DISKOU AN DAKI ARISTIDE POU FEN LANE 2007 POU FANATIK LI YO

Rico Mer 19 Déc 2007 - 16:03

DISKOU AN DAKI ARISTIDE POU FEN LANE 2007 POU FANATIK LI YO AN 4 PATI Bonn lèkti

Rico Mer 19 Déc 2007 - 16:04

Si Lovenski Pierre Antoine te ka pale, li ta di :
Frè m, poko di m Bòn Ane, tann mwen retounen.
Si Lovenski Pierre Antoine te ka pale, li ta di :
Ane 2007 la ale, li ale nèt, li pap tounen ankò.
Eske sa vle di m prale tankou ane 2007 la ?

Si Lovenski Pierre Antoine te lib pou kouri,
Ala kouri li ta kouri pou retounen vit e prese !
M sèten, li tap gentan rive anvan ane 2008 la.

E lè sa a, tout viktim, paran ak zanmi viktim
Tap fè youn sèl vwa pou nou youn swete lòt :
Bòn Ane 2008 ! Bòn Ane 2008 !
Si Lovenski, Lovenski, Lovenski…

Pandan Bènadèt tap resite ti pwezi sa a nan memwa l,
Li santi yon boul san k ap monte nan gòj li; l anvi toufe.
Li bloke sou dènye si Lovenski a… Tèt li kòmanse vire.
Tout fron l, figi l, tou de pla men l, benyen tranp ak swè.
Ou ta di se mouye pitit la gentan mouye tranp nan lapli.
Sa rive pandan li te Site Solèy, tou pre legliz Imakile a.

Move kout san sa a ak soukous kòlè a tèlman fatige l,
Tèt li kòmanse vire, li tonbe pip, devan baryè legliz la.
Bènadèt endispoze. Li blayi fas ba san konesans atè a.
La pou la, moun vide sou pitit la ki kouche nan lari a.
Sikilasyon bloke. Moun ap kriye, moun ap vide pi rèd.

Malgre yo fè Bènadèt respire alkòl, fwote anba pye l,
Vide dlo sou tèt li, Bènadèt toujou rete san konesans.
Kòm lopital Sent Katrin pat twò lwen legliz Imakile a,
Yo leve l, pote l, kouri dirèk dirèk avè l nan lopital la.

Pou sèten moun ki te la, sanble li fè yon kriz kadyak.
Kèk lòt panse petèt, li dwe soufri maladi malkadi.
Konsa tou genyen ki di sandout se ka fèblès ki fè sa.
Feblès se gwo maladi, wi ! Sitou anba lavi chè sa a !

Gen de feblès, lè li pran pou seche w,
Gade, ya di se lougawou k ap manje w.
Alòske lè w gade byen, vrè lougawou a,
Li la, se manzè feblès la li menm menm.

Lontan depi yon moun ap depafini sou pye,
Yo te konn di se mò yo voye sou moun nan.
Kounye a, se grangou a menm ki tounen mò
Pou souse moun, fò w mèg jis ou tounen taso.
Lè konsa, si w pa jwenn yon zanmi pou kore w,
Ou ka tonbe tou long menm janm ak pitit sa a.

Mezanmi, gade jan Bènadèt blayi atè a !
Li gen 20 tan, men Bènadèt sanble ak
Yon demwazèl ki pote laj li anba pye l.

Ane sa a, l ap fè filo nan lise Tousen Louvèti.
Souvan li sot Site Solèy al jis nan lise a apye.
Depi 12 out 2007, li pèdi ni woulib machin,
Ni bon jan konsèy Lovenski te abitye ba li.
Tankou yon gran frè, Lovenski te konn ede l
Met tèt ansanm ak anpil lòt elèv lise Tousen.
Se konsa, apre gwo refleksyon, yo rive fòme
Yon Oganizasyon djanm ki rele Mèm Amou.

Tousen Louvèti te renmen Pèp Ayisyen anpil.
Malgre trayizon 1802 a, Tousen Louvèti te rive
Manifeste Mèm Amou an anndedan prizon an.
Bon tan, move tan, se te toujou Mèm Amou !
Kote lespri Tousen Louvèti a ap manisfeste,
Bon tan, move tan, fòk se toujou Mèm Amou !

Konsa, kou nouvèl endispozyon sa a gaye nan Site a,
Brid sou kou, kanmarad yo plonje dirèk nan lopital la.
Emosyon. Kè sote. Tèt chaje. Pwoblèm sou pwoblèm.
Anpil doulè pou fini yon ane ki te tchak pase tshaka !
Anpil sispenn pou kòmanse yon ane tou nouvo, tou nèf !

Anba yon flanm solèy midi ki cho pase dife,
Yon delegasyon Oganizasyon Mèm Amou
Debake lopital la prese prese e nan mitan yo
Genyen yon gran frè ak yon gran sè Bènadèt.
Se pa ti boulvèse yo boulvèse ! Sè a rele Jina.
Se li menm ki jwe wòl poto mitan nan kay la
Paske papa yo mouri e manman yo aletranje.

Jina tap etidye medsin men li kanpe depi lontan.
Li menm tou, li se yon bon bon zanmi Lovenski.
Depi 12 Out, l ap monte desann chèche l toupatou.
Anplis tèt chaje sa a, li gen yon lòt gwo pwòblèm :
Rèv Jina se vin yon bon doktè pou ede Site Solèy.
Malerezman, li poko janm ka retounen lekòl akoz
Kidnapig presidansyèl ki te fèt 29 Fevriye 2004 la.

Jou sa a, nouvo kolon yo te sezi Inivèsite Taba a,
Transfòme l an kazèn pou kraze brize inosan.
Jiskaprezan, Inivèsite a toujou kontinye ap senyen
Anba ni krim koudeta a ni kout ponya trayizon.

Kòm Jina se yon demzwazèl ki toujou djanm,
Li pa kite dekourajnman pote l ale. Okontrè !
Batri moral li chaje ni pou li, ni pou zanmi l.

Nan lopital la, jou sa a, yo tonbe sou yon bon mis.
Yon mis ki renmen moun Site Solèy anpil anpil.
Li rele mis Dada ; se li ki te resevwa Bènadèt.
Mis Dada bay garanti malad la pa andanje de mò.
Sepandan, li toujou andòmi, kagou; li nan sewòm.

Avèk anpil emosyon nan vwa l, Jina, gran sè a, di li :
Mis Dada, sil vou plè, pèmèt nou wè l, tanpri tanpri !
Tankou yon bon manman, mis Dada di : Ok ! Men…
Nou tout pap ka rantre yon sèl kou non ! Pasyans…..

Ekzakteman nan moman mis la ap rantre
Nan sal ijans la ak Jina, bal fizi, ak rouzi
Kòmanse chante tou pre, tou pre lopital la.
Moun pantan men pèson pa kouri paske
Depi 2004, plizyè miray lopital Sent Katrin
Te chaje ak twou bal, gwo kalib kòm piti…

An jeneral, lè cha blende sèkle Site a
Tankou yon gwo kan konsantrasyon,
Ti bebe kòm gran moun inosan konn
Mouri anba bal anndan pwòp kay yo.

Zotobre gwo chabrak fè antere anpil inosan,
Men yo pa ka fè antere verite a pou tout tan.
Apre disparisyon 6 milyon Jwif akoz Hitler,
Jodia Ayiti ap peye pou sa l pa fè, akoz Lisifè.

Bon, ou wè ! Koute ! Men sa m ap di a !
Koute kijan menm nan finisman ane a,
Zam fann fwa pa sispann chante libera
Nan zòrèy malad, enfimyè kòm doktè.

Vè de zè aprè midi, gen yon konken rafal katouch
Gwo kalib zam fann fwa ki tèlman souke lopital la
Tankou yon siklòn, soukous la tou reveye Bènadèt.
Ouf ! Soulajman ! Bènadèt vivan ! Rafal la reveye l.
Donk, yon mal pou ou byen. Zyel louvri gras a Dye !

Pandan gran sè a ap karese li, mande l kijan li santi l,
Ti zye Bènadèt rekòmanse fèmen dousman, dousman
San l pa janm reyisi di yon mo konsolasyon ak pèson.
Touswit, doktè Love ki se yon espesyalis, vi n parèt.
Ak anpil koutwazi, li envite mis Dada akonpaye jèn yo
Nan yon bèl sal ki tou pre biwo li a paske deyò a myèl.

