Konba politik Rico vize tout rejim tradisyonèl, popilis, koken non yon endividi

Si yon neg te gen pasyans avan, se pa lè situasyon a vin ijant pou ap suiv kouran desabilizatè, se pa lè pou Ayisyen ap konsakre enèji yo lan fè politik pou politik. Tout moun konen kouman pouvwa fonksyone, si se pa fanm rich, se fanm gran jipon, ke nèg toujou al chèche. Lè n'al fouye lan klas politik lot peyi ki lan dinasti ou ki pa gen tradisyon demokratik, na remake ke se yon cercle ki gen tandans redui. N'ap jwen ansyen rival gwo fanmi yo ki fini par met ansanm pou yo ka fè main-mise sou pouvwa.

Nou pa di ke Preval se yon saint, men olye ke nèg ap fè moun pran lari pou prop plezi yo, pouki sa yo pa al seye organize moun sa yo lan yon mouvman ki plis pozitif, plis prodiktif. Si mwen byen konprand manda yon prezidan se 5 ane, renouvelable yon fwa. Men dezyèm fwa sa, sa depann de pèfómans li, non? Donk, si gen yon opozisyon ki organize, li sipoze gen yon bon program ak ase de popilarite pou li challenge gouvènman an plas la. Tout ane sa yo nèg chita ap ranse, lè se pa prezidan se PM y'al takle, pouki sa yo pa janm ka forme yon bloc legitim pou batr pouvwa a lan eleksyon. De tout fason se lajan zot ki fè eleksyon an Ayiti...

Paske majorite nèg yo se pa publik la yo vinn sèvi, se pa peyi a yo vle konstrui, se enterè de klas ke yo jis ap defann. Si byen ke menm lè tè a ap glise anba prop pye yo, yo pa santi sa e lè yo rand yo compte yo pa konn pou kel rezon. Tout peyi gen problem men nou-menm tèt nou pi di, nou refize konprann ke peyi a p'ap fè yon pa ke se ak Preval ke se ak yon lot si se pa a la baz pou nou komanse, si moun yo pa konn li. Si reklame pou alfabetize, pou amelyore sèvis sanitè ta vle di mande l'impossible, sè ke se tan n'ap pèdi sou pretèks ke nou ap defann peyi a.

Gen yon pawol ki pale sou dèt ki efase. Se byen men eske mwen bije aplodi chak jou pou sa. Tout lè nou t'ap peye dèt ke se dèt endepandans, ke se dèt BID, elatrèy, se sou kondisyon ki pou te apovri nou nèt. Bon jodi a, travay la fin fèt, se lè sa nou plis san 5. Di Chavez mèsi kan mèm, paske li te ofri Obama yon ti liv ki ap denonse depi lontan sistem andètman sa a ki se yon kansè pou ansyen koloni yo. San dout sa gen echo lan anpil tèt ki fè yo fè jès sa a dotanpliske sitron a fin pire, pa gen ju ankor.

Sa tou gen dwa se yon kado anpwazone. Antre nou mezanmi, ki sa ankor yo te ka fè sou kestyon Ayiti a. Sèlman, y'ap suiv nou atantivman. Alor anvan nou plenyen si lajan rekonstruksyon pa dekese pi ta, chèche konen pou ki rezon. Hum!

Kanta sa, nou pa janm pè volè plis ke jodi a. Men mwen pa ka deja akize yon endividi anvan ke yo kenbe'l. Tande non, mwen pa konn pou tout moun, mwen pap met main lan dife pou pèson' men, sa mèt fè nou ri de mwen, mwen pa kwè Preval se volor.

Mwen pa dakor ak pozisyon nèg paske mwen responsabl anpil e pi mwen pa lan fè bri kouri pou anyen. Paske Ayisyen sipestisye e pi lè li kwè lan yon rans, li difisil pou retire'l lan tèt li. Sitou lè l'ap travèse yon kriz... (lol)

Martine l'imprévisible.

Mwenmenm mwen wè nèg ap kritike rejim popilis.Ban mwen rejim popilis mwen,yon rejim ke pèp lan wè li ladan l.
Tankou moun tankou MANIGAT yo ,mwen pa vle yo pre pouvwa a menm.Si sa rive ,se bak peyi an ap fè.
Bagay serye ,moun tankou REGINALD BOULOS ou menm CHARLES HENRY BAKER ka fè pi bon prezidan ke nenpòt ke MANIGAT yo.
Se k ap ipokrizi y ap fè,men msye sa yo montre yo pi pre pèp lan ke de moun tankou MANIGAT yo ou byen VICTOR BENOIT.
De mesye sa yo BOULOS ak BAKER,omwens yo pran tan yo pou yo aprann e pale byen ,lang pèp lan!

