Arogans e endiferans youn sherif

Mwen pa konnen si genyen nan nou ki tap gade 60 Minutes yè swa kote youn jounalis di Bush ke majorite meriken pa dako ak jan li ap dirije peyi ya e yo pa dako ak gè ya.li di presidan ke li konnen ke pep la di ke li twonpe yo ,li di Presidan an ou pa twouve oken zam mas destruktyon ni nanpwen anyen ki konekte Irakyen yo ak 911. Bush di wi:" se youn erè servis dentellijans la e nap okipe de sa men So what nou delivre irakyen yo de youn tiran."Li envayi youn peyi souveren poul vanje l de youn tiran.Epi se moun saa Doktè Rice di :"I love the president."Mwen ta renmen konnen si se kè Dr Rice ki te ap gouverne bush li ou byen si se servel li ki te ap dikte l sa poul di e ki kote li pran Doctorat saa.

mezanmi eske se pawol youn moun ki responsab sa.Fok li te touye plis pase 50000 irakyen plis pase 3000 jen gason ak jenn fanm mouri pou l te delivre irakyen yo ,ala youn delivrans ki koute pep irakyen ak pep meriken yan papa.Ki lè li pral delivre pep Iranyen an ak pep koreyen ,ak pep kiben , ak pep venezuelyen ke li di se tyran yo ye.Eske se pep irakyen ki te mande Bush te met touye 3/4 nan yo pou li touye Saddam ?Konbyen koreyen li pral touye poul delivre yo de tyran ki ap gouverne kore di No la.?Eske se pa Charlie Rangel ki genyen rezon se pou yo tounnen ak draft la pou pitit malere tankou pitit gran neg mouri nan la gè tou.

Li di ke li pa selman Komandan an shef men li se profesè an shef tou se li ki pou eksplike pep ameriken pou ki sa li itil pou twoup yo rete an Irak pase si se pa sa pita ka pi tris.Se menm teyori saa ke Mc namarra te itilise lè la gè Vuietnam kote yo te di si Saigon tonbe tout sud Asie ap vinn kominis. Saigon tonbe pep Vietnamien pa fe youn asasina sou lot moun ki te nan sud Vietnam yo epi oken lot peyi nan zonn lan pa vinn kominis.Koulyè ya yo di si yo kite Irak suny yo ap devore shiites yo etc. bon eske yo pa tap viv ansanb anvan la gè ya?

Mwen te koumanse gade entèviou an;apre yon 5 minit konsa,mwen vire chanèl lan.
Mwen konnen ,se menm manti yo,misye t ap kontinye bay.Pou plis ke 2/3 pèp ameriken an vle ba w yon bwa long kenbe,monchè,ou nan pwoblèm.
Si misye te prezidan youn nan peyi nan tyè mond lan,se pou l ta bay demisyon l;misye gen chans se prezidan Ozetazini li ye.

Mwen pa mande pou youn jije misye non,men se pou wè ki jan politik se youn maskarad sa ye.Neg yo te vle jije Clinton pase li te fè sex a youn jenn fanm nan Mezon blanch lan.Men nonm saa ki fè manti .voye pitit moun mouri paske li di ke irak te genyen zam destruktyon masiv e ke menm CIA te dil se pa vre. men li pa koute personn fok li te fè la gè ki koute peyi ya bilyon dola ki te ka itil moun ki ap soufri nan new Orleans.kite ka diminye defisi bidjè ya.Ou pa tande repibliken pale de enpish misye menm.

Li rekonet ke li fè youn erè ,bon si w anvayi youn peyi souveren pa erè e ou avwe se youn erè sa w wap fè nan peyi moun yo toujou?Li genyen kouraj poul kanpe nan televisyon poul di si youn moun ta vinn okipe Eta Zuni se sou kadav li pou yo ta pase li pa tap kontan tou ,men o lye li fè moyen poul retire twoup yo la kay moun yo se plis li ap voye.Komsi pandan 4 lane yo fè yo pa rezoud pwoblem se nan 2 lane ki retel ke 21000 nouvo jenn gason ak jenn fanm sayo ka pral resoud pwoblem.

Se poul tou fè irak tounnen youn eta nan linyon yankonsa solda meriken yo a rete nan Irak pou leternite; paske depi solda meriken kite peyi Malaki ap pran ekzil.Ou fè 4 lane ;depanse billyon e billyon dola pou antrene youn ame irakyen ki pou mete lod ou pa reyisi ;eske se pa youn moun ki manke youn fey ki pou ap voye jenn gason ak jenn fanm mouri nan youn gè ilegal e imoral.Poukisa yo pa shashe resoud pwoblem ki a la sous de mekontantman arab yo?