VOEUX DU PRESIDENT ARISTIDE A L'ENDROIT DU PEUPLE HAITIEN.

Président Jean-Bertrand Aristide
Pretoria, South Africa

BON ANE 2007 !

[url=http://www.hayti.net/tribune/audio/telecharger.php?Fichier_a_telecharger=BON_ANE _2007.rtf&chemin=]Télécharger Texte[/url]

Télécharger Audio

Envoyer vos voeux









Sè m, Frè m,

Se ak kè kontan Minouche avè m salye w
Pandan n ap depoze yon kouwòn rekonesans
Sou memwa Papa Jan Jak Desalin, le Grand.

17 Oktòb la sot fè 200 zan
Depi Papa Desalin tonbe
Pou chak Premye Janvye
Te louvri pòt Yon Bòn Ane
Lakay, sou tè d Ayiti nou an.

Nan lonbray desantyèm anivèsè sa a,
Nou salye memwa tout lòt Ewo nou yo
E nou abranse w fratènèlman
Pou swete w: Bòn Ane 2007 !

Lè ti moun kou gran moun
Gade nan miwa Premye Janvye,
Yo renmen poudre ak plimo bòn ane.
Se ak anpil afeksyon n anbrase
Tout timoun pou swete yo chak :
Yon Bòn Ane espesyal.

Yon lavalas bon souwè ak amou fratènèl
Pou ou ki lakay kòm nan 10e Depatman an ;
Ou menm Pitit Peyizan k ap soufri nan
Tout seksyon kominal kòm nan katye popilè
Okap, Okay, Jeremi, Pòdepè, Fò Libète, Gonayiv,
Ench, Jakmèl, Miragwan, Sen Mak, Tigwav,
Site Solèy, Lasalin, Bèlè, Solino, Matisan,
Gran Ravin, Kafou, Taba, Laplenn, Delma,
Petyonvil, Kenskòf, kòm nan Pòtoprens.



Pèmèt nou di 15.000 mèsi
Pou bèl souwè 15 jiyè 2006 yo.
Bèl woz solidarite nou resevwa yo
Pa janm fannen nan jaden memwa n.
Jan yon pwovèb nan lang Ebre a di :

ןבא וב קורזת לא םימ ונממ תיתשש רוב
An bon Kreyòl:
Moun pa dwe manje manje bliye.

Rekonesans ak fidelite sa a,
An verite, se yon istwa damou
Ki egzije delivrans Manman Ayiti.
Yon delivrans ki difisil, trè difisil,
Men yon delivrans ki pa enposib.

Se pou sa menm, fòk dabò gen limyè.
Limyè entèlijans kòm limyè konsyans.
Limyè moral pou l pa fè nwa
Lajounen kou lannwit.

Si l difisil pou lave kay tè,
Li pi difisil toujou pou
Lave kay tè nan blakawout.

Kidonk, vide limyè delivrans sou Ayiti,
Se refize Ayiti kontinye lave kay tè
Nan blakawout koudeta.

Depi premye koudeta 17 oktòb 1806 la,
Konplo trayizon an te egzije pou
Manman Ayiti lave kay tè a
Ak pwòp san Papa Desalin.

Konsekans : 200 zan apre,
Pèp la toujou menote nan
Mizè, grangou, chomay, apatay…

Se pou sa menm nou deklare :
Chak fwa yon gang patripòch
Etenn lanp moral la,
Fòk yon lavalas patriyòt
Relimen l e rechaje l
Ak bon jan gaz konsyans.

An nam e konsyans,
Nou pa ka fè kòm si n pa wè
Kijan konplo trayizon an
Menote Pèp la 2 bra, 2 pye
Nan mizè apatay
Depi dyab te kaporal.

Si premye koudeta kont Papa Desalin nan
Pote premye pri nan krim trayizon,
Dènye koudeta 29 fevriye 2004 la
Chanpyon ni nan krim trayizon,
Ni nan krim kidnapig prezidansyèl.

Jan nou tout konstate,
Depi kidnapig 29 fevriye 2004 la
Fi n limen sigarèt la nan 2 bout,
Maladi kidnapig tounen yon epidemi.
Tout moun soufri. Tout moun jwenn.

