Wouyyyyyyyyyy eske se konsa dyasporyen vle envèsti ak ede peyi dAyiti.

AnaCreole a écrit:

Thunder a écrit:Kisa !!? ...te genyen diferans nan mantalite sektè ki genyen an Ayiti yo? Alò nou panse se "gang 11" ki refize peye taks sèlman ?

Foto ke Rico mete la a, ki t yo se Ayisyen ou pa, (Li te gen dwa mete yon desen tou)sa pap anpeche ke pwoblèm kontrebann, mounpayism ak evazion taks rete yon pwoblèm serye ke nou dwe derasine ak tout fòs.

Se pa yon kesyon de pa vle peye taks, aprètou si yon moun ap fè yon biznis, fò li fè yon ti profi. Si se pa sa akwa lapènn?

Leta konplis lan bagay sa, li mete yon biwokrasi konplike ak anpil antrav ki pa bay moun onèt yon chans.

Rico vle atire atansyon sou dyasporyen ki rantre lan konbinezon louch pou yo sa kontourne ladwann e pa peye frè dwanyè. Li mete foto pou montre kijan sa fèt, li pa di ke foto se eksakteman dyasporyen k’ap opere konsa, se jist pou ilistre sa l’ap di. Jan Thunder di a, foto yo irelevan, menmsi li pa't mete yo, tout sa li di yo t'ap toujou verite sou tanbou. Alò se pa sou foto yo ke deba sipoze fèt , ni sou kiyès ki kòmanse ak magrouy sa.

Dayè foto sa yo ap sikile sou wèb la depi an 2003, yo te lan yon atik pou te demontre kòman sèten kòmèsan ap fè kontraband antre lan peyi san ke ladwann pa konnen e pa touche sa yo dwe touche pou leta.

Se systèm dwanyè a, biwokrasi magrouyè yo mete anplas, ki pa bay dyasporyen yo ak komèsan ki sou plas yo, yon chans pou fè zafè yo dwat. Dyasporyen sètoblije antre lan magrouy la pou yo pa tounen pwa tann .

Tout tande nou tande gouvènman ap di li bezwen moun vini envesti lan peyi, se bobinn, radòt lan mache seradòt. Biwokrasi ladwann lan la pou fristre kòmèsan yo, dyasporyen yo, kelkeswa moun wou ye a, jiska ke yo bay legen e reziyen yo pou peye magrouyè yo.

Reyalite, sèke Ladwann se yon viris k’ap detwi tout envèsman onèt lan peyi ak taks irasyonèl, demach initil, bann papye ak vre wonn san sans. Tout bagay, wou bezwen yon parenn, yon moun pa, se pou bay poubwa depi sou sekirite gad rive jiska direktè. Se mal sa pou nou denonse e leta konplis ladan’l.