Enben Joel, se nan kafou sa a menm wi yo vle mennen nou. Se Baker menm ak Manigat y ap chofe sou ban an. Manigat ka jwe wol Sirleaf jwe nan Liberia - paske se tipoul kay yo li ye e li ka ede yo fè bèl pwopagann demokrasi feminis opouvwa! Baker menm se tipoul kay natirèl yo, ki ka pase pi byen lè yo fin diskredite tout klas politik tradisyonèl la - espesyalman apre yo fin chante antèman Lavalas, nan dènye pyès teyat k ap jwe la a. Si popilasyon an ka rive konkli pa gen anyen ki serye. Lavalas=GNbis=Lavalas=Makout=tout voum se do....poukipa yon zwadizan boujwa ki pale bon Kreyol. Viv papa Dejoie - avi si nesesè!

Poutan, se pa konsa non sa ap pase...yo gen fos men bondye k fè, yo pa toupisan! Byen konte, mal kalkile. Gade ou va banm nouvèl!

Sosis ou fenk kare gen twoub vizyon. Sa ou pa konprann nan, nèg ki refize mache tèt bese devan kolon rasis, se pa ni anti blan, ni rasis afwosantris yo ye. Nou pa gen pwoblèm chita sou menm tab ak moun parèy nou ki gen mwens melanin anba po yo ke noumenm. Menm kote nou refize bat bravo lakontantman pou "la société des amis de noirs" ak Sonthonax k ap fè demagoji yo, k ap pran poz yo vle defann libète nèg....menm kote n ap denonse ipokrit sa yo, nou pa ezite pou nou aplodi sakrifis reyèl yon John Brown, ki te mete lavi li an danje tout bon vre pou li goumen pou sa ki jis epi dwat. Se diferans lan sa!

Jounen jodi a, si ou wè mwen chita ak Michel Chossudovsky pou nou layite verite osijè mafya entènasyonal la, se paske mwen gen prèv sitwayen sa a aksepte sibi konsekans chwa li fè yo tou, lè li denonse mafya entènasyonal la. Èske ou konnen konbyen fwa yo eseye boykote Chossudovsky, eseye diskredite li nan Radio-Canada paske li mete verite deyo osijè 11 septanm ak lot koze kremol?

Mwenmenm tou, Radio-Canada evite mwen e ni yo, ni mwen nou konn pou ki. Yo konnen si yo bezwen nèg ki pral radote tèt bese, ki kote pou yo ale.


Sa ou dwe remake tou, nan kalite chita pale mwen patisipe ak kanmarad tout koulè tout plimaj, mwen pa aksepte pou Ayisyen chita an dezyèm plan, ni an minorite. Gen yon modèl fonksyonman Chairman Omali Yeshitela montre nou avèk travay li fèe ak APSC ( http://www.apscuhuru.org/ )- se limenm ki mache ak konviksyon nou. Nou aksepte pou nou pote kole ak kanmarad tout koulè tout plimay. Men chak moun jwe wol yo. Chak moun, pratike respè youn pou lot epi limit natirèl ki ekziste. Nou pa janm pèmèt pou okenn etranje vin mete nou chita nan fouk yo pou nou konplote kont frè nou.Okontrè, si ou pa konnen sa, ale mande kèk moun ki konnen, yo va esplike ou ki jan nou abitye klase ti blan ki pèdi k ap yo, al eseye mande nou konkou pou yo atake Ayisyen parèy nou ki pa pataje menm vizyon politik ak nou. Genyen ki fin mande anraje, men noumenm nou pa negosye sou pwen sa yo.

Nou envite etranje chita ak nou sou galri ak balkon - men koze pou nou ede yo rantre nan chanm kouche a pa gen sa pyès!


Gade sou sit entènèt APSC a ou va remake anwo nan mitan an, yo ekri "white people working in solidarity with liberation of African people UNDER the leadership of the Afrikan People's Socialist Party" http://www.apscuhuru.org/

Joel a écrit:M ap swiv DOUB SOSIS depi kèk tan,mwen wè misye gen yon ti tandans pou li vire bagay lan yon zafè ""nèg milat"" ak ""nèg nwa"".
Tout se rans ,pa gen diferans ant MANIGAT,BENOIT ,BAKER ou byen BOULOS.Se menm zwazo menm plim,menm plimaj lan yo ye.Tout nèg sa yo pa t kriye lè yo te touye IZMERY yo ou byen JAN DOMINIK,ou byen pi pre nou an ,lè yo te disparèt LOVENSKY PIERRE ANTOINE!