Kòm soufrans youn nan nou
Se soufrans nou tout,
Tout patriyòt gen obligasyon moral
Pou konbat e kidnapig e pwazon trayizon
Ki toujou fè inosan peyi pou koupab.
Si anndan pa vann, deyò pa achte.
Mwens trayizon egal mwens soufrans.

Klòch moral sa a sonnen byen fò
Nan Ladesalinyèn ou nan
Im Nasyonal nou an ki di :
“ Dans nos rangs point de traîtres…
Nan mitann pa fèt pou gen trèt…”


Fidelite patriyotik akouche ero.
Pwazon trayizon akouche zewo.

Plis nou kole zòrey nou sou kè Fanmi Lavalas,
Se plis nou tande 5 kout kannon fidelite sa yo :

1. Pèp Ayisyen pa limen lanp demokrasi ak alimèt trayizon.

2. Pèp Ayisyen pa jwe mab eleksyon pou zoklo trayizon.

3. Pèp Ayisyen pa manje manje bliye,
Ale wè pou manje trayizon.
Li fè matla pouvwa pou l pa dòmi atè.

4. Pèp Ayisyen pa janm met linèt trayizon pou anpeche l wè
Bèf ki moulen kann nan se pa li k bwè siwo a.

5. Pèp Ayisyen di : Regle jis pa gate zanmi.
Donk li fennk kare mobilize pasifikman pou :
Retou imedya,
Retou prizonye politk,
Retou viktim nan travay yo,
Retou lapè ak respè pou tout Pitit Peyi a.


Sè m, Frè m,
Chapo ba pou ou ki vle tabli
Lapè ak respè sa a pou
Tout moun san distenksyon !

An 1806, san Desalin te koule
Pou nou tout viv kòm sè ak frè,
Egal ego, nan respè youn pou lòt.
San nou se san Ayiti,
Nou pa ka trayi san nou.

Lè a rive pou ansanm ansanm
Nou ekri yon nouvo chapit fidelite
Nan Istwa d Ayiti nou an.

Kite menòt mizè a tounen bijou
Nan bra Ayiti pandan 200 zan,
Se imoral e inakseptab.

Kite kansè trayizon an
Fè metastaz nan sèvèl wòwòt,
Se imoral e inakseptab.

Direksyon moral sa a
Nesesè e endispansab
Pou ane 2007 la pa nwaye
Nan blakawout dezespwa.

Wi, direksyon moral sa a
Nesesè e endispansab pou
Debloke Peyi a, bloke mizè a ;
Demare lajistis, mare kriminèl ;
Demonote Ayiti, menote ensekirite a.

Dayè, si pisans moral sa a
Pat toujou gide mas Pèp la,
Sa fè lontan tèt li tap pati
San paspò, san viza,
San tikè, san destinasyon.

Kidonk,
Li tap deja fou nan founo mizè.

Nou tout konnen sak vid pa kanpe.
Si Pèp la kanpe malgre vant li vid,
Se paske tèt li pa vid.

Yon lavalas ochan pou tout Patriyòt sa yo !
Yon bon Lavalas se yon bon Patriyòt.
Lavalas se « L’ union fait la force ».
Fòs moral Ayiti chita nan
Pèp Ayisyen li menm menm.

Se pou sa, vle pa vle, sote ponpe,
Fòk ane 2007 sa a pote yon demen miyò.
Gen yon lavalas rezèv moral pou sa fèt.
Pèp Ayisyen se rezèv moral Peyi d Ayiti.
Si gen patisipasyon Pèp la nan pouvwa Pèp la,
N ap debouche kanmenm sou delivrans Ayiti.

Ayiti an pann, men
Se li ki pa n.
Pa n se pa n.
Wi, se vre :
Pa n se pa n.
Se ladann pou n
RETOUNEN.

Wè pa wè, n ap wè.
Wè pa wè, n ap wè lakay.
Se va yon bèl fèt lapè
Ak lanmou fratènèl.

Nan menm chalè renmen sa a,
Minouche avè m anbrase nou tout
E redi n nan lang Zansèt yo:

Sizobonana ekhaya !
Sa vle di : Na wè lakay.
Unyaka omucha omuhle !
Sa vle di : BON ANE !


Pretoria, Afrik di Sid
Desanm 2006

" Pèp Ayisyen pa jwe mab eleksyon pou zoklo trayizon."

