Le sénat a destitué le premier ministre Michèle Pierre Louis.

Radio canada a annoncé la destitution de Michèle Pierre Louis par le sénat haitien.

A suivre !

Marc-Henry a écrit:Radio canada a annoncé la destitution de Michèle Pierre Louis par le sénat haitien.

A suivre !

Zouti madan Pye pwan nan moulen!

Madanm Pyelwi vyole youn seri de lwa fondamantal nan kontwol pouvwa nenpot kote e spesyalman nan peyi Dayiti!

Nou sonje madan Pye pat monte ak youn sipo popile, ni ak youn baz enstitisyonel.

Madanm nan pat genyen labsolisyon tout sekte nan peyi paske nan fon tablo anpil moun pa kontan tande, nan youn peyi a 80% kretyen, ke youn madivinn deklare vinn premye minis! Bagay sa te kite youn gou anme tankou fyel bef nan boush anpil moun menm si direksyon madanm nan pat dwe youn konsiderasyon selon anpil moun men pa nan peyi Dayiti!

Madanm Pye pat konpwann ke se ak palemante yo ke li tap travay e non kominote entenasyonal la. Manzel te konprann relasyon li aletranje te ka ede li. Kay madnam nan toujou plen ak etranje zanmi li ki vinn we li, manje, pase bon moman. Andedan primati sete goumen tout tan ant diferan ti zanmi madanm nan pou biwo ak pou inflyans.

Madanm nan te vinn vinn pi si ke se kominote entenasyonal ki te boss li le Preval te mande li pou retire 3 minis nan gouvenman an. Manzel di msie pa gendwa rantre nan gouvenaman li pou chanje moun. Preval di "mesye mwen te kwe ke se mwen ki mete w premye minis epi wap lonje ko'w sou mwen konsa. Se pa de efo mwen fe pou mete w Pm non. Epa chak premye minis mwen mete tounen youn kouto ki file 2 bo pou koupe pwostat mwen mezanmi?" Manzel di si se sa Preval vle fe lap demisyone. Preval dil map aksepte let la wi, manzel te gentan aveti sekte entenasyonal, li remet Preval let la. Imedyatman tout anbasad tonbe fe presyon pou Preval pa revoke madanm nan. Epi li rete PM. Kounyea li vinn remake kiles ki toro, se entenasyonal ki toro'a. Grav ere! Se konnen ke li pa konnen ke Preval pa nan frote bab ak neg ou ak fanm. Si Aristide lite ka lage ki dire pou ti Madan Pye!

Madan Pye te pense ke pwiske lite partner Preval, zanmi Preval, zanmi ak benefis anko, moun ki te konn nan tout ti vis ansanm. Alo li pense ke li te genyen anpil dosye sou Preval ke li te ka mete deyo ki ka anpeshe Preval deklare Operasyon Rache Krk la deye li. Grav ere! Preval pi sinik ke Aristid toujou. Aristid ap pale, ap fe menas, ap tyanse, msie pap di anyen, lap rache, lap koupe ....

Madan Pye pat konpwann ke fok li te paret piblik nan lit etidyan yo e cheche youn rezolisyon rapid nan kriz nan inivesite e kanpe akote etidyan yo pou ka kreye youn baz popile. Kom manman pitit, kom granme, lite ka rantre nan pitye mize etidyan kita dwe rezev peyi a.

Madan Pye pat pale fo ase sou kesyon sale minimum nan. Lite dwe kanpe deye 200 goud la e le 125 nan te pase fok li te vini ak eksplikasyon pou fe le pep aksepte li e pwomet ke lap pwal goumen pou 200 pi devan. Menm si se pa vre men li tap bay enpresyon ke li konprann mize ti pep la selon konsep demagojik Aristid tabli nan peyi a depi apre 1986!