Apre dòk la fin konsilte Bènadèt, li mande pale ak yon paran.
Gran sè a, Jina, evidamman prezante l pou pale ak doktè a.

Oui ! Bienvenue, mademoiselle ! Ça va beaucoup mieux !
Je vois bien qu’elle n’est pas votre fille. Alors, dites-moi !

Oui, docteur, vous avez bien raison, elle est ma p’te sœur.

Brip! Yon lòt gwo rafal bal rekòmanse chante libera!
Dòk la move. Se yon etranje. Li vin wouj kou tomat.
Si w pike l, ou pap jwenn yon gout san. Li di tou ba :
Quel concert pour ceux qui ne réclament que Justice!
Et vous, mademoiselle, sans doute, vous avez peur ?

Non, docteur, j’ai plutôt peur pour ma sœur.

Non, mademoiselle, rassurez-vous, ça ira bien.
Il s’agit simplement de cultiver la patience.
Vos parents, où sont-ils ? Puis-je leur parler ?

Malheureusement, docteur, ils ne pourront pas venir :
Papa est mort, hélas, et notre maman est à l’étranger.
S’il y a des médicaments à acheter, je suis prête……

Non, mademoiselle, il ne faut pas sortir maintenant.
Heureusement, nous avons le nécessaire à l’hôpital.
Pour le moment, votre sœur a surtout besoin de repos.
Pour nous, ‘‘ Optimum medicamentum quies est.’’
C'est-à-dire, ‘‘ Le meilleur médicament est le repos.’’
Ça peut durer plusieurs heures, vous comprenez ?
Entre temps, vous pouvez rejoindre vos amis, à côté,
Et au moment opportun, je vous ferai signe, d’accord ?

Oui, docteur !

Jina annik kite biwo doktè a, zam marye pi rèd deyò a.
Kanta pou kaotchou kap boule, se toupatou nan Site a.
Ata sant gaz lakrimojèn rive fofile jis anba nen lopital la.
Deyò a an denmon: anwo pa monte, anba pa dessann.
Doktè, enfimyè, malad kòm paran bloke la nan lopital la.

Ane 2007 la ap di babay, men nan Site a,
Nan katye popilè kòm nan tout pwovens,
Pa gen gwo fèt ki fèt pou di Bòn Fèt.
Se nòmal paske pandan ane 2007 la ap fini,
Malere yo menm ap depafini anba malfini.

Lontan sou Gouvènman Lavalas,
Avan kidnapig 29 fevriye 2004 la,
Chen janbe te koute 3 ou 4 dola.
Kounye a, chen janbe 4 fwa pi chè.

Avan kidnapig 29 fevriye 2004 la,
Pèsonn pat bezwen gwo 15 goud
Pou achte sèlman yon ti bann apye.
Kounye a, se 2 men nan machwè !

Menm pou achte yon ti pate kòde,
Trip malere ak malèrèz sanlè kòde
Si l pa kapab peye ant 9 a 10 goud.

Lè w fin manje, se nòmal pou ou swaf !
Ebyen, ou oblije degaje w jwenn 4 dola
Pou ou ka reyisi bwè yon gran manjè.

Depi izin siman d Ayiti ak minotri fin
Konvèti nan relijyon privatizasyon an,
Pri siman ak farin ap file monte, monte
Monte pou depase tèt katedral pòtoprens.

Si moun serye nan vrè sektè prive Ayisyen an
Pa met ansanm ak moun ki serye anndan Leta a
Pou fè bon patenarya san koripsyon, san magouy,
Siklòn lavichè a fenk kòmanse miltipliye viktim.
Donk, pap gen ni lapè nan tèt ni lapè nan vant.

Dayè kijan pou Pèp Ayisyen gen lapè nan tèt
Lè zam fann fwa sa yo ap gwonde san rete
Nan zòrey kretyen vivan? In ! Koute ! Koute!

Pandan Site Solèy ap tranble anba kout zam,
Doktè a resevwa yon kout fil ki di l pa bouje,
Lè sitiyasyon an kalme, sekirite a pase chèche l.

Mezanmi, nou pa bezyen mande jan dòk la kontrarye !
Erezman, nan moman sa yo, li renmen pwofite fè lekti.
Depi kèk semèn, dòk la gen sou biwo l yon bon bon liv
Ki fenk parèt sou Ayiti, sou kidnapig 29 fevriye 2004 la.
Anpatan, tit kokenn liv sa a limen yon gwo limyè sou
Ayiti ki toujou nan koma e sou kidnapig yon Prezidan.

Moun ki ekri liv sa a rele Randall Robenson.
Se yon Ameriken, yon potorik gason ki save,
E ki fò anpil nan ekri liv pou defann dwa moun.
Lè l kòmanse simaye verite a, li pa pè pèpap.
Li deja ekri plizyè lòt gwo liv k ap klere je moun.
Kanta pou denyè liv sa a ki fenk parèt sou Ayiti a,
Se sa nèt ! Toupatou, se chapo ba ! Onè Respè !

Se pou sa menm, dòk la toujou gen liv la avè l.
Malgre li fache paske li poko ka deplase,
Kou l rekomanse li liv Randall la, gade non,
M sye jyenn ni sewòm, ni vitamin gratis ti cheri.

Tèmomèt moral dòk la tèlman monte wo, wo,
Li ranje blouz blanch li sou do l chèlbèreman,
Li ranje kokenn liv li anba bra l bwòdèreman,
E li di : Bon ! M anfòm ! M konn sa m pra l fè !
Ban m pwofite fwote kèk lide ak jèn Site Solèy !
Wi, ban m pwofite fè yon bon jan koze ak jèn yo.
Ya ede m konpare analiz pa yo ak sa k nan liv la !

Menm kote a, li di mis Dada : vide frijidè a,
Pote yon bon kolasyon pou Jina ak lòt jèn yo.
Nou pral eseye fè radyografi sitiyasyon an.
E, touswit, li travèse nan sal kote Jina ye a.
Li debake rilakseman e kreyòleman palan.

Bonswa ! Bonswa ! Kouman nou ye !
M sipoze nou dwe bouke, sa w di Jina ?

Wi, dòk, se vre, men nou sitou enkyè pou malad la.

Wi, wi , m konprann nou. Se nòmal pou n enkyè.
Erezman, m ka di nou malad la evolye trè trè byen.
Sèl sa l bezwen pou kounye a se repo ak sewòm.
Si te gen yon konplikasyon, wi, m tap deja konn sa.
Antretan, kòm ni li menm, ni nou, ni nmwen menm,
Nou youn pa ka fè won pòt, n oblije pran pasyans.

E, deplis, m ta byen renmen nou ede m konprann
Sitiyasyon sa a anndan Site Solèy jounen jodi a.
Natirèlman, si sa pa deranje n ! Petèt sa ka difisil !
M espere nou pap gen pwoblèm ede m konprann
Sitiyasyon makawon sa a ki sanble kaye toupatou.
Jina, ou menm kijan w wè Site a ? Sa w di nan sa ?

Dòk, alaverite, jodia, se premye jou nou pale fasafas,
Men trè souvan, bò isit la, n abitye pale de ou aklè.
Nou pa ka di nou konnen w byen, men pèsonèlman,
M pa sezi ni pou bèl akèy la, ni pou kesyon w poze a.
Jan m di w, n ap swiv ou e n ap obsève w depi lontan.

Pèmèt mwen prezante w jèn jan ou wè la a :
Se frè m Wilne, alyas Ti Wil pou Site Solèy.
Menm jan avè m, Ti Wil se manm fondatè
Yon Oganizasyon djanm ki rele Mèm Amou.
Oganizasyon Mèm Amou nan tout Peyi a,
Men se isit la nou te chwazi koupe lonbrik li
Nan non Jeni an, kidonk Tousen Louvèti e
Jou sa a Lovenski Pierre Antoine te la avè n.