Il n'est pas seulement un dictateur, mais aussi un LOOSER.


" Sizobonana ekhaya !Sa vle di : Na wè lakay.
Unyaka omucha omuhle ! Sa vle di : BON ANE !"


Il est devenu beaucoup plus fou que jamais.

Rayi chen di dan l blan. Li chanpyon nan fe je mo. JBA maton nan ekri kreyol. misye gen yon pouvwa majik nan expresyon kreyol lan. Ou pa ka pa kontan li misye.
malerezman lom pa viv selman de pawol.
Yon chay konpliman pou JBA pou savè li mete nan lang lakay la. Vreman li fel gou.
Menm si mwen pa dako ak JBA ki marye desten pep la ak retoul men mwen kontan li mesaj li an. Li pa posib pou desten yon pep lye a satisfaksyon yon moun ou ak yon gwoup moun. mwen konpran n nan mesak JBA ke li pa dijere pati espwa. Poutan li gen lespwa kel ka tounen nan 2007. tet chaje. Mab sib.

Atansyon mesye!

Nou pa ka kontinye di misye pa prepare ankò.

Miisye se yon gwo bwa nan pwojè "African Renaissance" Thabo Mbeki an.
Se yon pwojè Inivèsite Sid-afriken yo,ki rekonèt pami meyè Inivèsite nan mond lan.
Donk pa di ankò ke lòt moun mye prepare pase misye,akademikman ankò.
Pa gen sa pyès ankò non mesye!

Epitou,si tinèg ap kontinye politik ki ap fèt depi anviwon 3 twa dènye ane yo.n ap rann prediksyon ARTURO VALENZUELA te fè apre koudeta 29 Fevriye an,vin vre.

Valenzuela ,ki te konseye CLINTON pou Amerik Latin te deklare ke mesye Repibliken te kreye yon lòt JUAN PERON nan Amewrik lan,ak ranvèsman Aristide lan!

DESIDEMAN DRNO,
OU SE YON MALAD.KI DONK LEKOL MONTRE LEW PA KONPRANN YON BAGAY,OU AKIZE MOUN DE FOU.MANMAN BEF!KOTE W SOTI?PA DIM OU SE YON ENTELEKTYEL.

Ayiti an pann, men
Se li ki pa n.
Pa n se pa n.
Wi, se vre :
Pa n se pa n.
Se ladann pou n
RETOUNEN.

Aristid avan neg yo debrache mwen kite mwen kase mete nan men'w .

Gade bel koze tet anba ou yo pou wou...Pep Ayisyen pa bezwen anyen nan men'w anko...tout kado ou yo genyen pwazon.. Vol . piyaj , anlevman , boule moune tout bagay sa yo soti nan wou..

Mesi bokou preyidan, nou bouke e nou pa regret ou ditou.

" Pèp Ayisyen pa jwe mab eleksyon pou zoklo trayizon."

bon moun ki ap rablabla ki sa ki pa vré nan sa prézidan an di la. Sé vré lespwa trayi pèp la, é malérézément jan mwin wè bagay ap maché là, nou gin youn lot 5 ané dé trayison pou nou pran anko.

foknougoumin

"Sé vré lespwa trayi pèp la, é malérézément jan mwin wè bagay ap maché là, nou gin youn lot 5 ané dé trayison pou nou pran anko."


Paske Preval pa vle mache 100% nan minm chemin anachik, chimerik,e BIN LADENIK ancien diktate a, sa vle di Gouvenman Lespwa se youn gouvenman de trayizon. Tet papa nou.

Nou genle bliye ke se min Ti moris, manje gate sa ki te di tou " pasem rive san pep la, mwen pito echoue ak pep la"

Sel nan youn veye moun mouri tankou " AZO" ke diskou tet anba sa yo ginyin plas yo. Sa ki pi red la, neg yo bliye nivo edikasyon yo a koz yo tro fanatik.