Non Jowel,

se wou menm ki toutan ap voye yon seri de pwentt komkwa "Pep-la" se pou li vote pou yon moun ki sanble-li...ki vle diw kelke swa programme li, menm sil pa gen program ditou.. depi se kat pep ak koule li avanse mete devant

Sa vle diw menm si wou pa dil a kler se yon konseption RASIS pou pep la vote "nwaris". Wale jiska affirme sil vote pou YON BAYAKOU A LA TET PEYI YA SE TOU NORMAL-TOUT VOUM SE DO...NENPOT SASWA INKONPETANS LI POU DIRIJE YON PEYI..NAJE POU SOTI..

Se pou rezon sa mwen bay anpil neg vag depi lontan. Li lè pou nou mete'n od'si patikilarite epidèmik sa yo lè n'p pale de patryotism. Sètadi nou pe pa anpeche ke gen Ayisyen ki reflechi sou baz sa yo, men sa pran edikasyon pou nèg rive fè abstraksyon de yon seri de tares coloniales li li ap poze jès aktivist.

Cela dit, konpatryot yo, lè yon gwoup moun fin konsidere tèt li kom yon klas a part, paske non selman li pat bezwen'l men li pat kwè lan yon lEta k'ap defan jistis pou tout moun, nou bije konprann yon seri de retisans. E se la nèg tankou Izméry pa sipoze tonbe lan oubli paske yo se des instruments de paix ke yo te ye. Men ki sa ki rive? Sa montre nou ke n'ap viv lan yon sosyete ki profondeman malad.

Antouka, la preuve est là. Katastrof la blayi sou nou chaje ak senbolism ki ap lonje dwèt sou lEta nou ki demanbre.

Joel ekri: "Mwen ta renmen ke gen moniman ki fèt pou mesye sa yo ,pou montre sa yon ayisyen dwe ye"

Joel, devwa sa a ranpli deja. Tyke sou lyen sa a ou va wè foto moniman yo fè pou frè Izméry yo.
http://www.haitiinfos.org/archjanv09.html


Pa bliye, se toulede frè yo ki mouri anba bal ansasen CIA yo. Pèp Ayisyen ka gen tout defo men li pa engra. Kit se Georges, kit se Antoine Izméry, nan pwen moun ki te ka kesyone Ayisyanite yo. Se pa di y ap di m, mwen sonje mwen te timoun piti ak bout pantalon, manman mwen mennen mwen granri al chanje lajan nan boutik mesye sa yo e se avidèy ou te ka remake relasyon nòmal moun ak moun ki te genyen ant mesye sa yo pi lòt Ayisyen parèy yo ki te oswa machann sou twotwa granri oswa biznisman ki ap frekante magazen yo.

Pèp Ayisyen pa tap gen pwoblèm eli yon sitwayen keseswa koulè po li prezidan peyi a. Si li rejte Baker, se pa paske misye gen po pal, se paske yo pa bliye misye ak tout bò frè li, APAID, se nan koudeta yo envesti. Nan represyon kont popilasyon an. Aksyon moun poze kite tras....e ou pa ka vle pou moun ki pote mak lan fè tankou li pa wè men ki ap frape l tout tan.

Riko di:
Ke entènasyonal vle ou pa vle kom toujou se volonte pèp ki toujou gen rezon.

Ok, alò, ann gade volonte pèp la.
Si pèp la an grann majorite, leve mande demisyon Preval, la p oblije ale vre.

Men si se ekip politisyen mekontan avèk kèk moun, li pap oblije ale.

Epi, apre?

Tout se rans;
Se te volonte pèp ki te fòse ARISTIDE ale an 2004,epitou te gen entèvansyon militè?
Epi lan entèvansyon sa a ,se te san yon sèl gwoup ki te koule wi;pa sa?

Yon lòt bagay ,""entènasyonal"" lan pa gen enterè pou PREVAL ale anvan lè,se plis pwoblèm y ap gen lan men yo;e nou pa gen fòs ase pou nou fòse l ale.
Gen de nèg ki pè kou chat ,paske yo anfas majinalizasyon.Sanble jan bagay yo ap dewoule la a se tankou DOMINIKANI ke nou kapab vin ye ;ak 2 Pati politik:Inite ak Lavalas;menm jan ak DOMINIKANI genyen PLD ak PRD,e PRD te fòme ak yon disidans PLD.
SI eleksyon lib fèt,anpil politisyen gen dwa blije chache lòt aktivite pou yo fè!