Oganizasyon Mèm Amou pap dòmi.
Nou toujou ap reflechi sou avni Ayiti.
Sakrifis Tousen Louvèti fè pou Ayiti
Montre nou kijan wout amou sensè a
Toujou debouche sou yon gwo viktwa.

Nou jwenn filozofi sa a tou nan
Yon bèl ti pwovèb laten ki di:
Omnia vincit amor ; sa vle di
L'amour triomphe de tout.
Lanmou toujou fè 2 kabès.
Lanmou toujou ap kente.
Lanmou toujou soti loreya.
Lanmou toujou chanpyon.

Pandan n ap pale la a, kounye a menm,
Plizyè manm Oganizasyon an ap obsève,
Analize, veye sou tout katye bò lakay yo.
E si deyò a pat myèl, t ap gen plis jèn la a,
E yo t ap vrèman kontan pou dyaloge avè w.
Ann tounen sou kesyon sitiyason malouk sa a.

Dòk, pou nou menm, tout sa k ap fèt la a
Se vye rezilta gwo gwo konplo 2004 la.
Jou fèy tonbe nan dlo, se pa jou a li pouri.
Kidnapig lan fèt jou 29 Fevriye 2004 la,
Men konsekans yo ap parèt chak jou pi klè.
Si Peyi a pa fè 50 ane an naryè, se chans!

Dènye kou Pèp la pran an, se kout ponya trayizon
Ki plante nan do l depi dènye seleksyon 2006 yo.
Pèp la sibi operasyon sou operasyon san anestezi.
Operasyon Retou imedya a, se manman kesyon an.
Donk, ponya trayizon sa a pike Pèp la jis nan kè l.

Plan an se demantibile Pèp la, dekouraje l, elimine l.
Nan vide manti, yo fè inosan toujou pase pou koupab.
E deplizanpli, yo pra l kontinye dyabolize viktim yo
Pandan yap bay koupab yo kominyon san konfesyon.

Menm si viktim yo ap mande jistis, jistis, jistis, se rèv.
Plis pase 10.000 inosan deja tonbe, san nou pa konte
Moun ki disparèt sou fòm kidnapig tankou Lovenski.
Prizonye politik ki Lavalas toujou ap pouri nan prizon.
Pèsekisyon politik kont Lavalas ap fèt o non demokrasi.
Tout bouwo ki fè krim koudeta ap byen mennen libelibè.
Men viktim yo anba pèsekisyon paske yo pa trayi Pèp la.

Jou apre jou, mizè a ap malmennen viktim yo pi plis.
Gade kijan dife grangou a vin pi pi wouj nan lanfè a !
Kote 184 paradi terès ki tap vann 2 pou 5 nan Peyi a?
Si lè sa a n te kite yo andòmi konsyans nou ak manti,
Jodi a, remò ak kòlè ta deja toufe nou tout bò isit la.

Nou konprann jwèt makyavelik la e se pou sa nou di :
Rat manje kann nan, men domaj, zandolit mouri inosan.
Gade jan pitit Pèp la kontinye ap sibi anba gwo vyolans
Zam lagè malgre bonm lanmò yo te deja lage sou Site a!

Dòk, ou kwè ou realize jan prejije
Fè kèk moun rayi Pèp Ayisyen an ?
Yo rayi Pèp la jis tèt yo anvi pati !
Yo rayi Pèp la jis lòlòy yo vire !
A ! Se pa ti vire, vire an jwèt non !
Se bon vire a, vire pou chavire a !
Yo fin fou pou elimine Pèp la nèt.

Malgre gen moun ki mòde ni pous yo, ni bra, ni koud,
Gen lòt ki fè kòm si yo pa wè ke yo te fè yon erè grav.
Jiskaprezan, ti ekip zwit sa a ta ka peye lò ak dyaman
Pou cha blende disparèt Site Solèy ak tout katye popilè :
Donk, mas pèp la menm ke yo pa konsidere kòm moun.

Poutan, Pèp la tèlman bon li tounen bonbon.
Entèlijans li fè l respekte dwa tout moun,
Pòv kou rich paske tout moun se moun.
Nan jaden lespri l, li pa vide angrè prejije.

[size=18]À suivre

Rico Mer 19 Déc 2007 - 16:16

Afè maladi prejije sa a anpeche moun realize
Kijan kolon renmen kache dèyè esklav mantal
Pou mare chenn lesklavaj nan pye nèg ak nègès.
Plezi kolon an se itilize esklav mantal kòrekteman
E fè l tounen rat kay kap manje pay kay. Egzanp :

An 1939, nan peyi Nijerya ki an Afrik,
Se te sèlman 1315 kolon blan Angle
Ki t ap domine 20 milyon Nijeryen.
Nan Kongo Bèlj, sèlman 2384 kolon blan
T ap domine 9 milyon 400 mil Afriken.
Nan Lwès Afrik, sèlman 3660 kolon franse
T ap domine 15 milyon Esklav Afriken.

Donk, yon ti ponyen kolon blan te ka domine
Yon majorite natif natal nan peyi Afrik sa yo
Paske kolon yo te toujou monte gwo konplo
Ak gwo tonton rat kay pou manje pay kay.

Bò isit tou, anvan n rive nan premye janvye 1804,
Sitiyasyon Peyi d Ayiti pat twò diferan. Gade byen!
Te gen sèlman 40 mil kolon franse ki tap domine
500 mil Esklav plis 30 mil milat imilye, meprize.

Kòm Tousen Louvèti se te yon Jeni san parèy,
Li reziste djanm kont ni kolon ni esklav mantal
Pou kòd lonbrik li te ret mare ak mas Esklav yo.

Ki kalkil Tousen Louvèti te fè kòm nèg entèlijan?
Li di se pa nòmal pou kite sèlman 40 mil kolon
Ap sakrifye, sasinen 530 mil kretyen vivan. Non !
Sekrè viktwa a se Lavalas, kidonk L’Union fait la force.

Dènye fraz sa a tèlman mache nan san dòk la, ayayay,
Msye leve kanpe brip, li di : Jina, tann, tanpri, repete !
Sekrè viktwa a se Lavalas, kidonk L’Union fait la force.
Sekrè viktwa a se Lavalas, kidonk L’Union fait la force.

Mezanmi, dòk la kontan, li souri, li rejwi, li transfòme !
Ou ta di se lwa Tousen an menm k anvi monte msye.
Sètadi, menm lespri entèlijans, lespri bon konprann
Ki te konn danse nan tèt Tousen yo anvayi sèvo dòk la.
Ak 2 men l nan 2 pòch li, doktè Love kontinye repete :
Sekrè viktwa a se Lavalas, kidonk L’Union fait la force.

Menm kote a, Jina souri tankou moun k anvi dedouble.
Ti Wil, frè a, kapte kouran an toptop; li mande lapawòl.
Men, Jina ezite kite l pale paske Ti Wil se yon gwo blagè.
Depi msye estat, li louvri bouch li, fòk moun ri kanmenm.

A a ! A ! Ti Wil pa ka kenbe ankò, li di :
Sistè, eskize m ! M pat sou pale paske
M konnen se nan yon lopital nou ye la a.

Ou wè, dòk, lè m pa sou sa,
M gen dwa prann pòz m bèbè,
M antre la a bèbè, m soti bèbè,
San m pa mete ni zip, ni tep
Ni adezif sou po bouch mwen.
Men, m sot tande yon son la a
Ki estat motè a san m pa chofe l.

Depi m ti katkat m renmen ri e m renmen fè moun ri.
Dabò se kote ki gen chagren menm, m renmen bay blag.
Daprè sondaj pa m, dòk, si m pat vide blag nan Site a,
Ou t ap chaje ak malad ki bouke tande rafal bal sa yo.

Gen kriminèl ki fò nan chire zòrey ak kout kanno lagè.
Mwen m diplome nan grese zorèy ak plim poul blagoloji.
Blag pa m yo espesyal paske tout se ti blag dezyèm men.
M ranje, m korije, met sik, siwo, bon jan ti epis, sof piman.

Pa egzanp, talè a, lè sistè a pale
De entèlijans Tousen Louvèti,
Sa raple m entèlijans yon ansyen
Poutchis ke m renmen a mò ò ò.

An 2004, te gen yon pwofesè poutchis
Ki te pi cho pase leve danse nan fè konplo.
Tout elèv te rele l p.p kidonk pwòf poutchis.

