Pou La Jistis Sa Mache Nan Peyi d’Ayiti

revelation Jeu 16 Avr 2009 - 22:38

Le Madam Michelle Pierre Louis te monte kom premye minist, li te kenbe avek li post minist de la jistis la. Tout moun te rele ayibobo pansan ke madam sa te pral ranmase gason brigan nan peyi a. Kelke mwa poko passe, madam nan lage post minist de la jistis la e passe’l bay yon lot kamarad.

Gen anpil pawol ki di ke madam sa pa gen kran pou’l trinnen volo devan la jistis.
Depi le sa volo ap sikile gwo jounnen nan tout peyi a e memm nan palais natyonal.

Se konsa anpil lajan te ranmase pandan 4 cyclon ki sot passe la yo, $197 million dolla disparet.

Yon lot $32 million dolla nan zafe drug disparet.

Yon band lot lajan l’ONA disparet. Tout lajan say o al nan poch politisyen volo e peyi a kontinye ap vinn pi mal.

Le mwen mande yon neg serye nan peyi d’Ayiti pou kisa jistis pakab pran pye nan peyi d’Ayiti???

Li di ke pou yon moun sa byen fe travay li kom minist de la jistis fok moun sa ta byen ankadre avek yon fos special polis, fok li pa ta gen Fanmi, ni madam, ni pitit nan peyi d’Ayiti.

Paske si minist sa ta deside vreman fe travay li anpil moun nan peyi a te pral nan prizon e kom revanj, yo te pral mache pran li ak tout fanmi li.
Men realite peyi d’Ayiti.

Fok mwen di an passan ke se pa Ayiti selman, o Mexique, Italy, Columbie, etc.. anpil chef poli ak minist la jistis pedi vi yo e vi fanmi yo tou.

Nan peyi USA ak Kanada, ke brigan rele Al Capone, ou byen John Gotti ou byen gwo politisyen nan Washington, DC, si yon moun fe yon move zak kriminel, moun sa kelkeswa laj li lap pran prizon kanmemm.

Nou remake tou ke le yon moun fe yon zak kriminel kont peyi blan ou byen kont yon sitwayen peyi’l, blan pa pe antre lakay nou vinn pran kriminel la, mete’l nan yon avyon jije’l e mete’l nan prizon.

Travay minist de la jistis nan peyi d’Ayiti e nan anpil lot peyi se travay ki pi danjere !!

Drug ak koription e blanchisman lajan nan peyi a te fet pou priyorite nimero 1 pou dirijan peyi a e peyi donater yo.

Si yon moun nan trafik drug leta blan yo te fet pou mache pran yo kelkeswa kote ke y oye a.

Si yon moun nan koription e blanchisman lajan assistans international yo ou byen lajan ke pep ayisyen resevwa kom ed ou byen kom kado, moun sa yo ou byen konpany sa yo te fet pou leta ameriken ou kanadyen passe ranmase moun sa yo. Paske yon minist la jistis ayisyen pa gen mwayen ni sipo asse pou frappe kom li ak gwo kriminel oganize sa yo.

Memm jan Blan yo mache pran moun ki nan zafe drug, fok yo montre tou intere yo nan developman peyi d'Ayiti e fok yo pa komanse fe memm travay sa tou pou vol blanchisman, e volo lajan pep la.

Yon minist jistis ayisyen pap kab fe travay sa poukont li, san ke vie li pa an danje.

Fok assistans international la kap bay lajan pou pep la proteje lajan pep la e trennen devan la jistis tout volo e koronpi, politisyen, kou komessan ki nan kontreband e blanchisman lajan.

Si se passa, nou pap jamb we jistis nan ti peyi d’Ayiti kote ke tout volo nan zanmitay avek lot volo parey yo. Ti mache a piti e tout volo ap rele barre volo e simen konfizyon.

Revelasyon