AYIBOBO POU MARCUS GARCIA

Maten yan mwen tande yon Editoryal Marcus sou radyo Mélodie FM.
Editoryal lan se sou zafè ke kelkelanswa pwoblèm ayisyen genyen :menm si se batay ant gwoup politik,zafè kowoperativ elatriye ,se gouvènman an y ap mande konpansasyion ,menm si gouvènman pa genyen anyen pou wè ak sa k rive yo an.

Nan editoryal lan,misye tou pase men pran malpouwont GNBis yo ke apre ke yo te nan konfyolo ak mesye CHAMBLAIN ak PHILIPPE yo ,pou yo te fè atak sou Palè Nasyonal an 2001 ,e ke pèp lan te boule lokal pati politik konplis yo,ak pwopagann Radyo yo(se mwen k ap souliye) yo te fè gouvènman Aristide lan peye yon fòtin pou dedomaje yo ,alòs ke si tout bagay te egal se nan prizon pou mesye pati politik sa yo te dwe rejwenn tèt yo (se mwen k ap souliye ankò)

Yon sèl bagay mwen regrèt,sè ke MARCUS pa fè editoryal sa yo an Kreyòl;paske li lè li tan pou gen yon repondong bay Stasyon GNBis yo ki kontinye ap domine sèn lan e ki kontinye ap bay manti.

Gade tout bri Stasyon Radyo sa yo fè ak lan mò Hughes Saint Pierre an?
Fòk la perèz ,terè ke près sa enstitye nan peyi an,paske yo gen dwa bay mati,difame moun yo vle,san repèkisyon;fòk bagay sa a fini!

Men ki les ki fè sa se paske genyen anpil chef deta ayisyen tou ki konprann depi yo genyen yon elektyon tout bagay ki ap fet nan peyi ya konserne yo.Si vagabon ,dwet krochi volë lajan moun nan kooperativ se la jistis ki pou arete yo fèmen yo nan prison tankou sa fet o Zeta Zuuni ki zafè pou Prezidan di ke li ap remet moun yo lajan yo. se menm jan tou lè delenkan meriken kraze ,ou boule kay, legliz moun se la jistis ki pouswiv yo men se pa gouvenman ki pran responsabilite pou li di li ap dedomaje yo.

Fok Presidan ayisyen yo respekte treso piblik la , se pa depi yo Presidan yo genyen dwa foure men yo nan lajan leta jan yo vle pou yo fè sa ki nan lide yo.Fok bagay saa fini .

Rodlam Sans Malice a écrit:Men ki les ki fè sa se paske genyen anpil chef deta ayisyen tou ki konprann depi yo genyen yon elektyon tout bagay ki ap fet nan peyi ya konserne yo.Si vagabon ,dwet krochi volë lajan moun nan kooperativ se la jistis ki pou arete yo fèmen yo nan prison tankou sa fet o Zeta Zuuni ki zafè pou Prezidan di ke li ap remet moun yo lajan yo. se menm jan tou lè delenkan meriken kraze ,ou boule kay, legliz moun se la jistis ki pouswiv yo men se pa gouvenman ki pran responsabilite pou li di li ap dedomaje yo.

Fok Presidan ayisyen yo respekte treso piblik la , se pa depi yo Presidan yo genyen dwa foure men yo nan lajan leta jan yo vle pou yo fè sa ki nan lide yo.Fok bagay saa fini .

[b]San Malis,

Sa w di la se ta ideyal lan,men ou konnen jan bagay yo ye.
Apre evènman 2001,te gen yon matrakaj medyatik kont gouvènman Aristide lan.
Radyo yo te di kareman ke pa t gen atak sou palè Nasyonal lan vre;se yon bagay ke Aristide te monte pou l te ka atake pati politik yo.
E fòk nou remake ,atak sa a se te yon atak dirèk sou prezidan pèp lan te eli an.Gen de peyi ,apre yon bagay konsa e ak popilarite Aristide te genyen epòk sa a;pa t ap gen moun nan opozisyon an ki t ap chape non.
Gade sa ki te rive nan Rwanda ,byen ke asasinaj prezidan Rwanda se te yon kou monte vre,men a la fen dè fen plis ke 800 mil moun mouri.
E nou sonje tou ,mesye ki te atake Palè an,vin di apre ke yo te an kontak ak mesye opozisyon an lè sa a.
Gade jan tou,près GNBis lan te fè arete Pè Jean Juste,apre yo te akize misye san prèv ke li te dèyè asasinaj JACQUES ROCHE lan,san okenn prèv?
Si gen moun nan près lan ki gen yon ti diyite,ki renmen peyi an toujou,se pou yo atake près GNBis tenkantenk.Si se pa sa,nou mèt di babay ak tout tantativ pou etabli demokrasi nan peyi an.