Si youn moun vle klase youn neg konsa pami moun ki fe gran diskou, se zafe ki gade yo.



piporiko di

"DESIDEMAN DRNO,
OU SE YON MALAD.KI DONK LEKOL MONTRE LEW PA KONPRANN YON BAGAY,OU AKIZE MOUN DE FOU.MANMAN BEF!KOTE W SOTI?PA DIM OU SE YON ENTELEKTYEL. "

Di ou mwen se youn intelektyel ou pa, pa retire anyin sou mwen. Min youn sel bagya ke mwen konnin mwen pa youn fnatik malad, mwen pa youn teroris ou youn chime


Ban mwen fini a vek kelke citation ki soti nan repetwa gran orate Tutud, ki fe "moun" klase li kom gran. Ou ka jije pou kow si tet a li 100% ok.

"Lè ti moun kou gran moun Gade nan miwa Premye Janvye,
Yo renmen poudre ak plimo bòn ane."

"Sizobonana ekhaya !Sa vle di : Na wè lakay."

" Pasem rive san pep la mwen pito echwe ak pep la"

" Zouti nou nan min nou, aparey nou nan min nou, jijman nou nan min nou, pa neglije bay yo sa yo merite"

" A la li genyin youn bon sant"

" Le ou leve matin, e ou we chale beton an cho nan tet ou, mande neg ki anfas ou deki previyen"

" Se pou woch nan soley, rale woch nan dlo pou yo ka we ki gou soley la"

" mwen pa interesse nan job prezidan paske le youn neg vinn prezidan, li tounnin vole ak kriminel"

Je ne voulais pas commenter le message de l'ancien président. Bon je trouve qu'il est allé un peu trop loin dans ses attaques contre le président élu majoritairement par le peuple haitien et qui a encore la confiance de la population haitienne. En tout cas, entre Préval et les autres leaders sur la scène politique haitienne, Préval est mieux placé pour soulager la misère du peuple Haitien quoi que pense, quoi que dise monsieur l'ancien président en exil qui malheureusement n'a jamais eu la chance d'exécuter ses mandats présidentiels.

JISTEMAN MARC-HENRY
SE NAN EKZEKISYON YON NOU YE LA.MOUN SITE SOLEY YO KA TEMWAGNE.......

" malheureusement n'a jamais eu la chance d'exécuter ses mandats présidentiels"

Marc, comme tu es si gentil.

MARC N'A RIEN INVENTE.C'EST UNE EVIDENCE.

Toutefois, je persiste à dire que son message est trop négatif. L'ancien président devrait plutôt donner la main au gouvernement haitien afin de lancer haiti dans la cour du dévelopement économique. Car ce n'est pas ce genre de message qui fera avancer la cause de la masse en Haiti. Aristide doit epauler le président Préval et non l'inverse ou bien qu'il garde une neutralité ou bien il nous aide à relever les défis du développement économique de la republique.

drno a écrit:" malheureusement n'a jamais eu la chance d'exécuter ses mandats présidentiels"

Marc, comme tu es si gentil.

Je comprends l'ancien président. Je me mets à sa place. Mais je voudrais bien l'aider à retourner le plus vite que possible mais son discours n'aide pas son retour. A entendre son discours, j'ai nettement l'impression qu'il pense qu'il pourra faire des miracles en Haiti s'il arrive à entrer au pays dans les jours qui suivront le debut de l'année 2007. C'est bon de rêver, ça nous tient en santé... disent les psychologues !

drno di:

Paske Preval pa vle mache 100% nan minm chemin anachik, chimerik,e BIN LADENIK ancien diktate a, sa vle di Gouvenman Lespwa se youn gouvenman de trayizon. Tet papa nou.

Nou genle bliye ke se min Ti moris, manje gate sa ki te di tou " pasem rive san pep la, mwen pito echoue ak pep la"

Sel nan youn veye moun mouri tankou " AZO" ke diskou tet anba sa yo ginyin plas yo. Sa ki pi red la, neg yo bliye nivo edikasyon yo a koz yo tro fanatik.

Si youn moun vle klase youn neg konsa pami moun ki fe gran diskou, se zafe ki gade yo.
==========================================

Nèg GNBiste sa yo toujou gin youn vyé jalouzi pou yo fè.
drno wou pa réponn a késyon an kisa présidan aristide di la ki pa vré.

donk drno présidan préval vinn tounin youn ange kounyè ya, pa blyé yè anko pou gnbiste yo misyé sé té youn chimè, sé té misyé ki té touyé Jean Dominique, pa blyé ké minm prison ti gwoup GNBiste lache sa yo té vlé fè misyé pran. Donk kom misyé voyé al touyé moun nan cité soleil pou ti gwoup lache wou yo, li pa youn chimè anko.