Mwa pase a, msye bay Lavalas rezon.
Pwofesè a di ni elèv li yo, ni zanmi l ke:
Sitiyasyon malouk sa a louvri je l anpil,
Se kounye a li wè ki mal li te fè Peyi a.

Bagay sa a tèlman domine l, boulvèse l, trakase l,
Pwofesè a oblije chwazi bay tèt li yon penitans.
Kòm li te renmen bwè kleren anpil anpil, li di
Dezòmè, olye li bwè kleren, l ap bwè limonad.
Selman limonad. Menm sant kleren an pa ladan l.

Elèv yo aplodi pwofesè a lavalaseman,
Men, gen twa vagabon nan klas la
Ki di ok : olye n rele pwòf la poutchis,
Ann rele l Limonad, sèlman Limonad.

Sa w tande a, pandan gwo aplodisman ap bouyi,
Trio vakabon an tonbe rele Limonad, Limonad…
Tout klas la fache kont ti ekip ka p rele limonad la.
Yo di : Non mesye, se pa serye sa ; manyè reflechi !

Gras a limyè entèlijans pwòfesè nou an,
Nou gen la a yon bèl egzanp pou Peyi a.
Lè bouki fin fè erè, li bonbe lestomak li
E li pèsiste anfonse de je fèmen nan erè a.

Lè malis fè erè, entèlijans li fè l reflechi pou di :
Errare humanum est, sed perseverare diabolicum.
Sa vle di, nenpòt ki moun kapab fè yon erè.
Men, pèsistans nan erè a se yon bagay diabolik.

E, se demonstrasyon entèlijans sa a menm
Nou jwenn nan konpòtman pwofesè nou an.
Bravo pou li ! Aplodi ! Aplodisman pou li !
Twa ti msye anbetan yo kalma, e yo aplodi
San yo pa kontinye rele pwofesè a Limonad.

Sepandan, klòch la annik sonnen beng beng pou lekòl lage,
Youn nan twa ti mesye anbetan yo di byen fò : sitwon !
Gen yon dezyèm ki di : sik ! Twazèm nan di byen fò : dlo !
E Pwofese a kale je l sou yo, li di: A a ! M pini nou brase l.
Nou ka di sitwon, sik, dlo men kanta pou brase l la, bliye sa !
Babay ! Babay ! A demen ! Aplodisman bouyi, djayi pi rèd !

Kou Ti Wil fi n pouse ti blag dezyèm men sa a,
Li di: Dòk, men yon gwo gwo leson m jwenn
Nan repons pwofesè a bay twa ti mesye yo.
Pou mwen, sa a se yon gwo leson entèlijans
Ki ploge nan yon leson moral! Men sa m wè :

Moun ki kriminèl pa ka brase yon ti limonad espwa
Ale wè, ale wè pou yon bon jan soup demokrasi.

Yo fann Ayiti tankou joumou pou fè soup.
Malgre tout kadav inosan yo deja lage
Kòm vyan nan mòd soup demokrasi a,
Malgre se pwòp san Pèp Ayisyen an menm
Mechan yo chwazi kòm dlo pou fè soup sa a,
Li enposib pou yo brase l kòm solisyon an.
Demokrasi pa mache ak kalite vyolans sa yo.

Sa Site Solèy ak Pèp Ayisyen an egzije,
Se lapè, travay, jistis, respè ak sekirite
Pou tout tout moun san distenksyon.

Sa w di nan sa, dòk ?

Monchè Ti Wil, ou pale dò ò ò.
Jan ou di a, si gen lapè, travay,
Respè ak sekirite, nou bon nèt.

An natandan, nou vanse rive sou janvye.
Sitiyasyon an toujou ret malouk malouk.
Ki sans nou wè premye janvye 2008 sa a
Gen pou nou menm jenès Peyi d Ayiti a ?
Ki sa ou menm Jina, ou wè bò kote pa w ?

Dòk, pou nou menm, premye janvye 2008 sa a
Pa gen ankenn sans si nou pa ploge l dirèk dirèk
Nan tèt sous la ki se Premye Janvye 1804 la.
Se sèl isit la, isit sou tè d Ayiti, Esklav yo te rive
Kale kolon blan yo pwòp, nan kase chenn nan pou
Deklare : dezòmè nou tout lib, nou pa esklav ankò.

Nan ki lòt peyi omond, Esklav te rive fè sa ?
Pa gen lòt. Leson sa a, se sèl Ayiti ki trase l.
Tout moun sivilize oblije respekte nou pou sa.
Eritaj sa a, se yon trezò istorik pou n konsève.

Lè swadizan yon save nan zafè maladi sida
Retounen lage vye akizasyon san fondman
Sou do tout Ayisyen, sa montre nou kijan
Moun ki pa sivilize vle sal ni Pèp Ayisyen,
Ni Ayiti, ni Istwa d Ayiti, ni avni Peyi d Ayiti.

Tout moun sou latè beni swaf diyite menm jan
Ayisyen nan 10e nan swaf doub nasyonalite a.
Se nòmal, se lejitim e anpil sakrifis deja fèt
Pou drapo doub nationalite a flote nan diyite.

Konsa tou, Pèp Ayisen an deja fè anpil sakrifis
Pou retire Peyi a nan kalite twou san fon sa a.
Nou tout natif natal, nou gen responsabilite pa n.
Nou responsab men se pa nou sèl ki responsab.
An natandan nou rive nan reparasyon ak restitisyon,
Nou deja gen yon richès istorik ki dwe fè Lonè Respè
Tout Pitit tè d Ayiti ak tout Pitit Pitit Manman Lafrik.

Moun save ak moun sivilize respekte verite sa a
Paske se sèl listwa d Ayiti ki pèmèt lemonn antye
Wè kijan pisans diyite a te akouche libète depi 1804.

Se la a, nan tèt sous sa a pou n al chèche
Ni sans ni esans premye janvye 2008 la.
Jan n abitye chante nan Im Nasyonal la :
Viktwa sa a, se pa kado blan te fè nou,
Se san Zanzèt nou yo ki te koule pou li.

Natrirèlman, lè zotobre pa ka manje yon manje,
Yo fè mannigans sou mannigans pou rive gate l.
Gad kijan yo pann ansyen koloni yo nan kòd dèt la !

Jisteman, sou kesyon lajan Ayiti dwe bank etranje yo,
Tom Ricker bay kèk bon jan presizyon pou n wè pi klè.

1. Preske mwatye lajan Ayiti dwe bank etranje,
Se lajan ki te prete anvan eleksyon 1990 yo.
2. Nan lane 1991, Bank Mondyal te dakò
Pou prete Ayiti 37 milyon dola men,
Se sèlman 6 jou anvan koudeta 1991 la,
Bank la dekese 30 nan 37 milyon sa a.

Moun k ap reflechi oblije mande pouki sa
Se sèlman 6 grenn jou anvan koudeta a,
Bank Mondyal te deside dekese kòb la?
Kòm lè sa a, Gouvènman Lavalas la
Ta pral depanse kòb la nan enterè Pèp la,
Bank lan kenbe l pou l bay poutchis yo
Kraze ni Pèp la, ni lajan an ak asosye yo.

Demenm, nou byen konprann pouki sa
Bank Mondyal te prete gouvènman
Jan Klod Divalye a, koute byen wi,
256 milyon plis yon lòt 158 milyon
Ki te al jwenn gouvènman militè ke
Nouvo kolon yo te mete apati ane 1986.

3. Ann gade kijan yon lòt bank etranje
yo rele BID boule ak Peyi d Ayiti.

Apre eleksyon 16 desanm 1990 yo,
BID te dakò pou prete Peyi d Ayiti
Sèlman 12 milyon dola ameriken.
Men , se menm BID sa a ki te prete
Gouvènman militè yo 110 milyon
Anvan eleksyon 16 desanm 90 yo;
Plis yon lòt 55 milyon dola meriken
Pandan sèl grenn ane 1990 la menm.

Rezon an trè klè: yo pito an nafè ak
Gouvènman restavèk kap peze souse.
Donk, bèl pawòl blòf se pou Pèp la ;
E gwo mago lajan se pou volè piyajè.