Epi tou,mwen sòt tande KEP GNBIS lan ap di se yo ki pral òganize eleksyon endirèk pou chwazi konsèy pèmanan an.
Se pou pèp lan pran lari pou di sa pa p fèt pyès,si se pasa se menm yomenm lan ki pral kontwole Konsèy lan ,e y ap fè yon eleksyon koutboul menm jan ak dènye eleksyon ki fèt fin fèt yo.

Se pou Demokrat nan peyi an leve pye yo ,pou ti nèg pa vin etabli yon diktati GNBis nan peyi an!

Joel

mwen te reponn sou 2 pwen se zafè kooperativ la ak zafè peye pati politik ke pep la te kraze kek bagay la kay yo.Yonn nan bagay ki fè gwo pwisans yo toujou pè lider populis yo se reyaktyon sa yo. pase boujwa yo solidè antre yo.se nou menm depi nou pran yon ti pwomotyon sosyal nou gen tan se te pitit pitit marie Antoinette ,nou arete ansyen zanmi nou pou nou mete yo fas o mi nan la polis.Nou genten ap ouvri gagann pou nou di nou pa kanmarad lot moun. nou pa chimè, nou ap rele ti moun nan la ri yo rat pa kaka etc.pase nou tap volè nan yon gouvernman nou bliye vwazin nou yo kite rete nan korido labou yo ,sou gran ri, nan rue dr Aubry.sou Bel-Aire ,portay St joseph , Rue tiremass.Nou bliye kote nou soti etc.

Fok nou fè bagay yo vinn ideyal ;fok genyen separatyon pouvwa vre an ayiti anvan nou ka pale de demokrasi.Fok genyen lwa tou ki pou pini moun ki ap difame lot moun.Kom ou di ya si yon presidan eli epi pou yon moun pran zam pou jete l se yon ak de wot trayison sa ye .Mwen ta renmen yon ansyen polisye ta pran zam li jodya poul li ranverse Georges Bush pou ta tande sa ki ap pase l.Men tou pati ki o pouvwa pa tap mande moun pou li al kraze biro lot pati.mwen pa di ke se lavals ki te fè sa non paske ayityen pa genyen disiplinn ase pou yo viv nan demokrasi ,mwen sonje lè pep la tal kraze radyo Port-au-prince na stad la nan 57 paske radio a se te pou Antoine Rodolphe Herard ke li te ye yon Duvalierist.bagay sa yo pa admisib nan demokrasi non pli.Fok pati politik yo edike patisan yo pou anoeche ke bagay sa to rekomanse.Fok chwa yon moun nan yon elektyon pa yon krim. Se te dwa Antoine Herard poul te Duvalierist tankou se te dwa Laforest poul te pou Fignolé.Men zafè apre yo gwoup finn pran pouvwa pou li ap persekite moun ki te moun lot kandida yo fok sa fini tankou yo te touye Anelis Cadet pase li te konn fè chante pou kanpay Fignole.Gwo Laforest te vinn nan yon prion nan Institu franse pase yo te beswen touye l depi lontan.

Se Presidan ayisyen yo pafwa ki rantre bouch yo nan sa ki pa regade yo ki fè pafwa bwa yo pran nan moulen.

San Malis,

Kilès ki pa ta dwe dakò ak sa w di an;kote se règ la lwa ki pou prime.
Nou ap viv Ozetazini,nou wè kouman bagay yo ye ,kote lè la lwa pale majorite pèp lan respekte l.Sa a se nan tradisyon ke Blan Angle yo kite,se pa yon tradisyon ki te ekziste nan yon peyi kou La Frans non ke nou gade yon bann tradisyon malouk nan men mesye sa yo.
Menm si La Frans debarase l de anpil de tradisyon sa yo,noumenm nou gade yo ,sitou Klas entelektyèl ak dirijant nou yo.

