Steven Benoit ap make pwen

Mwen sot li ke palman vote lwa ki fikse salè minimum lan a 200 goud pa jou.Byen ke li pa represante anyen men se yon gwo pa konparativman a lè li te 70 goud.Mwen aprann tou ke salè minimum an Guadeloup yon ti zile ki piti pase ayiti se 6 dola ameriken a lè.ki donk li 9 fwa plis an guadeloup pase an ayiti.mwen ta renmen konpare kou la vi an guadeloup ak an ayiti pou nou wè ki jan esklavajis ayisyen yo pi anraje pase ansyen kolon yo.pou nou wè nan ki eta malere ye an ayiti.

genyen moun ki di ke si yo peye yon ouvriye 5 dola pa jou sa ka kreye chomaj mezanmi si yon moun ap travay epi li pa ka menm manje eske se vre li ap travay?nan 5 dola konbyen taks ki soti ladann, konbyen poul peye pou li ale nan travay ;eske li genyen asirans maladi, asirans vyeyes,konbyen yo pran pou Ona ke gwo manjè yo finn dechapiye.skandal saa yo kase fey kouvri sa paske genyen gwo zotobre ki foure men yo nan lajan saa.Eske genyen ouvriye ayisyen ki janm resevwa yon chek chak mwa lè yo retrete an ayiti?

mwen tande yo di ke se sa depan de Preval.si Preval pa ta pibliye lwa saa sou le Moniteur se pou tout ouvriye fè grev.se pou yo pare yo pou yo chofe beton an nan mwa ki ap vini yo. abraham di set ase.Fok esklavaj modern lan fini an ayiti.Si preval vle trayi pep la poul fè gwo manjè yo plezi malgre se pep la ki te ale nan Otel montana e byen se pou yo fè l santi sekous pep la.Mwen pa ta kwè li ta engra nan pwen saa.

lit ouvriye peyizan an fek komanse fok nou rebati yon lot tonel pou nou ba lit la jaret .nou te ka nan ka ouvriye sa yo tou.nou tout pitit sor yet dwe mete nou ansanb pou nou soutni lit saa ki se lit pa nou tou.fok nou denonse esklavaj saa tou patou.se konsa selman na va ba ouvriye ak peyizan ayisyen yon souf anba malfektè.