4. Men yon dènye egzanp:
Nan mwa novanm 2003, BID te dakò
Pou prete Ayiti 200 milyon dola men,
An realite manman kòb la rive sèlman
Apre kidnaping 29 Fevriye 2004 la.

a suiv

Rico Mer 19 Déc 2007 - 16:27

Rezon an trè klè: Lè se moun serye
K ap fè depanse kòb la pou Pèp la,
Bank etranje sa yo kenbe lajan an.
Lè se volè ki pral dechèpiye kòb la
Ak tout asosye yo, pa gen pwòblèm.

An bon kreyòl, chodyè a monte sou do Pèp,
Li desann sou do gwo gwo konplo koripsyon.

E moun ki renmen pale lang Ebre a ta ajoute :
. אלתתןלחחוללשמורעלהשמנת
[b][size=12]
[b]Sa vle di : Ou pa bay chat veye mantèg.

Verite sa yo pike Ti Wil jis nan fon kè l.
Li manje dan sou plas. Tout kò l grate l.
Olye pou Ti Wil kite kòlè a toufe l, li di :
Dòk, zotobre yo mechan, men yo fò nan
Peze souse pou fè tòtòt ak malere, papa!

Lè w ap kritike marengwen, ou oblije admèt
Marengwen manyen vyolon l san repwòch.
Mòd entèlijans zotobre sa yo fè mwen sonje
Yon lòt ti blag, wi yon lòt ti blag dezyèm men .

Ou sonje pwofesè ki antèlijan anpil la… ?
M vle di pwofèsè k damou pou Lavalas la !
Bon, msye te genyen yon bon bon zanmi
Ki kounye a fache avèk li, poutèt Lavalas.

Alaverite, sa pa twò twò deranje pwofesè a
Ki kontan jwenn plis tan pou ede miltipliye
Ti Fanmi Lavalas atravè tout rakwen Peyi a.

E, men nan men ak Komite ki Responsab la,
Pwòf la di : Fòk Fanmi Lavalas toujou loreya
Nan mobilize Pèp la pou defann enterè Pèp la.
Pasifikman ! Fòk Fanmi Lavalas toujou loreya
Nan mobilize Pèp la pou defann enterè Pèp la.
Se sa Tousen Louvèti ta di nou e Pòt Pawòl la
Te presize: Fòk Fanmi Lavalas toujou loreya
Nan mobilize Pèp la pou defann enterè Pèp la.

Woy ! Se pawòl sa a menm ansyen zanmi an
Te sèmante pou l pat janm tande nan zòrèy li.
Sepandan, avan kòm apre fineray zanmitay la,
Pwòf la di : Fòk Fanmi Lavalas toujou loreya
Nan mobilize Pèp la pou defann enterè Pèp la.

Ansyen zanmi sa a ki kounye a fache ak pwòf la,
Se yon demon-krat patripòch ke yo rele Barabas.
Tande ak wè se de. Barabas sa a se malè pandye.

Ou ta di se kouzen jèmen ak lòt Barabas kolon romen yo
Te libere pandan yon gwoup esklav mantal t ap plede rele :
Lage Barabas, krisifye Jezu. Lage Barabas, krisifye Jezu !

Pandan lane 2000, 2001, 2002, Barabas te pote labanyè
Nan rasanble vakabon pou monte gwo konplo 2004 la.
Lè sa a, dola vèt, lajan dwòg, lajan sal, lajan koripsyon,
Lajan chango tap distribiye tribò pabò, anvetu, anvwala
Pou gaye manti sou manti, anndan lakay kòm aletranje.
Barabas pat fou men li te fin fou pou chavire Peyi a nèt.

Jan cheche, jan trouve, Peyi a chavire sou do.
Domaj ! Tout moun soufri. Tout moun jwenn.

Konsa tou, nou soulaje wè kijan moun entèlijan
Eseye reflechi, pran konsyans pou demen pi bèl.
Kalvè san parèy sa a oblije tout moun konprann
Sèl solisyon ki rete a, se pòt dyalòg la, kidonk
Menm pòt dyalòg ki te toujou louvri de batan,
Lajounen kou lannwit avan kidnaping 2004 la.

Verite sa a devan grenn je Barabas, men li pa wè.
Ni li ni asosye l yo bay latinis yo rezon pou di :
‘‘Oculos habent et non videbunt.’’
Sa vle di : Yo gen je men yo pa wè.

Anvan kòm apre ane 2004, Barabas tèlman fin fou
Pou chavire Peyi a tèt anba, msye di : Pòt pou pòt,
M pito pòt lopital moun fou pase pòt dyalòg sa a.
Donk, Barabas al entène tèt li nan lopital moun fou.

Avan yè la a, psikyat an chèf la reyini tout moun fou
Arebò yon pisin ki vid pou wè konbyen nan yo ki geri.
Psikyat la di, nou wè, gade byen, pisin sa a pa gen dlo,
Tout moun ki vle benyen ladann, met kostim deben w,
Antre, naje, benyen, amize w, fè laplanch kalmeman…

O ! O ! sa w tande a,
Tout moun te gen tan
An kostim de ben,
Sof mesye Barabas.
Tout moun antre, naje,
Benyen, amize, samize.
Sof mesye Barabas.

Psikyat la gade, li gade byen, li souke tèt li, li di :
Kou ou baba! Omwen, m sove youn. Barabas geri.
Psikyat la mache sou Barabas, li ba l lanmen, e di l:
Bravo ! Bravo ! Jodia menm, m pra l ba w ekzeyat
Paske se ou sèl ki te wè pisin nan vid. Felisitasyon !
Se ou sèl ki konnen moun pa benyen nan pisin vid !

Eeee ! Barabas fache ! Li move ! Li di Psikyat la :
Gade w koze ! Rete, rete ! Pouki ou pran m la a ?
Ou gen lè pran m pou you moun fou tout bon ?
Dòk, kite m di w : Si m te fè sòt mwen pou m antre
Nan gwosè pisin vid saa, m tap tou mouri nwaye wi !
M pa konn naje ! M pakonn naje ! Donk ou tou wè !
M pa ta ka antre nan yon pisin ki deja tou vid, vid !
E apre, sa k tap pase ? M tap tou mouri tou nwaye !

Pandan doktè Love ap ri, ri, Ti Wil di li :
A a, m konnen ou tap renmen ti blag sa a.
Ou wè sa ki rive yon lòt doktè parèy ou !
Bon, bon, kounye a, dòk, ou fin ri kont ou,
An nou fèmen chapit blag dèzyèm men an
Pou n louvri yon chapit ki chaje ak leson.

Dabò, men yon premye leson m tire
Konsènan sante psikolojik Pèp la:
Mizè fè Pèp la anvi pati,
Men,
Mizè pa fè tèt Pèp la pati.

M ap repete :
Mizè fè Pèp la anvi pati,
Men,
Mizè pa fè tèt Pèp la pati.

Lè pisin nan vid, a wi, li konnen.
Lè pisin monntana a chaje ak dlo,
Pèp la plonje ladann ak tout rad li
Pou chèche bilten vòt li pasifikman.

Malerezman, rad mouye sa a poko janm ka seche
Paske solèy espwa a pa leve pou Pèp Ayisyen an.
Dayè plis nèg engra kontinye chaje pisin espwa a
Ak klowòs trayizon, se plis dezespwa pra l devore
Tout ti branch fil pasyans ki koud rad mouye sa a.

Dezyèm leson !
Tout mouye se mouye men, tout mouye pa menm.
Rad Pèp la toujou mouye anba kout ponya trayizon,
Men rad poutchis yo toujou mouye ak siwo pouvwa a.

Ki yès ki moulen kann nan ? Viktim yo ak Inosan yo.
Ki yès kap bwè siwo a ? Bouwo yo ak tout asosye yo.
Ki yès ki moulen kann nan ? Pèp la. Toujou Pèp la.
Ki yès kap bwè siwo a ? Yo, toujou yo… sòf Pèp la.

Se pou sa menm ti branch fil pasyans ki koud rad mouye a
Menm gwosè ak yon fil arenye ou ak branch cheve yon Pèp
Ki refize kontinye bay pouvwa san patisipe nan pouvwa a.