Annou pa reve;apre tantativ koudeta 2001,Aristide pa ta fouti al arete mesye GNBis ki te konplis nan kou an e se paske li pa t ka fè sa ke vin gen derapaj ki te genyen.

Si apre dezòd sa a ,ke mesye yo te ka rantre nan Palè Nasyonal ,pou y al eseye touye prezidan eli an ,e si yon ankèt ki fèt pou yo ta ka wè kilès ki koupab ,kilès ki konplis e ke yon desizyon enpatyal pran ,pa t ap gen derapaj .

Men sa paka fèt.Ou wè pito près GNBis lan te deklare ke se te yon kou monte e sa k pi rèd lan aristide te sou la defansiv e kou ki pou touye koukou an li blije, peye ou pa rele sa dedomaje,mesye ou gen dwa di ki te responsab tout evènman an.

Mwen sot tande nouvèl sou Radyo Kiskeya ,kote minis Jistis lan ak Premye minis lan te vle nonmen yon "special Prosecutor" pou fè ankèt sou zafè Hughes Saint Pierre.
Minis la Jistis lan di l ap nonmen NICKER DESSABLES (Protektè Sitwayen) pou mennen ankèt lan;pati GNBis di pa p gen sa pyès.
ou konnen sa fèt toutan Ozetazini ,lè gen yon ka sansib,minis La Jistis lan konn nonmen yon moun Neut pou fè ankèt sou bagay sa yo.
E bagay sa a pa nan Konstitisyon Ameriken an,se yon bagay ki evolye.
Mesyedam GNBis yo ak alatèt yo YOURI lATORTUE di non ak yon eksplikasyon san pye ni tèt e mwen pa bezwen di ke RNDDH kore eksplikasyon sa a.

Wi San Malis ,nou ta renmen ke eta de dwa sa ekziste ann Ayiti,men se moun ki ap pwofite de sitiyasyon an depi plis ke 200zan ki anpeche eta dwa sa a pran pye nan peyi an.

Bon mwen te kwè se Youri li menm ki te mande pou genyen yon anket pou konnen ki jan jij la mouri,poukisa li pa vle ke se moun sa ke gouvenman an nonmen ki pou fè anket la.?eske li sispek ke Dessable pap fè yon bo job ou byen li vle ke se yon moun ke Gnbis kontwole ki pou fè anket la?

Nan jwet brital saa ki ap fet an ayiti ou pa janm konnen ki lè Machiavel ayisyen yo ap fè touye moun pou diskredite kan pep la.Se konsa yo touye Amyot ak jean Do ak Sylvio Claude epi yo lage krim sa yo sou do pep la;se yon jwet brital anpil ki ap fet an ayiti. lè marengwen ap vole ou pa konn ki les ki mal ki les ki femel .neg yo konnen yo paka reprann pouvwa nan elektyon onet se veye priye.Gouvenman an dwe mete jandam sa sou yon bon kontwol wi.Li gen foli Presidan wi.

Se sa menm San Malis!

Youri ap mande pou ankèt fèt ;men tou li ap aksepte rezilta ankèt lan ,sèlman si ankèt sa a ta jwenn Minis la Jistis lan ou byen Premye Minis lan ta déyé lanmò Saint Pierre an.

Paske mesye yo nan pwoblèm;yo tise yon nas ki vin gen anpil gwo trou ladan l.Nas lan paka ranmase pwason ankò.

Preske tout pretèks yo te pran pou ranvèse Aristide yo,tankou atak sou Palè Nasyonal,atak sou kazèn Petyonvil,kraze antèn Boutilye ,ke mesye yo di ke se zak Aristide te komèt pou l te akile opozisyon ;yo wè tout se manti.
Se zanmi yo yomenm ki di se manti,se yomenm ki te komèt zak sa yo vre.
Donk ,nèg yo pran,bagay ki rete pou yo ,pou jistifye mete mesye Lavalas yo nan prizon,se zafè La Scierie an.
Alòs y ap voye pye ,paske si se pa sa rèy sou pouvwa ap kout,y ap jwenn tèt yo menm kote yo te ye anvan 2004 e sa k pi rèd lan yo k ap pa gen zanmi nan Washington pou kore bannann yo ankò.

se nan optik sa a ki fè y ap voye pye konsa ,akize gouvènman Préval san okenn prèv,paske jwèt lan pral de pliz an pli difisil pou yo.

