske pèp la frape pye li fò, senatè ak senatèz kouri pran pòz yo se moun responsab k ap travay pou pèp. Kidonk, yo pral bay Premye Minis Alexis kanè. Wi, Alexis merite kanè depi lontan, paske li pa ka bay peyi a direksyon ki pou pèmèt li soti nan katwouboumbe. Palmantè yo ap pran woulib sou konjonkti a pou fè bliye yo menm tou, yo pa p regle anyen depi 2 zan. Palmantè yo ap pran woulib pou fè bliye dosye palmantè parèy yo ki vin kache anba dra enpinite Lachanm. Palmantè ap pwofite fè kli yantelis pou chache mete alatèt gouvènman an moun ki ka ede yo kontinye rache koupe pi plis toujou. Pati Politik ap fwoubi mannigèt pa yo. Pèp ayisyen, vijilans ! Marengwen tout plimay ap vole ! Veye tout ti malis ki anba tab Palman ak Prezidans. Veye kout gidon, jwèt mètdam kap fèt. Se mannigans pou pran woulib sou lamizè, pou ranfòse pouvwa yon ti gwoup.

Kay Fanm di, sèl zam pèp la genyen nan menm li pou fè fas kare ak tout konplo, se fòs mobilizasyon ak òganizasyon li. Pèp la dwe kontinye mobilize pasifikman, tèt frèt, san kite atoufè vin detounen revandikasyon li ak vye zak briganday. Mobilizasyon dwet fèt nan lide pou fè Prezidan an konprann politik li t a p menmen pandan 2 lane a echwe. Mobilizasyon dwe fèt pou fòse otorite yo pran lòt oryantasyon ak peyi a, pou retire pèp la nan mizèrere l ap viv jodi a. Kit gouvènman rete, kit gouvènman chanje, pawòl grangou klowoks la pa dwe bwè lwil. Pou fini ak lamizè, pou fini ak grangou, fòk politik fèt yon lòt jan, nan sans entèrè peyi a !

An nou rete mobilize, ak yon direksyon klè, kont lavichè ak grangou, san kraze brize, ni vyolans sou fanm !

Pòtoprens, 11 avril 2008

Pou Kay Fanm
Yolette Andrée Jeanty

</FONT>
</BLOCKQUOTE>

Sasaye,

Kite nèg yo fè yon ti voye monte an plis toujou.Se aprann m ap aprann nen men nèg yo.Mwen kite Ayiti lontan ,gen anpil ekspresyon se prremye fwa m ap li yo la .Se mèsi pou m ta di mesye yo.

Joèl,
Mwen oblije fè travay mwen,
men menmjan avè w,
se pa ti ri
mwen ri
lè m li kisa nèg yo ap di.
Se yon leson kreyol.
Nèg yo se machann jouman.
Men se pou nou tout respekte kòd etik fowòm lan.

Se sak fè mwen te pwopoze pou n ouvè yon ribrik sou kreyòl.
Nou ta men m ka mande mesye yo pou vinn bann kèk poul sou kreyòl modèn.

Daprè sa ki ap sikile nan lari ya se: non Pol Deni ak Anri Bekè kap sikile pou vin premye minis.

Joel di:

Sasaye, Kite nèg yo fè yon ti voye monte an plis toujou.Se aprann m ap aprann nen men nèg yo.Mwen kite Ayiti lontan ,gen anpil ekspresyon se prremye fwa m ap li yo la .Se mèsi pou m ta di mesye yo.

Sasaye di:

Joèl,Mwen oblije fè travay mwen,
men menmjan avè w, se pa ti ri mwen ri lè m li kisa nèg yo ap di.
Se yon leson kreyol. Nèg yo se machann jouman. Men se pou nou tout respekte kòd etik fowòm lan. Se sak fè mwen te pwopoze pou n ouvè yon ribrik sou kreyòl. Nou ta men m ka mande mesye yo pou vinn bann kèk poul sou kreyòl modèn.