Twazyèm leson !

A ! A ! Sèt fwa si, Ti Wil pap gen tan pataje
Yon lòt leson moral, psikolojik ou filozofik
Paske gen yon moun k ap frape nan pòt la!

Sipriz ! Bèl sipriz ! Mis Dada k ap frape nan pòt la !
San tade yon segonn, dòk la ouvri pòt la pou mis Dada.
Ki yès ki kanpe byen bwòdè bò kote mis la ? Devine ?
Bènadèt ki te gen tan leve, benyen, penyen, poudre, abiye.

Se pa ti kontan 3 sè ak frè sa yo te kontan retwouve yo
Tèt kole, kè louvri, youn nan bra lòt, youn plòtonnen ak lòt.
Dòktè Love avèk mis Dada kontan admire bèl tablo sa a !

Ak anpil limyè sou vizaj li, Jina remèsye dòk la ak mis Dada,
E touswit, li envite Bènadèt di de ti mo rekonans anvan yale.

Yo tou lè 3 te kanpe tou pre pòt la.
Mis Dada pwoche ak yon chèz,
Li pase men nan kou Bènadèt,
Li di : Fè yon ti chita, pitit mwen !

E, Bènadèt reponn : Mèsi mis Dada !
Avèk anpil konsantrasyon nan lespri l,
Li branche antèn li sou Tousen Louvèti.
Konsa, Bènadèt chaje batri sèvo l, e l di :

M tèlman kontan, m pa konn kijan pou m
Remsye ni Doktè Love, ni ou Mis Dada,
Jina, Ti Wil, anfen tout moun ki te ede m
Travèse moman difisil sa a, nan lopital la.

Talè a, lè Mis Dada t ap eksplike m
Kijan m antre nan lopital la, a ki lè,
Ki sa k te pase, kijan m te fatige,
M santi se yon bon bon manman
Ki t ap dyaloge epi koze ak pitit fi l.

M di w mèsi anpil, anpil, mis Dada.
Bon Dye va renmèt ou sa pou nou.

Pandan m ap lonmen non Bon Dye la,
M sonje yon bon ti rèv m te fè talè a.
M reve m tap lapriyè pou Lovenski epi,
M wè li vi n wè m lopital la ak Ti Wil.

Kou m reveye, mwen wè rèv sa a
Gen moso ki vrè, gen moso ki fo.
Sa vle di, se vre se lopital m ye la a,
Men se fo, Lovenski poko retounen.

Antouka, m swete menm jan
Nou tout kanpe avè m jodia,
N ap toujou ka fè solidarite
Pou n rive jwenn Lovenski.

Mwen sèten tou Jeni nou an, Tousen Louvèti,
Ap ba nou limyè, entèlijans ak anpil kouraj
Pou n rive fè solidarite ak tout lòt viktim yo,
Tout viktim san distenksyon, tout viktim ki nan
Tout seksyon kominal kòm nan tout katye popilè
Okap, Okay, Jeremi, Pòdepè, Fò Libète, Gonayiv,
Ench, Jakmèl, Miragwan, Sen Mak, Tigwav,
Site Solèy, Lasalin, Bèlè, Solino, Matisan,
Gran Ravin, Kafou, Taba, Laplenn, Delma,
Petyonvil, Kenskòf, kòm nan Pòtoprens
Enfen, tout viktim bò isit kòm lòt bò dlo.

Depi Tousen Louvèti te jèn ti gason,
Jis li viktim konplo trayizon 1802 a,
Li te toujou ap goumen pou defann
Libète tout moun… Nwa kòm Blan.

A swiv

Rico Mer 19 Déc 2007 - 16:28

Gwo risk Tousen Louvèti te pran
Pou Bayon de Libertat montre klè
Li pat mele ni ak trèt, ni ak engra.
Nou menm tou, elèv lise Tousen,
Nou vle swiv bèl egzanp Jeni an.

Depi n tande moun ki engra kontinye di :
‘‘La reconnaissance est une lâcheté ;’’
Nou menm, elèv lise Tousen, nap reponn :
La reconnaissance est la mémoire du cœur.

Se fòs edikasyon sa a menm ki fè chak 15 Jiyè,
Nou bat tanbou rekonesans la byen byen fò
Pou l rezonnen ni nan zòrèy Manman Lafrik,
Ni nan zòrèy lòt Gran Frè ki nan peyi Zansèt yo.

Nou wè kiyès m vle di wi.. Li menm !
Kiyès ankò ? Li menm ak Minouch…
M sèten si yo te isit, yo tap avè n la a.

An natandan nou wè yo fasafas isit sou tè d Ayiti,
N ap debouche menm pafen rekonans ak renmen
Gran Frè a abitye debouche nan chak finisman ane
Pou anbrase n fràtènèlman e swete nou Bòn Ane !

Mwaka Mpya, dòk!
Sa vle di nan lang Swahili :
Bòn Ane, dòk!

Mwaka Mpya, Mis Dada !
Bòn Ane, mis Dada !
Ninakupenda, Mis Dada.
Sa vle di :
M renmen w, Mis Dada.

Ninakupenda, Jina.
M renmen w, Jina.
Ninakupenda, Ti Wil.
M renmen w, Ti Wil.

Ninakupenda sana, Ayiti !
M renmen w anpil, Ayiti !

Ninakupenda sana !
M damou nèt pou ou !

Ou ban m lavi, m ba w lavi m
Pou move lavi pa fè moun di :
Ou se yon manman ki genyen
2 tete: youn dous, youn anmè.

Ninakupenda sana.

M damou nèt pou ou.

Mèm Amou.

Mèm Amou.

Mèm Amou.

Pretoria, Desanm 2007

Joel Mer 19 Déc 2007 - 18:24

Aaa!

Bagay la klè!Misye atake ansyen konpayèl li an.
E misye fè l yon jan,si yon moun pa ayisyen natif natal ,li pa p ka konprann sa misye ap di.

Tankou lè misye pale de pwofesè ki te konn bwè bweson l men kounye an se Limonad l ap bwè.
Nou wè de kimoun misye ap pale!

Kelkeswa sa w ka di de misye .Pa gen moun ki manyen lang kreyòl osi byen ke misye e se avantaj sa a li genyen sou anpil lòt politisyen ayisyen!

Rodlam Sans Malice Mer 19 Déc 2007 - 22:28

Fok yo sonje sa youn ti kaporal yo te rele Hitler te fè pep ki te pi edike an erop la vote pou li e swiv li nan youn avanti ak fasilite de langaj li.Se la wi Aristide kleke swa sa youn moun ka di de li ;li konen ki jan pouli pale ak pep la.

E malgre tou sa yo di mete Aristide ak nenpot lot politisyen ayisyen nan youn deba ou byen nan youn elektyon an ayiti li ap bat yo ankò.Mwen pa konnen si li genyen konpetans poul fè youn bon dirijan men tou Arsitide se pot pawol moun ki ap monte ma swife an ayiti yo.

Rico Jeu 20 Déc 2007 - 9:47

Antouka li pa telman lwen Hitler. Sa mande menm pou espesyalis ta chita sou yon ka parày. Pafwa mwen tande anpil entèvasyon sou moun deranje sa, tèt pa two finn bon sou forom sa. Se komsi mouche sa ta yon moun nomal. Hum! gen anpil endis yon afektasyon emotiv e mantal.

Li ta bon pou chita konprann fenomen sa. Paske gen anpil koze kap di kontrèman a fanatik li yo ki mande kod pou konprann yo. Alos ke bon jan sikolog vinn di nou ki pwoblèm reyèl yon endividi konsa.

Joel Jeu 20 Déc 2007 - 10:56

Depi sou sijè Aristide,mwen konnen se voye wòch pou konble lanmè ,ou sinon tout bon sans ou kraze rak;kite m eseye :
Rico,

Si Aristide te di klèman pou patizan l yo kanpe ,mobilize;premye moun yo kidnape ou byen ke yon bandi touye ;oumenm ak konpayèl ou yo ta mete sa sou do misye.