Joel

Lennmi pa janm piti tande mwen sonje anvan Aristide te tonbe mwen te di kote ou konn tande yon jwè pokè ak yon pè 2 nan men l blofe yon jwè ki genyen yon pè las poul fè jwè saa kouri e bien ti guy reyalise sa paske li fè Aristide leve sou tab la.Fok gouvenman kontwole aktivite yon seri GNBIS neg ki te touye Pè ya. ou konn ki les map pale.

Mwen pa fè nonm sa konfyans non.Li sanble yon tret ki a toufè.Se veye priye paske si nonm saa ta rive ranverse Preval se manman pitit mare ren nou sere .Sak te pase ant 1991-1994 se te yon ti mes bas li te ye devan sa ki pral pase ak nonm saa.Pep ayisyen fok nou vijilan ,loup yo maske tout jan pou yo devore pitit pep la.Yo konnen yo pral blije pran baton peleren yo anko tankou Paul nan chimen Damas pou petet yon bon 8 lane si se pa plis .e neg ap gran moun alo se nou ki konnen si nap kite yo ba nou yon lot so kabrit anko.Se ka se menm taktik la yo vle anploye tankou lè yo te touye Amyot metayer pou fè moun gnonayiv revolte kont Aristide ka se yo menm ki fè touye jij la epi se yo anko ki ap mande pou anket fet ,anganman sa yo fok ou konn ki jan pou demaske yo.

Joel ekri :

Gade tout bri Stasyon Radyo sa yo fè ak lan mò Hughes Saint Pierre an?

Se kòmsi yon moun pa genyen dwa pale de lanmò sispèk yon moun ki ap jwe yon wòl enpòtan nan yon ka lajistis. Se pou nou di bagay yo jan yo ye-a mesye. Yo sispèk se yon konplo paske viktim nan te di, anvan'l mouri, ke se konvoke yo te konvoke'l Pòtoprens. Epi jiska prezan minis jistis lan di ke pat genyen okenn konvokasyon.

Donk genyen yon bagay ki pa matche, genyen yon moun la-a ki ap bay manti. donk fòk yo detèmine ki moun ki genyen enterè nan manti k'ap bay yo e poukisa.

se pa lanmò-a an li menm ki sispèk vre, paske aksidan rive toulèjou. Men depi genyen manti, genyen yon bagay ke yon moun bezwen kache.

Thunder,

Mwen t ap mande tèt mwen kilè ou t ap antre nan dans zafè Hugue Saint Pierre an.

Paske nan Pòtoprens y ap demaske konpayèl ou yo,depliz an pli ,kòm mwen te di deja,twou nan nas lan ak vin pi gwo;tinèg paka kenbe lang yo;y ap chante kou rosiyòl.

Alòs jiskaprezan se zafè La Scierie an ki rete pou yo,se sa k fè tinèg ap voye pye y ap akize JEA deske li ta fè kòasasinaj sou Saint Pierre ,ke li di se paran li!

Wi ti nèg reyalize selon mo powèt nou an MANNO CHARLEMAGNE:

Syèl ble,move tan pare

Joel,

Se jan de Reyaksyon sa yo ki lakòz ke Lavalas toujou sou ban akize yo, nan preske tout asasina ou petèt aksidan. Nou refize kite moun poze kesyon, nou refize kite moun mennen ankèt. Nou toujou sispèk

Sa mwen te ekri nan pòs anvan-an fè sans, se yon fè li ye. Depi genyen manti, genyen yon "malantandi" oubyen yon koze a kache. Se dwa moun pou poze kesyon, e se devwa lajistis ki pou detèmine ki moun ki ap bay manti ? e nan ki enterè ?

Se yon bagay tou senp Joel, men maladi wou soufri-an se pa li wou di dòk-lan.