Madan Pye ak gouvenman li a voye youn dlo sal nan rapo sou 197 milyon dola. Paleman te plenyen anpil de rapo ki sanble ak youn roman foto san okenn chif jistifikatif. Rapo soti apre ke depite yo ale. Bagay la te santi di anpi. Men olye ke madanm nan vini ak bon jan eksplikasyon, mande odit depi nan moman sa'a, di kote lajan an pase, konbyen kite nan men li, konbyen ke palais nasyonal te keyi depi anle, konbyen depite ak senate te jwenn. Li femen boush li li pa di pep la anyen. Le wap gouvenen nan okenn ka ou pa ka inosan... Le ou pa di anyen ou konplis. Kondi Dokte Aristide si pa genyen sitirez pa geyen volez!

Madan Pye manke paret sou senn piblik la pou denonse grangou ak lamize, li manke pale sou kesyon paket mashann ki gaye nan lari a, li manke pale de job ki manke nan peyi'a, kondisyon fanm, restavek ak klas moun ki pi vilnerab nan peyi pou kite transpire youn visyon kle, pro pep, pou bati youn baz popile ki ka soutni sipo entenasyonal la. Apel Madan Clinton pat fe pesonn brending nan palais a. Preval mande madanm Clinton poukisa Obama pa fose senat ameriken pase lwa sou asirans sante a pou li ak fos, poukisa yap mande li anpeshe jwet demokratik la nan peyi li, se senat kap deside. Epi pa nwi li twop. Menm si youn premye minis ale ap toujou genyen la continuite de l'etat... Ahhahahahhahah

Madan Pye pa konpwann ke se ak paleman lap travay li pat ka ekri yo youn let ki mande batay konsa. Li pense pwiske lite genyen batay ak Preval la menm bagay ka fet nan nivop paleman. Li pa di ke li pat la, lap beswen plis tan pou prepare li non, ou byen selon atik 107 la li pap pale men li di yo li pap vini yo menm ya fe sa yo vle. Eske se pa youn frekansite ki mele ak tout youn grenn pemet?

Madan Pye pa di anyen sou kesyon 32 milyon lajan drog nan Podepe a. Anpil moun mouri men pesonn pa tande madanm nan ni minis jistis la sou eskandal piblik sa'a.

Kontra Minustha renouvle madanm nan te ka montre tristes li, ke sa necese nan tan sa e ka di ke li pwal travay ak palemanpou konnen nan ki tan Ayiti va retwouve souverente li!

Vot kite mennen Madan Pye a pat legal, se nan anti chanm yo te rele youn denye grenn senate pou fe li chanje vot li! Alo lite genyen responsabilite pou kreye youn baz popile pou li te ka goumen!

Se le nouvo senate Lespwa dekrete Oprasyon rache Pwel ke Madan Pye voye youn mesaj anrejistre kote lap plenyen tankou ti ti fiyet ke yo vole poupe li nan men li e pi lap fe manman imouch...

Herivo, Latoti ak ekip kalite pale anpil vre, defann madan Pye ak tout fos yo, men pat genyen chans, ekip kantite a te tounen youn labatwa ki tap tann pou yo koupe tet ou krk madan Pye!

Madan Pye ale, Max Bellerive te domi nan palais national, li gentan genyen mashinn blinde li nan bounda li, ak 10 polisye nasyonal, li deja ap prepare pyes li, dekreprezidan deja pibliye. Max Bellerive deja komanse ap cheche moun ki pou vinn siye e notoye, filmige biwo madan Pye a... Epi la vie continue... Pat genyen anyen ki tap fet anvan madan Pye, pat genyen anyen kitap fet pendan Madan Pye la, PA genyen anyen ki pwal fet apre li men MAdan Pye mouri nan pwop film ke li pwodwi ak youn akte ki di li pap mouri nan film nan kise Preval!

Bye bye che madanm ale kontinye fe saw konn fe tande! Mwen te nan p[las Madan Pye se pep la ki tap deyo - se Preval yo tap mande kite pouvwa pa mwen...