Sak fè Ayisyen pa renmen Ayisyen?

Yon imaj lèd ki anseye yon bèl leson: Sak fè Ayisyen pa renmen Ayisyen?
Pierre "Jistis" Lubin
PML24@columbia.edu

Avanpwopo

Nan yon videyo Tout Haiti poste sou sitwèb li nan dat 5 out 2014, nou wè kote yon gwoup « pwofesyonèl » —ki pa ni Dominiken ni kolon rasis—ap maltrete yon jèn Ayisyen ki soufri maladi mantal. Ponpye ayisyen yo te vide kloròks sou tèt grenn ak po fonse yon Ayisyen parèy yo; yo te ba l kòd pandan li te nan yon twou pou yo rale l tankou yon bokit dlo yo t ap rale soti nan yon pi; lè l te sot nan twou a, yo te mare l pi mal pase yon bèf sipa; epi yo te trennen l atè a pi mal ke yon bèt feròs yo t ap trennen labatwa pou y al kòche l. Tankou yon flanm dife debòde, ponpye yo te reyisi etenn souf li.

Li mouri!

Si w poko wè videyo sa a, mwen ankouraje w gade l anvan w li rès atik la. Men adrès sit la: http://touthaiti.com/touthaiti-actualites/3923-video-du-jeune-malade-mental-torture-et-assassine-par-la-police-.

Entwodiksyon

Men ki sa bon sans komen ta sipoze anseye n: plis pase tout lòt pèp sou latè, se Ayisyen ki ta dwe pwoteje ak aji nan yon mannyè jis ak lòt Ayisyen. Malerezman, bon sans pa komen vre—sitou nan yon kontèks Ayiti a. Si l te komen tout bon vre, yo ta vann li nan mache, konsa tout moun (ki ka achte l) ta posede l. Se pa Ayisyen ki ta fè yon lòt Ayisyen parèy yo kalite injistis sa a. Paradoksalman, videyo a se yon imaj ki lèd anpil men li ofri yon bòn okazyon pou yon bèl leson nan psiko-sosyo-pedagoji. Pou mwen, li montre pi gwo pwoblèm ki egziste nan sosyete ayisyen an: Ayisyen, anjeneral, pa renmen lòt Ayisyen parèy yo (Price-Mars, 1919). Ki sa? Pa kite pawòl chokan sa a choke w. Si w sezi, bwè yon ti dlo paske sa se te twokèt la; men chay la: Ayisyen an, anjeneral, pa menm renmen pwòp tèt li! Kòman mwen ka fè di yon gwo koze konsa? Ki lwa ki pran m ? Te m eksplike m.

Souple, kontinye li atik la...sou HAITI THEN & NOW...

http://haitithenandnow.blogspot.ca/2014/08/yon-imaj-led-ki-anseye-yon-bel-leson.html

Bon bagay JAF.
Pwofesè an montre MOUN ki gen prejije kont KREYÒL ,se yon bann ""retade"" RETADE pa lan sans mantal ,paske MOUN sa yo se pa yon chwa yo fè ,retade ,palan de MOUN ki fè CHWA pou sa.

Se de atik konsa pou w ta wè lan LE NOUVELLISTE men se de atik an FRANSE san pye ni tèt ;men se an FRANSE.

Mèsi ,paske pwofesè an di bon bagay e KREYÒL lan SWA!

Se pou m di tou ,mwen li 2 zou 3 ATIK sou sit lan ;ki kite m ""emèveye"".Ann ANGLE ou an KREYÒL ,entèvenan yo konn ekri.
Mwen rekòmande nou ,pou nou li repons ke MANBO DOWOTI DEZI bay KADINAL LANGLWA a ,ak atik LUBIN an sou definisyon ou byen sa ki yon "" entelektyèl ayisyen"" yon ekspresyon ke mwen dakò ak misye ki abize.
Ankò ,bon bagay!

Mezavanti ponpye sayo pa anyen devan yon sakrifis Pè Lebren.
Se  depi lontan nèg ak komèt zak kriminèl kont frè yo.
Se tout moun kite pase a lenfinitif. Pov pastè Silvio ki te lwen yon makout.

Li mouri anba Pe Lebren kote anpil zway lavalas kite kwè nan apoloji gran lidè yo te genyen sou sakrifis Pè Lebren: li santi bon, li brodè   e latriye
Li ta bon pou prof sa  pase pran tout kriminèl notwa otè ak egzekitan ki boule tout vivan bann kreyati sayo.