ASOH DI ALASSO POU RETOU ARISTID



ASOH SOUFLE LAMBI MOBILIZASYON
POU MANDE RETOU TITID
POU DENONSE TRAYIZON AK KOUDETA ELEKTORAL

Ann’ pwofite montre yon lot fwa anko nan yon manifestasyon pasifik, ke Fanmi Lavalas rete yon zouti pou demokrasi jémen nan peyi Dayiti.
Nan dat 28 Fevriye kap vini la-a, kap fè Prézidan ARISTID 5 an depi blan vini pran li pou li pa fini manda li pèp ayisyen te bali -a
ASOH di « ALASO POU RETOU TITID .
Li klè kou dlo kok, ke plan ènmi -an se fini ak Fanmi Lavalas. Montre yo yon lot fwa, detanzantan ke se pèp ki bay pouvwa . Fok nou kimbe biltin vot nou men nou pou nou montre ke nou vle eleksyon, pou nou di non, komplo sa-a pap pase.
Eleksyon pa janm fèt nan Eksklizyon , Se seleksyon yo vle fè pou mete tyoul yo nan palman-an. Fon montre ke nou konpran jwèt la.
Kenbe flanbo diyite nou byen wo ,yo pral distribye lajan agogo pou fè divizyon gaye
Se pa san rezon yo kitén- san travay ,se pa san rezon yo kinbe nou nan trip, se yon konplo pou redwi nou a zéwo, yo pa ba‘w manje, wap dépafini ,lé ou dépafini ou paka mobilizé ou paka revandike. Erezman nou intelligent .
Byen konte mal kalkile
Mobilize pou nal’di paka gen eleksyon ak yon ti gwoup ays yen .
Fok tout aysyen kapab al’ nan eleksyon pou vote nan moun li kwè
Tout lavalasyen ki kwè ke li nesesè pou bay yon leson ak KEP la, ak Patron ki ba yo lod sal sa-a pou fèmen pèp la deyo, pou yo kontinye akselere tren koudeta-a.
ASOH mande Kominote Entenatsyonal la pou yo pran not .Si KEP la ap pale de dwa gran moun’n .Li genyen pou déside. Se pa vre, paske pi fo lajan an se Kominote Entènasyonal la ki bay li.
Donk ASOH ap tann’ reaksyon Kominote Entènasyonal la pou’l ka konnen si yo konplis nan ekate Fanmi Lavalas nan kous la.
KEP la di lap aplike la lwa, Kisa ki anpeche li chita ak Prezidan peyi a pou mande Retou Prezidan Aristide an Ayiti, pou vini ranfose Fanmi lavalas ,tout moun va fè yon sèl , problèm manda pap janm poze anko. La vin‘n kontinye konstwi bèl inivèsite nan peyi a - Jwen ansanm ak lot sitoyen ki vle travay pou mete Ayiti sou rout devlopman .
An’nl pwouve anko yon lot fwa fos mobilisayon nou, nap montre yo ke TITID rete prezan nan rond sant lan, li poko pase , li se chimen limyè espérans mass pèp la .
Tout kandida Lavalas yo Samedi 28 Févrye dwe fè yon deklarasyon ansan’m pou kore demand pèp aysyen-an « Ki se retou fizik Prezidan ARISTIDE .
Ki donk : Pasifikman, Mande pou ki rezon yo pa vle Lavalas al nan eleksyon .
Lamp demokrasi-a ki te limen nan peyi Dayiti ak Prezidan Aristid
29 Fevrye 2004 ,yo touye limyè-a lè yo anlve Prezidan an Ki te eli pou 5 an .
Kanada nou kontan ou pran not , Etazini nou kontan ou pran not ,
AEC Asosyasyon Eta Nan Karaib la , le Mond entye pran not.

ASOH din’n
Viktwa se pou pèp ki rete mobilize pou sitiyasyon’l chanjé , nou pa gen dwa bay legen.
Nan twou san fon sa-a, koudeta kidnapin nan mete nou la-a, nou paka rete ap gade .
Fok nou pran chimen linité pou wete nou ladan’l .

Nou pap bwè lèt koudeta eksklizyon elektoral nan manmèl bèf trayizon .


Paris, le 15 Févrye 2009


AKSYON SOLIDARITE AK AYITI