Ou ta p wè Jean Claude Bajeux monte sou radyo Metropòl pou l di se yon lòt "Operasyon Bagdad " ki sou pye e sa orijine Afrik di Sid.
Alòs misye ap pale an daki ;l ap pale an kòd tankou w di ;kididonk ou si tèlman pè enfliyans nèg lan ,ou refize misye pale?

Marc-Henry Jeu 20 Déc 2007 - 11:15

Je dirais tout simplement que le docteur Aristide est très déçu de son successeur. C'est mon résumé du discours traditionnel de notre bon docteur ancien président d'Haïti.

Ce discours ressemble beaucoup au discours de 2006 mais le docteur l'a raconté d'une façon religieuse. En conclusion. Le docteur nous démontre encore une fois qu’il est un prêtre et non un politicien.

Invité Jeu 20 Déc 2007 - 11:36

Titid doit se taire et aider Fanmi Lavalas à faire bourgeonner un nouveau leader pour succéder à Préval.

Un discours d'Aristide n'a aucune valeur réelle. Est-il en train de parler rien que pour parler? Sinon, pourquoi cherche-t-il à convaincre des gens? Il ne peut plus etre candidat à la présidence, alors pourquoi essaie-t-il de convaincre des gens? A cause de son appétit de pouvoir, Haiti ne peut pas refaire toutes ses lois.

C'est l'heure pour faire éclater le nouveau leader de Fanmi Lavalas. Si c'est Gérad Jean Juste, qu'on le dise à tous les militants. De cette facon, Marc Bazin ne pourra plus essayer de bafouer des gens en se présentant comme candidat lavalas.

Il s'agit de l'avenir d'un parti qui peut vivre des siècles, pas d'un homme qui vit seulement des années.

Par exemple, Nelson Mandela n'est plus au timon des affaires de l'ANC.

Rico Jeu 20 Déc 2007 - 11:53

AN PALAN DE PWOCH, BON ZANMI, KONPAYEL ZOT LI TA sanble rico genyen bon jan kontak pase anpil wi. wouuuuyyyyy ki koze sa

Marc-Henry Jeu 20 Déc 2007 - 11:54

Mon ami Dufreined

Cela fait très longtemps que je demandais sur la toile la démission de l'ancien président comme chef du parti Fanmi Lavalas . Mes amis lavalas m'ont reprcohé de mon fanc parler. Ils ne veulent pas m'appuyer. Ils marchent tous sous les oeufs comme quoi seul Aristide pourrait les aider à gagner une élection. Je suis contre cette pensée et je persiste et signe que le docteur doit démissionner de son poste et faciliter une course au leadership au parti lavalas.

Ala bel sa tap bel si Aristide avait annoncé sa démission au lieu de ce recit de fin d'année. Ala bel sa tap bel si Aristide ta ede à la preparation de sa succession. Ala bel sa ta bel si Aristide ta laisse place chef FL à court terme à un autre lavalassien.
Mwen tap declare misye le démocrate de l'année et pis tout nouvo chef pati an tapremercie li et li te ka toujou consulte Aristide à titre d'ancien chef et d'ancien chef deta. Nou konnen ke misye genyen anpil experians , anpil zanmi, anpil fidel , yon paket ak anpil moun kife lavalas deye 'l. En effet, nouvo chef la tap pran relè an. Je pense ke nouvo chef la te ka fè mieux là ou Son Excellence le docteur - ancien Président Aristide avait échoué... dans son exercice de pouvoir bien sur.

malé

Invité Jeu 20 Déc 2007 - 12:07

Marc-Henry,

Dieu merci, je n'avais pas lu votre commentaire avant de faire les miens. Les gens ici auraient pensé que vous m'avez influencé.

Si Fanmi Lavalas ne s'accroche pas aux grands principes modernes de démocratie, il risque la division. Dans tout mouvement populaire, il y a une rotation. Le nouveau leader ou futur candidat doit avoir suffisament de temps pour présenter sa vision, convaincre des gens et préparer sa campagne électorale pour le poste de président.

Je serais un hyppocrite pour avoir ici dénoncé la dynastie des Manigat au RDNP et me taire sur les pratiques non-démocratiques du mouvement populaire haitien.

Rico Jeu 20 Déc 2007 - 12:45

dufreined a écrit:Marc-Henry,

Dieu merci, je n'avais pas lu votre commentaire avant de faire les miens. Les gens ici auraient pensé que vous m'avez influencé.

Si Fanmi Lavalas ne s'accroche pas aux grands principes modernes de démocratie, il risque la division. Dans tout mouvement populaire, il y a une rotation. Le nouveau leader ou futur candidat doit avoir suffisament de temps pour présenter sa vision, convaincre des gens et préparer sa campagne électorale pour le poste de président.

Je serais un hyppocrite pour avoir ici dénoncé la dynastie des Manigat au RDNP et me taire sur les pratiques non-démocratiques du mouvement populaire haitien.

Mezanmiro kisa ki mouvman popilè sa. Pou moun ki fè de twa jou sou ban lekol sa rele yon DEMAGOJI POPILÈ. Koman nou fè relè yon vas konpirasyon pou manipile yon bann moun pov demini pa yon ekip atoufè gran manjè de mouvman popilè. Ki prèv nou bezwen anko.

Nou manke respè pou tout Ayisyen konfondi nan repete radot konsa. Papa Dok te osi odasye pou mennen yon politk konsa. Li flanke kelke loupim bon pouvwa, kelke avantaj, flanke yo yon fizi galil. Lè yo pa genyen fizi yo pran koko makak yo pou kanpe nan degwann bon pèp.Yo terorize abitan tankou gwo zouzoun la vil, volo shat mimi te fè sayo vle.

Nou refize konprann fenomenn chimè la se te anko yon lot vèsyson briganday sa. SOF KE dUVALIER TE METE YO NAN YON ESTRIKTI . Li te gen yon seten kontrol sou yo. Men saki rele Aristidd la two kreten li pèdi kontrol yo, pati kite nou nan ensekirite.YO KONVÈTI AN BON KIDNAPÈ. TOUYADO. Manyè reflechi se yon ront pou peyi sa.

Rodlam Sans Malice Jeu 20 Déc 2007 - 13:09

Les aveugles ne peuvent pas nier l'existence du soleil et de ses rayons bienfaisants qui nous procurent la vitamine D(lol)Il existe bien ce mouvement populaire ;sa derniere manifestation est l'election de Rene Preval à la presidence."lavalasse est incontournable. 'Marc Bazin.

Alors Rico ne venez pas nous montrer l'inexistence du mouvement populaire.Vous pouvez contester son homogénéité mais vous ne pouvez pas nier son existence vous le savez mieux que nous est-ce pourquoi les rayons du soleil vous font trembler parce que vos yeux embués par les larmes de l'amertume ne tolèrent pas la lumière du Prophète qui nous enseigne à nous aimer les uns les autres:"Omnia vincit amor""Oculos habent et non videbunt"la reconnaissance est la memoire du coeur."Se pawol sayo nou rele de grenn goch la?Donnez donc à Cesar ce qui est à Cesar.

Rico Jeu 20 Déc 2007 - 14:03

Rodlam Sans Malice a écrit:Les aveugles ne peuvent pas nier l'existence du soleil et de ses rayons bienfaisants qui nous procurent la vitamine D(lol)Il existe bien ce mouvement populaire ;sa derniere manifestation est l'election de Rene Preval à la presidence."lavalasse est incontournable. 'Marc Bazin.

Alors Rico ne venez pas nous montrer l'inexistence du mouvement populaire.Vous pouvez contester son homogénéité mais vous ne pouvez pas nier son existence vous le savez mieux que nous est-ce pourquoi les rayons du soleil vous font trembler parce que vos yeux embués par les larmes de l'amertume ne tolèrent pas la lumière du Prophète qui nous enseigne à nous aimer les uns les autres:"Omnia vincit amor""Oculos habent et non videbunt"la reconnaissance est la memoire du coeur."Se pawol sayo nou rele de grenn goch la?Donnez donc à Cesar ce qui est à Cesar.

Ant mouvman popilè e saki rele manipilasyon nayif, moun san espwa ki anko sispann nann dyol manterr, politikayèrrrrr se yon lot.Malerezman se moun tankou w ki anko annivre pa le chan de la sirenn. Wi Malis ki lese lè Preval, lè ALEXIS AK LATRIYE SÈVI AK SAKI NAN ZO TÈT NOU POU AVANSE NAN KOZ POLITIK YO.