Wou wè drno bann gnbiste yo tèlman fè krim yo tèlman bwè san ké yo vinn inkohéran nan pawol yo.

foknougoumin, mwen konnin ke ou genyin anpil malice lakay ou, min map repon keksyon ou yo kan minm.

foknougoumin
"Nèg GNBiste sa yo toujou gin youn vyé jalouzi pou yo fè.
drno wou pa réponn a késyon an kisa présidan aristide di la ki pa vré."

Diktate a di " Sizobonana ekhaya: Na wè lakay ", e ou met fo nan malice ou pa fouti di ke se pa sou blof li ye le li di sa.


foknougoumin
"donk drno présidan préval vinn tounin youn ange kounyè ya, pa blyé yè anko pou gnbiste yo misyé sé té youn chimè"


Kounyea pout te ou we Preval fini pa konpran ke domi kole ak terroris yo pa youn bon opsyon, ou vle kritike,min ou pa genyin kran wap itilize Gnbist pou ou fel paske ou pa vle Marc Henry kouri deye ou.

Min repons ak sa ou di a; mwen konnin se mwen ou kalifiye kom Gnbist la. Mwen pa rele Preval " youn ti anj" ale li sa mwen te ekri a ( Paske Preval pa vle mache 100% nan minm chemin anachik, chimerik,e BIN LADENIK ancien diktate a)

Mwen swete ke ou koninn le youn bagay pa 100% sa vle di ke li pa ka 99%.

Marc

Se a wou selman mwen adrese note sila. Gen lè mwen pa pran sans mesaj Aristide la byen ;ki sa w repwoshe li la?Ban m pati nan mesaj la ke w kondane ?mwen di anko se a Marc henry ke mwen adrese .

Sans Malice, quelle est votre question ?

J'ai ecoute l'analyse faite a Radio Soleil sur le message du Nouvel An d'Aristide. Je dois avouer que j'ai bien aime le "patinage" du commentateur dans l'analyse de son message. On a toujours peur de critiquer Titid. J'en ai bien ri.

mwen pa we ke aristid ki aryen ki mal la. kwake yon lot moun ka inteprete li kom yon mesaj kode. yon bagay mwen rekonet, kelkeswa sa aristid di wap toujou jwenn moun ki kont li. mwen menm, menmsi mwen gen pwoblem ak plizye fason aristid fe politik an ayiti, men mwen toujou renmen li misye. se pa radot nonm lan ap d, nonm lan se yon jeni lan lagaj metaforik. mwen pa we poukisa yon nonm paka di verite, vre talen aristid pa nan zafe politik, se nan zafe litere ke li ye, pito nonm lan te alatet yon institisyon pou devlopman lang kreyol ak oratwa.
nonm lan konm pale, fok nou mezanmi asepte sa!!!
mwen menm mwen byen kontan li proz li yo!!!!!

Marc

Vous dites qu'il (Aristide) est allé trop loin dans ses attaques contre le President elu par le peuple haitien et qui jouisse encore de sa confiance.Nous avons fait une lecture differente du message de l'ex President.Je sais son message est un peu ambigu , on l'interprete selon son optique.Est-ce pourquoi je vous ai demandé de clarifier vos critiques;peut-etre quelque chose m'échappe.

Aristide a-t-il raison de fustiger les traitres qui ont déstabilisé le pays en 2004?Je ne pense pas que ses reproches soient adressées à Mr Preval. S'il a des informations que peut-etre vous et moi ignorons ,alors je ne vois pas pourquoi il devrait s'abstenir de reprocher à Judas sa trahison.Je ne pense pas que Preval ait trahi Aristide ;est-ce pourquoi jusqu'a preuve du contraire je reste encore persuadé ses reproches sont plutot adrèssées à ces traitres qui avaient accompli l'ignominie du Pont Rouge et qui continuent de trahir l'ideal Dessalinien.

Sans Malice

Et si votre analyse était vraie, je me demanderais donc pourquoi a-t-il attendu l'élection d'un nouveau président pour critiquer les traitres qui ont fait le 29fevrier 2004, alors que nous sommes en 2007 ou presque, trois ans après qu'il fut kidnappé par une armée étrangère.