Mesye Joel boss papa!! Wou pa bezwen pran poz aprand ekspresyon Kreyol a trave jouman. Sa pa fe bel ditou. Gen lot moun sou forum nan ki tre interese nan zafe lang Kreyol la tou men se pa nan di betiz ak jouman ke yo ta remen komanse fe edikasyon yo nan lang sa. Pa vinn chofe dife la.
Se pa pati politik ke nap defand, ni klass sosyal nou ke nap defand. Se Ayiti ki nan gwo poblem la i konpri tout klass sosyal yo tou.
Fok nou ede gouvenman fe yon bon chwa nan zafe PM sa. Moun nan pa bezwen yon politisyen, ni chef yon pati.
Nou bezwen yon bon Ayisyen konsekan ki konnen le monde politique et des affaires, ki konn kote pou ale pou jwen bon deal e lajan ki pou komanse roule nan peyi d’Ayiti.
Fok nou konmanse pa vide 2 e 3 non ate pou moun we e sugjere gouvenman. Mwen ta kwe ke sou 8 million habitant nan Ayiti e Diaspora ke nap viviv la se toujou menm nou politisyen yo ke nou gen nan tet nou.
Fe imajinasyon nou travay, nap kap jwen o mwen 50 a 75 moun ki kalifye pou djob deskripsyon sa ke pep la ap rele amwwwee pouli ki se mete manje sou tab rapid rapid bayo avan ke yo konanse mouri gren pa gren!!!
Pep la fe anpil tan ap manje biskwit labou a pou nou an atandan ke nou vini ak yon solisyon pou yo. Nou repond yo ke nou pa kap fe mirak. Repons sa dekouraje e pete fyel yo net ato, donk yo mande anrajee pou dirijan yo pran responsabilite yo an men.
Di ke pati politik sa te fe miyo e sak la pafe ditou pap rezoud problem nou yo.
Si Duvalier te kreye yon djob premye minist le lite o pouvwa e te nonme Desulme ou byen Dejoie komm Premye Minis li, non pat tap gen makout ni fo dimanch.
Si Aristide te nome Izmeri kom premye minist li, nou patap genyen ni okipasyon MINUSTAH, ni Chime, ni GNBist.
Le 2 klass sosyal yon peyi o pouvwa, yo pa gen dwa echouwe !!
Yo gen yon obligasyon anve pep la pou yo reyisi!!
Revelation.

Revelatyon,

W ap melanje bagay yo.Kilès ki di w ke si Aristide te nonmen IZMERY kòm premye minis ,mesye yo pa t ap fann nan dengonn gouvènman an,tankou yo te fèl ak Preval kòm premye minis?
Boujwazi ameriken an,nan pwen moun li te pi rayi ke FRANKLIN DELANO ROOSEVELT,yo te rele misye "traitor to his class";yo te fè tou sa yo kapab pou yo te ba misye pwoblèm.

E tou pre peyi nou an ,se menm bagay lan ,paske se nan boujwazi an FIDEL CASTRO te sòti.
Se pa nan ki klas sosyal moun lan sòti se kouman li ta vle dirije.
Epitou apre yo te asasinen frè IZMERY yo,eske w te tande protestasyon nan mitan boujwazi ayisyen an?

Sasaye a écrit:Joèl,
Mwen oblije fè travay mwen,
men menmjan avè w,
se pa ti ri
mwen ri
lè m li kisa nèg yo ap di.
Se yon leson kreyol.
Nèg yo se machann jouman.
Men se pou nou tout respekte kòd etik fowòm lan.

Se sak fè mwen te pwopoze pou n ouvè yon ribrik sou kreyòl.
Nou ta men m ka mande mesye yo pou vinn bann kèk poul sou kreyòl modèn.

Sasaye ak Jowel,

Jiskaprézan mwen pantko wouvè bwatt bêtiz sal la,
Ti-pwentt mwen voyé bay zingrédian ki té sot pou mankém déga-a
sété ti-préliminè chofé difé élèv kay mamè, kom avètissman!!!

Zantouléka mwen bien kontan Sasayé intèvenu pou mété yon Hola
Mété lod lan dézod nan moman kritik sa tou moun gen nerf yo a fleur de peau.

sE SAW TAP TAN PASKE OU KONNEN SASAYE TAP MANDE PADON POU WOU..

Mesye Otan!!!

Ann sispann lobèy saa. Nou kapab regle kont nou san derespekte lot moun ak tèt nou.
Mwen pwal wete mesaj ki pa an règ ak kod la.

Tout jwèt se jwèt, kochèt pa ladann.
Si nou bewzen di betiw sal, voye mesaj prive.