NON MWEN GEN ASE MOUN ki nan atouraj sa, pou konprann se yon vas blof, pou kenbe pouvwa. Malis direktwa, moun kap byen mennen pa kwè vremen mouvman pèp. Se yon mwayen politik, dayè se byen demontre depi moun sayo nan pouvwa

Malis konprann byen. ti pèp nayif pa konnen kote pou foure ko yo ni ki sou pye pou yo danse. . Yo setoblije kanpe nan degwann radoterr konsa kap jwe politik ak yo, ki pale tankou yo ki demontre sansiblite nan blofe pou yo. Se byen fè diferans ant tandans popilè ak bann POLITISYEN MAKARON KI VLE JWE CHEF DE FIL MOUVMAN POPILÈ.

Invité Jeu 20 Déc 2007 - 14:05

Rico1,

Par sa sagesse, Malice vous a tout dit mais je ne peux résister à la tentation de revenir encore sur ce topic. C'est vrai que je ne serai pas aussi élégant que lui.

Souvent, vous me ridiculisez à cause de ma jeunesse mais aujourd'hui en niant l'existence du mouvement populaire, vous avez projeté l'image d'un étranger qui ne connait pas Haiti, ou un riche qui, enfermé dans son confort, n'arrive pas à entendre les cris de la masse.

Quant à moi, je suis différent. Je suis originaire de Raboteaux et de très jeune j'ai appris à combattre et à défendre ce mouvement populaire. Plusieurs de mes condisciples Jean Robert Cius, Daniel Israel , et Markenson Michel (les 3 élèves abattus à la fin du règne des Duvalier) et d'autres que vous ne connaissez pas sont disparus dans cette lutte. En effet, à cette époque, au lieu d'avoir des livres dans nos sacs scolaires, nous emportions des tracs pour jeter dans les rues des Gonaives et dénoncer ce régime.

C'est vrai que nous avons été trahi durant cette lutte:

Jean Tatoune, combattant héroique a été transformé en "attaché militaire"
Amiot Métayer, symbole de la résistance de toute une ville, a été métamorphosé en "chimè lavalas"
...

Des "patatistes" nous ont manipulé et ont accédé au pouvoir pour satisfaire leur avarisme et égoisme.

Mais ce mouvement de tout un peuple à la recherche d'un bien-etre social ne périra jamais.

Aristide n'a pas été le pionnier de ce mouvement (il nous a rejoint en route), il ne sera pas non plus le point final de ce mouvement.

Marc-Henry Jeu 20 Déc 2007 - 14:29

dufreined a écrit:

Quant à moi, je suis différent. Je suis originaire de Raboteaux et de très jeune j'ai appris à combattre et à défendre ce mouvement populaire. Plusieurs de mes condisciples Jean Robert Cius, Daniel Israel , et Markenson Michel (les 3 élèves abattus à la fin du règne des Duvalier) et d'autres que vous ne connaissez pas sont disparus dans cette lutte. En effet, à cette époque, au lieu d'avoir des livres dans nos sacs scolaires, nous emportions des tracs pour jeter dans les rues des Gonaives et dénoncer ce régime.

Mes hommages camarade.

Mais ce mouvement de tout un peuple à la recherche d'un bien-etre social ne périra jamais.

L'élection de Préval est la preuve irréfutable de l'existence du mouvement. Il va sans dire que Fanmi lavalas n'est pas le mouvement lavalas. C'est une partie du mouvement.

Aristide n'a pas été le pionnier de ce mouvement (il nous a rejoint

se sa net zanmi. mwen kontan anpil li denye paragraf sa.

Joel Jeu 20 Déc 2007 - 16:01

Non Dufreined ,respectez la vérité historique.Aristide a été dans le mouvement Lavalas ,dès ses origines.

Je me souviens ,que dès 1983 ,1984 tout New York s'assemblait,chaque dimanche, devant leur Radio pour entendre les prèches d'Aristide diffusées sur la fameuse émission de l'HEURE HAITIENNE de LIONEL LEGROS.

On s'émerveillait devant le courage du petit prètre de Saint Jean Bosco.
Les manisfestations des élèves de Saint Marc ,c'était en 1985 n'est ce pas ,donc c'est manifeste qu'Aristide ne vous a pas rejoint.Il risquait sa vie très tot.
Donc ,Aristide n'est pas un opportuniste dans le mouvement Lavalas.Il y était dès son origine.
Respectez l'histoire!

Marc-Henry Jeu 20 Déc 2007 - 16:27

Joel a en partie raison. Avant de quitter le canada au début des années 80 pour Haiti , le père Aristide eut à dire ceci; je m'en vais dechouker Duvalier, quelque chose comme ça. Rico pourrait confirmer ou infirmer ces propos...
Merci d'avance.

Rodlam Sans Malice Jeu 20 Déc 2007 - 16:38

Joel

Vous avez raison c'est son courage qui a attiré la sympathie de tous les vrais haitiens de la diaspora ;personne ne peut qualifier Paul Laraque d'etre un opportuniste. Malgré les erreurs d'Aristide il merite encore notre admiration quoiqu'en disent ses denigreurs.

Aristide ne sera plus President d'Haiti ,mais il restera jusqu'à sa mort la voix des sans voix.il faudra toujours un Aristide pour montrer la malfaisance de cette elite repugnante.

Invité Jeu 20 Déc 2007 - 16:50

Messieurs, je suis désolé. Aux Gonaives, Aristide n'était pas présent lorqu'on bravait les miliciens et militaires. C'est la faim qui avait poussé les gens à manifester.

"Cent quatre-vingts ans après la proclamation de l'indépendance aux Gonaïves, l'armée doit intervenir dans le chef-lieu de l'Artibonite, à moins de deux cents kilomètres au nord de Port-au-Prince. Les militaires répriment des émeutes de la faim (23 mai 1984). On peut comprendre la contestation populaire. Depuis 1981, le revenu réel par habitant a baissé de 8,5 %."

http://209.85.165.104/search?q=cache:blvoK1hEWawJ:doc-aea.aide-et-action.org/data/admin/haiti_-_histoire_secrete.doc+les+3+%C3%A9l%C3%A8ves+abattus+%C3%A0+la+fin+du+r%C3%A8gne+des+Duvalier&hl=en&ct=clnk&cd=5&gl=us&client=firefox-a

Il se pourrait qu'Aristide soit contre Duvalier mais il n'a jamais été le père de ce mouvement. D'ailleurs à cette époque, seul leader politique qui risquait sa vie était Sylvio Claude.

Marc-Henry Jeu 20 Déc 2007 - 16:50

Attention

Personne a accusé Aristide d'opportuniste dans le mouvement Lavalas. Nous avons dit que le mouvement a démarré avant lui. Certes, il a aidé le mouvement mais le mouvement ne lui appartient pas. Ce n'est pas son affaire personnelle.

Joel Jeu 20 Déc 2007 - 17:07

Oui,Sylvio Claude risquait sa vie,Aristide le faisait aussi.Je me souviens vividement de l'une de ses prèches ou il utilisait ce qui se passait à l'époque au Nicaragua pour faire des parallèles à la situation haitienne.

Ceux qui entendaient cette prèche ,immanquablement pouvaient conclure que si Somoza avait été renversé,Jean Claude Duvalier pouvait aussi l'ètre.

Et puis Marc,pourquoi voulez vous qu'il abandonne le leadership du Parti fanmi Lavalas.Vous connaissez un précédent?
Est ce que c'est dans l'avantage du Parti qu'il abandonne ce leadership?
ça n'a rien à voir s'il peut devenir encore président ou pas.
Il est un point de ralliement pour le Parti ,comme l'était JUAN DOMINGO PERON ,dans son exil et l'on sait comment ça avait tourné.
Ne tombez pas dans de l'enfantillage politique!

Contenu sponsorisé

DISKOU AN DAKI ARISTIDE POU FEN LANE 2007 POU FANATIK LI YO

DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO

Re: DISKOU AN DAKI ARISTIDE POU FEN LANE 2007 POU FANATIK LI YO