Yon bon ekzanp itilite lang franse ann Ayiti

Yon bon ekzanp itilite lang franse ann Ayiti



Malerezman, nou ka sezi wè kantite nèg ki pare pou yo ta retounen nan menm espas sa a anko.

Yon bann enbesil ap fè diskou san pye ni tèt, epi yo rasanble yon latriye moun ki ap bat bravo pou fraz yo pa konprann.

Nan mitan foul la gen swadizan jounalis, pwofesè lekol, elatriye...


Videyo saa touskilfo pou tout Ayisyen ki fete Halloween !

Alòs a ki moun nèg ki t ap pwononse diskou an t ap pale?
Si w gade moun ki kanpe bò kote misye yo;yo pa menm gen lè ke y ap okipe sa misye ap di yo e ou mèt asire w ke 3/4 lan yo konprann yon nini lan sa misye ap di yo.

Malgre evidans yo ou wè nèg kenbe rèd pou y ap pale FRANSE keseswa nèg lan LEJISLATI an ou byen lan gouvènman.

Gen yon nèg m ap swiv depi lontan ;se VICTOR BENOIT.Ou pa konn poukisa yon PATI POLITIK mete misye kòm pòtpawòl.
Lanpwen nèg renmen pale FRANSE konsa.Ayè misye bay yon kominike sou bagay BELIZAIRE an,se an FRANSE li fè.
Si VICTOR BENOIT,sòt ase ,pou l pa ka fè yon bon kominike an KREYÒL pou yon bagay enpòtan konsa ;misye pa gen plas kòm pòtpawòl yon PATI POLITIK.
Moun ap konprann se kòm koudetayis ,BENOIT pi bon.

KARL;

Pale bagay ou konnen.Talè w a kòmanse ENSILTE moun ;lè w kole.
EVANS PAUL ki se pòtpawòl ALTÈNATIV ,te bay yon KOMINIKE an KREYÒL sou bagay sa a.
Bagay lan te byen ekri ;nenpòt moun ki pa konn ti lèt fen yo ;te ka konprann sa misye t ap di ;e li t ap di menm bagay ke VICTOR BENOIT ap di yo.

Pa vin lan zafè ISTWA lang ak bagay konsa.PÒL DEJAN gran lengwis devan letènèl di konsa ke si AYISYEN ap pale ak AYISYEN ;li pa wè rezon pou yo pale dòt lang ke KREYÒL.

KONSTITISYON an di ke se lang ki SIMANTE tout AYISYEN.

Mwen kwè li enpotan menm pou nou montre jan itilizasyon lang franse nan sikonstans tankou diskou nasyonal nou yo, se yon bagay ki RIDIKIL!

imajine ou prezidan Ameriken an ki ta kanpe devan yon foul Washington epi se an panyol li ta pale nètalkole. Menmsi gen plizyè milyon Ameriken ki pale panyol, li t ap parèt ridikil paske gen yon lang TOUT ameriken konprann, se ANGLE.

Reyalite a sè ke Ayisyen ki "opouvwa" yo pa enterese kominike nan sans transmèt enfomasyon vre. Se yon sèn teyat k ap fèt....yon ekzibisyon. Si ou suiv diskou dènye makout la, epi reyaksyon Jean-Claude lè misye ale salye li, ou ka wè menm Jean-Claude ki yon gwo bonbonfle, santi li anbarase.

Jounen jodi a, sa ki fè anpil moun adopte yon atitid gwo soulye ki fè se betiz pou yo di lè y ap aple kreyol, se paske pa gen ase ekzanp ki bay kote nou itilize lang nan nan kapasite reyèl li. Kidonk, fok nou edike gwo soulye sa yo kit yo nan palman an, kit yo nan palè a, kit yo anwo mon Kalvè ak Montagne Noire. Se pou nou aprann yo di pitit yo "mwen renmen ou" anvan yo ale domi leswa.

Parekzanp, apre 12 janvye, youn nan pi gwo zouti motivasyon nou genyen nan men nou se itilizasyon lang sa a pou fè bon motivasyon....gen gwoup ki fè li....anndan peyi a, tankou nan dyaspora a. Men, efikasite a limite toutotan nou pa fose LETA mete li opa sou teren sa a.

Se pa jis yon kesyon lang, se yon etadam... diferans ant volonte kominike Ayisyen ak Ayisyen - vs volonte fè teyat ak monolog longplayin...li lè pou nou kite gwo soulye!


Pou kesyon itilizasyon mo franse nan kreyol la, se rans....Depi se lang ki gen baz laten, yo tout pataje yon katafal mo....kit se panyol, italyen, kreyol, franse, angle.... sa pa gen anyen arevwa ak anyen.

Jaf

se yon bagay ki menm komik ,Yè map gade Steven benoit ki komanse fè yon diskou nan palman misye komanse an franse epi apre sa li pale lang li ya ke se ak li li a lez. map mande tet mwen bon poukisa li te komanse an franse .Mwen pa kwè genyen 100 ayisyen ki ka fè yon long diskou ou patispe nan yon konferans san papye an franseuu.poukisa yo vle kontinye monte kalvè saa tou tan mwen pa konnen.kolonyalism kite yon chen nan kou nou ke menm apre 2 syek nou ap trennen toujou.se tris.Mwen sot ap li sou sit nouvelliste yon atik kote yo site santans ke jij la te kondane depite belizaire.Yon ti paragraf de kek fraz, se pa de jefo mwen fè poum konprann sa jij la vle di ya.konbyen moun an ayiti ki ka konprann santans jij yo prononse kont yo?Konbyen moun ki konnen sa lwa lespinass la di?poutan yo di tout moun dwe konnen sa lwa yo ye.ki jan pou yon moun konprann yon lwa nan yon lang ke li pa pale?Mwen byen kontan tande genyen demach ki ap fet pou kreye yon akademi kreyol.devlopman pep ayisyen ap toujou retarde tou otan ke nou pa rekonet ke lang ayisyen se kreyol.