Bonjou tout moun!

M ap salye tout patisipan, lekte elatriye...
Mwen remesye administrasyon fowom nan ki aksepte anrejistreman m nan...Se premye pos mwen, men se pa premye vizit mwen sou fowom nan. An reyalite sa fe lontan ke n ap vizite fowom nan. Nou deside anrejistre se paske nou konstate gen yon seri opinyon tetanba k ap emet sou senate Moise Jean-Charles, ki pou nou se youn nan pi gran patriyot sou sen politik la. Nou pa konn si se movez fwa oubyen inyorans, men nan mezi ke n kapab nou pral demonte akizasyon tet chat sa yo. Byenentendi, piske n deja la n ap ka toujou patisipe nan lot sije ki enterese n, toulefwa nou gen yon dizon sou yo...

Oryantasyon politik...

Tout moun ka konprann ke si m te ka vote se nimewo 28 la san gade deye nan eleksyon sa yo...Men se komsi m remake ke fowom sa a vle mete Ayisyen nan 2 kategori nan kesyon politik: Lavalas ak GNB. Si se sa m ap di rapidman ke kad sa senplis, redikte e ke detoutfason m pa rekonet mwen ni nan youn, ni nan lot. Kidonk mwen we tet mwen kom yon patriyot ki adopte ideyoloji Zanset yo ki se: Verite ak Jistis!

Kanpedjanm...

Zanmi  se dwa w defann Moise Jean Charles, men aprann pale zafè trete ignoran moun ki pa kwè nan Moise pa fè sans.

Se yon Nodis ki soti menm kote ak kandida. Pou mwen se yon politisyen ki bezwen plis eksperyans an politik.

PALAN IDEYOLOJI ZANSÈT KISA W VLE PALE. PRAN NON DESALINN POU YON PATI PA VLE DI W PI DESALINN KE DESALLINN.

WOu pale de ignorans pendan ke wap pale de Moise Jean Charles ... wow!

Anvan w bay leson fok ou poze san w pou konprann sa w ap li a...Premyeman fok ou ka fe diferans ant akizasyon e kategorizasyon...Pou 2 m pale de inyorans e non inyoran, se pa menm bagay. Pou klarifye pou ou n ap pale de opinyon ki chita sou inyorans...Pou 3 ou pale de nodis...Nan deba politik kote yon moun soti pa konsene m. Mwen apiye tout VRE patriyot kelkeswa kote yo soti nan peyi a...Pou kesyon Desalin nan, m pa konpran ni pye ni tet sa w di a...

......................

Pou kesyon inyorans ak Senate a si w bay plis esplikasyon sou sa k nan tet ou, m seten m ap ka reponn ou...

Allo Kanpedjanm,
Mwen louvri pòs lan avèk entansyon pou m swete w byenvini.
Men mwen etone wè ou pati an kòbòy e pare pou antagonize.
Lè yon moun saj parèt lan yon nouvo teritwa, li fèt pou al dousman
pou l etabli yon bon rapò ak moun ki te la deja.

Nou konbat lwijanboje lan sosyete an.

Kounyea, ma p di w byenvini.
Mwen swete ou vini avèk agiman pou w defann kòz ou vle.
Tout opinyon gen valè, depi li gen konviksyon avèk bòn fwa.
Men fè l avèk respè pou patisipan e pou dirijan yo.

Moyiz Janchal se yon politisyen valab ki gen sipò anpil ayisyen.
Si w gen enfòmasyon ki kapab ede moun konprann li pi byen, Prezante yo.
Annou fè bon diskisyon sou sa k pral retire Ayiti lan twou an.

Sasaye mwen remesye w...

Nan premye pos mwen an m te vle pozisyone m a kle pou tout moun ka konprann ki kote m kanpe e ki motivasyon m. Se pa yon kesyon lwijanboje...Men m konprann gen moun ki ka li l konsa...Nou li anpil pawol dwategoch sou Senate a sou fowom nan. Prensipal motivasyon mse rekadre kesyon an...

Eske wou ka dinou konkretman ki group moun kap finanse Moise an Ayiti ?

Marc H a écrit: Eske wou ka  dinou konkretman ki group moun  kap finanse Moise an Ayiti  ?

Senate reponn kesyon finansman kanpay li tou tan paske nan tout entevyou jounalis toujou poze kesyon an...Sasaye te mete yon lyen entevyou ak teleimaj kote Senate a yon lot fwa anko adrese kesyon an. Kidonk m pa bezwen repete sa k di deja, m ap envite w al tande entevyou a pou ka jwenn repons kesyon w lan...

Men nou ka envite w itilize bonsans ou pou ka we kle...

Senate Moise se politisyen ki pale pi fo anndan peyi Dayiti...Plan Senate a touche alafwa oligachi nasyonal e entenasyonal. Bonsans sigjere ke oligachi nasyonal ou entenasyonal pa ka finanse w epi anmenmtan pou yo pa apwouve plan w yo, sitou sa k gen awe ak plan ekonomik...

Se pou sa ke Senate pa janm sispanm klewonnen ke se sel limenm ki ka diskite sou plas piblik yon seri de kesyon. Lot kandida yo pa fouti fe l paske lajan oligachi a nan poch yo...

Ti mal yo mande w kote Moyiz jwenn lajan pou mennen kanpay li se reponn kisa w konnen. Li pap touche yon goud nan ki konbinn li ye.

Rico a écrit:Ti mal yo mande w kote Moyiz jwenn lajan pou mennen kanpay li se reponn kisa w konnen. Li pap touche yon goud nan ki konbinn li ye.

Reponn souple

Rico a écrit:Ti mal yo mande w kote Moyiz jwenn lajan pou mennen kanpay li se reponn kisa w konnen. Li pap touche yon goud nan ki konbinn li ye.

Pos mwen an reponn kesyon sou sa m konnen de finansman kanpay Pitit Desalin...Kom m te oblije fe yon esplikasyon teks pou ou premye fwa a, m twouve m nan obligasyon fe yon lot...Men m pa gen ni tan ni kouraj pou travay sa a...

Le m di ke m p ap repete sa k di deja sa vle di, sa enplike, sa souzantann ke sa m konnen yo se sa Senate a di plizye fwa deja. Kidonk mwen refere tout moun ki REYELMAN bezwen konnen pou ale nan sous la ki se Senate a nan plizye entevyou ke l bay...

M menm al pi lwen kote m antisipe objeksyon sila yo ki gen dout sou pawol Senate a kote m sigjere ke menm le yon moun pa konnen, bonsans, bon lojik sigjere ke Senate a pa nan manti paske pwogram Pitit Desalin nan touche Ayisyen ki pi puisan ann Ayiti e l touche tou blan oksidantal ki puisan nan mond la. Le yon moun konprann sa l ap oblije konkli ke si Senate a te gen move lajan nan men l, yo t ap fe l femen bouch li...Ou sanble yon ti jan lan pou dechifre sa w li e nan sans sa a ekspresyon timal la ale ave w tetkoupe...

kanpedjanm sispann pale en daki pa jwe konsa se bay repons klè. kote kandida twouve lajan