Sans Malice

Le message de l'ancien président n'est pas ambigue . Il nous conduit tout droit dans la psychologie sociale haitienne.

Sans Malice
Une façon importante d'apprendre à connaitre quelqu'un c'est de l'observer. Ces observations se portent naturellement sur ses comportements. Il convient de rappeler que monsieur Aristide est un psychologue. Il utilise souvent la methode thérapeutique collective pour faire passer son message.

Sans malice

Considérant que nous utilisons des informations sur des événements passés pour porter un jugement sur les événements présents. Il se pourrait bien que vous perceviez le discours de l'ancien président d'une manière différente que moi. Il va de soi que le discours à la nation du chef lavalas peut avoir des influences positives sur vous et de n'avoir aucun impact sur moi. Dans cette perspective, j'avoue que je perçois ce discours moderemment négatif. Ainsi donc, il me parait logique que lorsque nous évaluons une personne qui n'a aucune influence sur nous , il est plus facile de tirer des conclusions négatives sur le messager. Dans ce sens, j'ai relevé plusieurs points dans le message du président qui me laissent penser que le président fustige tous ceux qui ne se préoccupent pas de son retour au pays . Somme toute , je crois avoir découvert trois dimensions dans le discours de l'ancien président :

une dimension psychologique et politique
une dimension logique et systémique
une dimension mécanique

Psychologique et politique; Ici l'émeteur (Aristide) s'intéresse au comportement de ses partisans par le contexte social actuel. Il parle directement à eux et souhaite que les gens ne vont pas l'oublier dans un contexte ou plus 50000 emplois seront crées sous peu en haiti.

Logique dans le sens qu'il cible le groupe ou un individu, en particulier (il a parlé de trahison , de zoklo dans les élections ou de l'infidelité de celui qui a été élu) ?

Mecanique ou technique, il présente le problème politique et son retour potentiel pour resoudre ce probleme.


À suivre !

Je suis obligé de relire le discours pour evaluer a nouveau les propos tenus par Aristide.Il me semble cette phrase est la raison de vos critiques.

"pep ayisyen pa jwe mab eleksyon pou zoklo trayison."

Tout d'abord je dois vous avouer mon etonnement en lisant votre insinuation que Jean bertrand Aristide ait attendu l'election de Rene Preval pour critiquer les auteurs du coup d'etat de fevrier 2004.C'est faux.Cette phrase que je viens de citer est à mon sens une generalisation des evenments qui se sont deroulés en haiti depuis l'independance.Quelle est sa signification.Le peuple haitien ne devrait pas elire ses representants pour que ceux-ci soient renversés par des traitres.Meme Gerard Latortue a reconnu cette mauvaise conduite chez les politiciens haitiens;il dit les haitiens doivent respecter les mandats des elus.Je ne vois pas la difference entre cette reproche de Mr. Latortue et celle d'Aristide.

Ouii il est aussi probable que cette reproche soit adressée a l'actuel chef d'etat .Oui c'est grace à la mobilisation du peuple Mr. Preval a été elu President de la Republique dès lors il lui incombe de prendre en consideration les revendications populaires et l'une d'entre elles est le retour de Mr. Aristide en Haiti.

Aristide condamne le kidnaping .Il parle d'amour et de l'union entre les haitiens pourtant vous le critiquez .Alors ,mon cher Marc ,je vous accorde cette honnètete.;selon la perception qu'on a d'un individu on le condamne ou on lui pardonne.Vous savez mieux que quiconque sur ce forum mon objectivité par rapport à la presidence d'Aristide .Cependant je dois vous dire vous mesintrepretez ce message de fin d'année de l'ex President Aristide.

" Kòm soufrans youn nan nou
Se soufrans nou tout,
Tout patriyòt gen obligasyon moral
Pou konbat e kidnapig e pwazon trayizon
Ki toujou fè inosan peyi pou koupab.
Si anndan pa vann, deyò pa achte.
Mwens trayizon egal mwens soufrans"


Se tout sa ansien Diktate a chwazi pou li di sou zak kidnapin kap mete dey nan kay youn bann fanmi an Haiti.

Gen lè pito Aristide te ekri an ebreu petet genyen ayisyen ki ta konprann sa li di yo.Ki koze sa mezanmi;hey se pa de jou an jou ayisyen ap vinn pi .........